• Facebook
  • Twitter
  • Rss
  • Plus
POIO> A Festa do Mar sopra xa dezasete velas. A cita volve un ano máis coa súa aposta, que mestura gastronomía, tradición e música para todos os públicos. Esta edición, ademais, o concello de Poio intentará obter o distintivo de Festa de Interese Turístico de Galicia. A mellor gastronomía e os mellores produtos do mar volverán darse a man no concello de Poio. A Festa do Mar cumpre a súa décimo sétima edición cun obxectivo en mente: conseguir o distintivo de Festa de Interese Turístico de Galicia. Esta edición celebrarase entre o mércores 23 e o domingo 27 de agosto. Durante estes días, Combarro será o centro de actividades, cun programa no que destaca o concerto de David Civera o día da inauguración na praza da Chousa. O 24 será a quenda do Festifolk, que o 25 dará paso a unha das citas máis agardadas, o Festival Armadiña Rock cos Herdeiros da Crus. O orzamento será semellante ao de anos anteriores: 200 mil euros. Este ano os stands gastronómicos saíron a concurso público, aínda que o concello resérvase dous que servirán ameixas e mexillóns da ría. Tamén se repetirá a concentración de embarcacións tradicionais, á que asistirán preto de 30 barcos.
Publicado en PONTEVEDRA
Pontevedra> Combarro xa está listo para acoller unha noiva edición, e xa van 9, do Armadiña Rock. Unha cita que se desenvolverá do 25 ao 27 de agosto e acollerá concertos da talla de Heredeiros da Crus, Ruxe Ruxe ou Def con Dos. Todos as citas serán de balde, incluída tamén a acampada na Reiboa.
Publicado en PONTEVEDRA
Pontevedra> Os empregados da empresa Valoriza, a encargada do servizo do lixo en Poio, comezarán unha folga indefinida de recollida de lixo a partir do 16 deste mes. Mañá terán a última oportunidade de chegar a un acordo coa empresa. O punto de encontro estará nun aumento do soldo entre un 4 e 5 por cento, o que suporía un total de 70 euros ao mes para cada un dos 16 traballadores.
Publicado en PONTEVEDRA
POIO> O Partido Popular de Poio quere abordar a regularización catastral nun pleno extraordinario. A formación presentou hoxe a solicitude trala asemblea veciñal celebrada o domingo. Ángel Moldes busca o apoio da corporación para conseguir unha rebaixa do IBI e bonificacións no rural. O Partido Popular de Poio quere abordar a regularización catastral nun pleno extraordinario. Esta mañá, o voceiro Ángel Moldes presentou a solicitude no rexistro, despois de conseguir o apoio dos veciños que asistiron á asemblea celebrada o pasado domingo. Actualmente, o IBI en Poio sitúase nun 0,47, pero a lei permite rebaixalo ata un 0,40. Na súa proposta, tamén solicitan bonificacións no rural. Na sesión plenaria, Moldes buscará o apoio da maioría da corporación para sacar adiante a súa proposta que, asegurou, é construtiva. O voceiro popular explicou que o pleno debería estar convocado nun prazo de quince días.
Publicado en PONTEVEDRA
POIO> Polémico pleno o de onte en Poio coa ausencia do PP e a protesta dos traballadores de Valoriza. a empresa adxudicataria do servizo de limpeza, que anunciaron no pleno unha folga de recollida do lixo a partir do día 16, tras romperse a negociación coa dirección da empresa. O pleno deste mércores en Poio estivo marcado pola polémica. Por unha banda, o grupo popular decidía non asistiron á sesión alegando que o concello, liderado polo nacionalista Luciano Sobral, se negara a facilitar ó PP os documentos recibidos por rexistro, polo que sospeitan que están a ocultar información, tal e como nos explicou o voceiro, Ángel Moldes. Moldes explicou que a decisión de non acudir é unha responsabilidade de cara ós veciños, xa que de asistir ó pleno cobrarían aínda que se levantasen ós dous minutos de comezar a sesión. Protestas fóra da casa consistorial, e protestas dentro. Ademais da ausencia dos populares, o pleno estivo marcado pola protesta dos traballadores de Valoriza, a empresa encargada da recollida do lixo e limpeza viaria de Poio. Empregados e representantes sindicais acudiron ó pleno con pancartas nas que reclamaban un convenio xusto. A estas alturas continúan rotas as conversas coa empresa e os representantes sindicais decidiron iniciar unha folga na limpeza que tal e como anunciaron onte comezará o próximo 16 de agosto se non se resolve o conflito. O principal punto de desacordo atópase en relación cunha paga extra, que estes traballadores sinalan que reciben todos os empregados da limpeza e que a eles négaselles.
Publicado en SALNÉS - CALDAS
Pontevedra> Esta fin de semana a parroquia de Campelo, no concello de Poio acollerá o Marexadiña. Unha cita destinada para todos os membros da familia onde os pequenos serán os grandes protagonistas. Hinchables, concertos e actividades acuáticas daranse cita neste evento que se celebrará os días 14 e 15 deste mes.
Publicado en PONTEVEDRA
Martes, 04 Xullo 2017 10:35

Os motores comezan a ruxir en Poio

A oitava edición da concentración moteira “A rosa dos ventos” celebraráse en Poio esta próxima fin de semana. Unha cita que se agarda sexa a máis multitudinaria de tódalas celebradas ata o momento, e na que o respecto polo medioambiente terá un papel destacado. Música rock, xogos, degustacións de marisco, discoteca móbil, agasallos, e sobretodo, motos. A oitava edición da Rosa dos Ventos, a concentración moteira que organiza en Poio a motoclub que da nome ó evento, comeza xa a quentar motores. Desde o venres 7 ata o domingo 9 as rúas de Poio e concellos de arredores sentirán o ruxido dunha máis de 3.000 motos. Esta mañá presentouse a cita no concello poiense. O presidente do Motoclub destacou as novidades desta oitava edición, así como a relevancia que terá este ano o respecto polo medioambiente. Este ano agárdase que a participación sexa aínda máis alta que nas últimas edicións. Aínda están a tempo de inscribirse, por un prezo de 25 euros, que inclúe zona de acampada, comidas, espectáculos e actuacións, merchandising, rutas, e sorteos de agasallos. Teñen toda a información na páxina Arosadosventos.com
Publicado en SALNÉS - CALDAS
Pontevedra> Combarro convertese ata o domingo na capital da cultura mariñeira. Dende a pasada noite acolle o XIII Encontro de embarcacións tradicionais. Unha cita que ten como obxectivo promocionar o patrimonio cultural do mar e que xuntará, neste punto de Poio, a preto de 150 embarcacións de distintos puntos de Europa. As embarcacións que participan neste XIII Encontro chegan navegando dende Fracia, Escoia, Irlanda, Reino Unido, Croacia, Portugal, País Vasco, Cataluña e outas zonas do Mediterráneo. Na inauguración deste espazo, que tivo lugar na pasada noite na praza da Chousa, estivo presente a conselleira do Mar, quen agradeceu o esforzo realizado dende a organización para levar a cabo este evento. Moitas actividades se realizarán en Combarro ao longo dos vindeiros días. Para a Presidenta da Deputación, non podía haber un lugar mellor para acoller unha cita destas características. Para o alcalde de Poio é unha honra poder acoller este evento, un encontro que loita por traballar polas raices do seu pobo, unhas raíces mariñeiras que estarán moi presentes ata este domingo 2 de xullo Se queren gozar da cultura mariñeira xa o saben que teñen unha cita ata este domingo 2 de xullo en Combarro nesta XIII edición do Encontro de embarcacións tradicionais.
Publicado en PONTEVEDRA
Pontevedra> Un escape de gas ocasiona un incendio na Caeira. Un veciño alertou ás 10 da mañá ao 112 dun incendio na rúa Río Oitavén número 9. O lume quedou sufocado ás 11:20 da mañá. Ata este lugar se desprazaron bombeiros do Salnés e de Pontevedra, Policía Local de Poio, Garda Civil, así como, unha ambulancia do 061, aínda que, afortunadamente, non houbo que lamentar ningún ferido.
Publicado en PONTEVEDRA
POIO> Co gaio da festa do San Xoán en Poio, o concello preparou un Plan de Seguridade e do Tráfico, co que garantir que a celebración transcorra sen ningún tipo de problema. Este non foi o único punto que se tratou senón que aproveitouse o momento para presentar a I Pedalada de Poio, que se incluirán dentro do programa das festas da localidade.
Publicado en SALNÉS - CALDAS
POIO> O programa das Festas de San Xoán ven cargado de actividades. Unha delas é das que máis arraigo ten entre os veciños, e porque non dicilo, entre os galegas e galegas de toda a comunidade. Estamos a falarlles da recollida de herbas aromáticas que despois de mesturalas con auga utilizase para lavar a cara o día seguinte de San Xoan.
Publicado en SALNÉS - CALDAS
POIO> A tradición continúa a ser a gran protagonista das Festas de San Xoán de Poio deste ano. Hoxe coñecimos os nomes dos encargados do pregón. Serán Luis “O Caruncho” e Bieito Lobariñas, e farano a xeito de regueifa. Ou o que é o mesmo: un desafío oral, improvisado e en verso. Será o día 22 de xuño, dando comezo á Semana Grande das festas. O dúo formado por Luis “O Caruncho” e Bieito Lobariñas serán os encargados de dar a saída á semana grande das festas patronais de Poio. Unha modalidade que encaixa na filosofía que o concello quixo aplicar ao programa deste ano: a recuperación da tradición. Ademais de manter as fogueiras, as sardiñadas e a recollida das herbas de San Xoán, o concello recupera este ano outra tradición: a do pasarrúas de cabezudos pola PO-308. O desfile será previo ao pregón o día 22 de xuño.
Publicado en PONTEVEDRA
Páxina 1 de 9
HomePONTEVEDRAMostrando artigos por etiqueta: Poio Top of Page

Síguenos en facebook