Ribeira abre un expediente á empresa responsable da instalación do alumeado de Nadal

RIBEIRA> Ribeira tomará medidas contra a empresa adxudicataria do subministro e instalación do alumeado de Nadal, coa apertura dun expediente sancionador, ante os reiterados incumprimentos das condicións recollidas nos pregos que rexen este contrato.

Segundo informou o propio alcalde, Manuel Ruíz, os servizos técnicos municipais detectaron unha serie de incumprimentos que teñen que ver sobre todo cos prazos e cos elementos a instalar nos diversos lugares e parroquias, incluíndo o casco urbano.

O rexedor mostrou o seu malestar por esta situación, máxime cando o Concello fixera este ano un significativo incremento no orzamento dedicado á iluminación , máis de 11.000 euros de diferenza con respecto ó do ano pasado.

Dende o Concello pídese tamén desculpas ós veciños polo malestar ocasionado, confiando en que esta situación se poida ver regularizada nos próximos días.

DEIXAR UNHA RESPOSTA

Por favor, engade un comentario!
Por favor, engade o teu nome aquí