• Facebook
  • Twitter
  • Rss
  • Plus
Pontevedra> O concello de Pontevedra loita contra o fraudo fiscal cunha nova inspección do Imposto de Actividades Económicas. A Xunta de Goberno Local adxudicou o traballo a Noroeste Local que terá 22 meses para facelo e percibirá o 16 por cento do recadado.
Publicado en PONTEVEDRA
PONTEVEDRA> O futuro campo de fútbol de Campañó está máis preto. Esta mañá, presentouse o proxecto desta nova instalación, que se sumará á rede do rural pontevedrés. O novo campo estará ubicado na mesma parcela que o campo actual, e contará cun investimento de case 1 millón de euros. Campañó está máis próximo a ter o seu novo campo de fútbol de herba sintética. A instalación ocupará a parcela do actual, e contará con materiais de alta calidade. A superficie de xogo será de 95x53 metros. Tamén estará equipado con cinco construcións que acollerán servizos complementarios como os vestiarios ou a cantina. A obra conta cun orzamento de case 1 millón de euros, e virá completar a transformación desa zona do monte de A Tomba. Alí tamén está proxectado un parque forestal. Os técnicos do concello traballan actualmente no prego de condicións do concurso de contración. Unha vez adxudicada a obra, o prazo de construción será de 8 meses.
Publicado en PONTEVEDRA
PONTEVEDRA> Volve o festival pontevedrés dedicado aos bebés. No concello presentouse esta mañá a nova edición do Núbebes; unha cita que trae ata a capital de provincia actividades artísticas, conferencias e obradoiros pensados para o público máis miúdo das casas. A completa programación desenvolverase do 22 ao 24 e do 29 ao 30 de setembro. O Festival das Núbebes xa ten máis anos que a gran maioría dos seus protagonistas. A cita pontevedresa cumpre cinco anos, manténdose fiel á súa proposta: preparar un programa de actividades dirixido a bebés. Segundo os organizadores, a calidade é o criterio fundamental que se marcan á hora de escoller as diferentes propostas. Tamén priman as que son de produción galega. Ademais das artes, o festival tamén ten a súa vertente de aprendizaxe para as familias. Desta faceta encargaranse, por exemplo, o obradoiro de ASEII sobre cociña saudable e divertida, a charla da asociación Tetameiga “O teu parto consciente”, a proposta que chega de AMENCER ou a intervención da psicóloga Rosa Jové. O Teatro Principal, a Casa das Campás, a Casa Azul, a Praza do Teucro ou o Patronato de Turismo Rías Baixas, serán os escenarios para esta quinta edición do Festival das Núbebes, que este ano conta tamén coa colaboración da Deputación de Pontevedra.
Publicado en PONTEVEDRA
PONTEVEDRA> O luns comezan as obras de acougado do tráfico no polígono de O Campiño. O concello actuará para crear itinerarios peonís en toda a zona e instalar lombos que poñan impedimentos á celebración de carreiras. O goberno local tamén anunciou que comezarán a elaborar un proxecto global de mellora da zona industrial. O concello de Pontevedra iniciará o vindeiro luns a actuación no polígono de O Campiño. Os traballos dirixiranse a crear itinerarios peonís e a acougar o tráfico, co obxectivo de frear a celebración de carreiras na zona. Para a comunidade de propietarios, estas medidas son ben recibidas. Tamén as últimas actuacións que xa realizou o goberno local na zona, como a limpeza de varias parcelas ou a mellora dos accesos. As actuacións irán máis aló. No encontro que mantiveron esta mañá representantes do concello e dos propietarios acordaron avanzar nun proxecto para mellorar toda a zona industrial. Actualmente, o polígono de O Campiño conta con 85 parcelas, e 61 empresas forman parte da comunidade de propietarios da zona industrial.
Publicado en PONTEVEDRA
Pontevedra> Esta mañá a delegación francesa de Thau percorreu as rúas da cidade para coñecer o modelo que defende o concello de Pontevedra. O alcalde deste municipio do mediterráneo recoñeceuse na cidade de Pontevedra de antes, con atascos e bloqueos de circulación, por iso aspira a poder levar este modelo a súa vila.
Publicado en PONTEVEDRA
Pontevedra> Máis de 40 empresas participarán na cuarta edición do Pont Up Store. Unha cita que terá lugar do 21 ao 23 de setembro na Praza de España de Pontevedra. Este evento ten como fin potenciar a cultura emprendedora e contará con preto de 40 actividades formativas.
Publicado en PONTEVEDRA
Martes, 05 Setembro 2017 18:48

Chega unha nova edición de "Pisando Forte"

Pontevedra> O concelleiro de Xuventude de Pontevedra presentou esta mañá unha nova edición do programa Pisando Forte. Trátase de 11 seminarios que ofertarán 424 prazas para mozos de entre 16 a 35 anos. Dende hoxe xa se abre os prazos de preincripción a través da web ou na Casa da Luz.
Publicado en PONTEVEDRA
Martes, 05 Setembro 2017 18:46

O concello oferta 44 prazas públicas

Pontevedra> O concello reforza o seu cadro de persoal cubrindo todas as vacantes. Ofertaranse 44 prazas, a maior parte da Brigada de Obras. Esta oferta cubrirase ao longo de dous anos, e suporá o 9 por cento dos postos de traballo do Concello.
Publicado en PONTEVEDRA
Pontevedra> Alcalde de Pontevedra e concelleira de Promoción da Cidade fixeron esta mañá un balance da viaxe a México. Lores ten claro que o modelo de cidade de Pontevedra abre portas. Lores e Gulías cualificaron de éxito absoluto o seu paso polo país azteca.
Publicado en PONTEVEDRA
Xoves, 31 Agosto 2017 17:19

Todo listo para volver ao medievo

Pontevedra> Posta a punto de Pontevedra para volver ao mediveo nesta fin de semana. Mañá dará comezo a Feira Franca, un dos eventos máis agardados na cidade, que neste 2017 cumpre a súa maioría de idade. Comercios e establecementos hostaleiros xa están listos para acoller a milleiros de persoas dende mañá ata o sábado.
Publicado en PONTEVEDRA
Pontevedra> A inauguración da pista de Skaterpark en Mollabao, Pontevedra, converteuse nun escrache en toda regra. Veciños do lugar increparon ao concelleiro de Obras ao non entender por qué se eliminou a pista de fútbol sala por unha zona para a práctica do skate. Dende a Asociación Mollabao Sí non están conformes coa maneira na que actuaron estes veciños pero entenden o seu malestar.
Publicado en PONTEVEDRA
Xoves, 31 Agosto 2017 17:14

Última parada no país azteca: ITAM

Pontevedra> Derradeira parada do alcalde de Pontevedra no país azteca. Lores remata a xira internacional mexicana, a máis activa das que leva feito o Concello, coa súa participación nun seminario universitario no ITAM.
Publicado en PONTEVEDRA
Páxina 1 de 7
HomePONTEVEDRAMostrando artigos por etiqueta: concello de pontevedra Top of Page

Síguenos en facebook