• Facebook
  • Twitter
  • Rss
  • Plus

Meis únese ante os estragos de 'Kurt'

Feb 13 Escrito por 
MEIS> Unanimidade en Meis ante os estragos do temporal. A corporación municipal aprobou esta mañá en pleno extraordinario unha moción para definir a postura do concello ante esta situación. Instar a Xunta e Deputación para conseguir axudas para os afectados, asesorar aos veciños e investigar e sancionar o papel das compañías eléctricas, son os puntos que recolle a moción.
  A corporación de Meis ofrece unha imaxe de unidade ante os estragos do temporal. Dez días despois de que Kurt azoutara o concello, o PSOE pediu a convocatoria urxente dun pleno para definir a postura do concello. A corporación aceptou a maioría da moción presentada polos socialistas, e os cambios propostos tamén foron incluídos de xeito unánime. Un deles, que tamén se pida a colaboración da Deputación na tramitación das axudas a proposta do PP. A outra modificación chegou a proposta do BNG. A voceira nacionalista pediu que se esixan responsabilidades ás compañías eléctricas. As tres formacións valoraron positivamente a aprobación unánime da moción, aínda que para o alcalde a convocatoria foi precipitada porque a día de hoxe descoñecen os procedementos a seguir para as reclamacións. Outro dos puntos aprobados na moción compromete ao concello de Meis a asesorar e pór a disposición dos veciños medios propios para facer as reclamacións pertinentes.
 
Etiquetado como Salnés    Meis    Temporal    kurt    Deputación Pontevedra    Xunta de Galicia   
Publicado en SALNÉS - CALDAS

Información adicional

  • Subtítulo:

    A corporación vota de xeito unánime unha moción para instar ás administracións na procura de axudas.

Artigos relacionados (por etiqueta)

  • O Grove inaugurou a réplica da súa Moeda Xacobea
    O alcalde do Grove facía estes anuncios esta mañá durante a inauguración da escultura coa réplica da Moeda Xacobea atopada na Parroquia de San Vicente. Un acto que congregou a numerosos veciños e que contou coa presenza da presidenta da Deputación, Carmela Silva. Nos anos 80, cando comezaron as escavacións do Adro Vello da parroquia de San Vicente de O Grove, apareceu unha moeda cun reverso no que se acuña a translación do Apóstolo Santiago. O achado foi de tal relevancia, xa que é a testemuña histórica máis antiga que existe do traslado dos restos do Apóstolo desde Palestina ata Iria Flavia, que se decidiu fabricar a escultura a escala, para presidir o atrio da Igrexa, coa colaboración da Deputación. A moeda orixinal está feita pola fábrica de moedas compostelá, e acuñada no século XII, durante o reinado de Fernando de León. A escultura da réplica, deseño dun alumno da Escola de Cantería da Deputación, conta con 1,2 metros de diámetro, e foi elaborada en granito silvestre galego. Ó acto de inauguración asistiron numerosos veciños da parroquia de San Vicente, que acompañaron ás autoridades e ó párroco, Ventura Martínez , promotor da escultura e encargado de bendicila mesma esta mañá.
  • O Festiclown prepara a súa edición máis internacional
    VILAGARCÍA> O mellor clown volve ás rúas de Vilagarcía. A capital arousá acollerá a terceira edición do seu Festiclown do 10 ao 15 de agosto polas Festas de San Roque. Un regreso que busca a consolidación da cita, que este ano chega máis internacional ca nunca. Xa queda menos para que números coma este se repitan polas rúas de Vilagarcía. Entre o 10 e o 15 de agosto volve o Festiclown á capital arousá, cunha terceira edición na que busca a súa consolidación. Será tamén a edición máis internacional. A colombiana Tchyminigagua, cos seus zancos en patíns, a brasileira Circo no Ato ou a belga Okidok son algunhas das compañías que participan este ano. Xa é o terceiro ano que esta proposta cultural vén completar a programación das Festas de San Roque. Cos mellores espectáculos de clown para todas as idades. Este ano o clown mesturarase tamén con outras citas das Festas de San Roque, como o Certame Intergaláctico e os Superroquiños.
  • O concello non descarta novas actuacións en Os Ballotes
    VILAGARCÍA> Vilagarcía remata os traballos de restauración nos petróglifos de Os Ballotes, na parroquia de Bamio. Esta primeira recuperación está rematada, pero o equipo de arqueólogos asegura que queda moita tarefa por diante: os traballos de limpeza revelaron a existencia de máis petróglifos soterrados. Rematados os traballos de restauración nos petróglifos de Os Ballotes, en Bamio. Concello e Deputación puxeron en marcha unha actuación para recuperar e poñer en valor os gravados. Finalizou a actuación pero aínda queda traballo por facer en Os Ballotes. O equipo que se encargou da restauración asegura que a zona aínda ten moitos elementos por descubrir. Dende o concello, aseguraron que recollerán a luva lanzada polo arqueólogo. Segundo o alcalde, non se descartan futuras actuacións para afondar na recuperación do conxunto. Alberto Varela tamén destacou a importancia de recuperar este espazo, ao igual que xa se fixo con xacemento do Castro Alobre. Para o rexedor, ademais da relevancia patrimonial, estes espazos tamén son un atractivo turístico.
  • O PP renova catro dos seus deputados
    PONTEVEDRA> Chegan os cambios ao grupo do Partido Popular na Deputación de Pontevedra. Como pactara ao inicio do mandato, a formación reorganízase e muda catro dos seus deputados. A actual voceira do PP, Nidia Arévalo, e a alcaldesa de Mos, Luisa Piñeiro, figuran entre os saíntes. O PP renova catro caras dentro do seu grupo provincial. A formación anunciou hoxe que realizará os relevos pactados ao inicio do mandato. Entre os deputados que deixarán os seus postos, están a actual voceira do PP, Nidia Arévalo e a alcaldesa de Moraña, Luisa Piñeiro. Tamén marchan os exalcaldes de Ponteareas e Cangas, Julio Alén e Enrique Sotelo. O voceiro do PP en Salceda de Caselas, Santiago Rodríguez, o alcalde da Lama, Jorge Canda, a concelleira do PP en Ponteareas Belén Villar e o ex alcalde de Moaña, José Fervenza, serán os seus substitutos. Rueda destacou especialmente o papel de Nidia Arévalo como voceira. Trala súa marcha, manterase Ángel Moldes, que non abandonará o seu escano ao estar o voceiro en Pontevedra, Jacobo Moreira no Parlamento Galego. Rueda agarda que os cambios poidan realizarse nos dous plenos que se celebrarán no mes de setembro.
  • Ethel Vázquez visitou o primeiro treito da senda peonil que unirá a Lanzada con Portonovo
    A Xunta pon en servizo o primeiro treito da senda peonil e ciclista que unirá A Lanzada con Portonovo, e que conta cun orzamento total de 6 millóns e medio de euros. Esta mañá a conselleira de Infraestruturas, Ethel Vázquez, supervisou acompañada do delegado territorial e do alcalde de Sanxenxo, o resultado das obras. Son preto de 3 quilómetros de senda especialmente habilitada para peóns e cilcistas, cun tramo de 1,3 quilómetros que discorrerá sobre unha tarima de madeira. Unhas obras que esta mañá visitou a conselleira de INfrastructuras, Ethel Vázquez ,acompañada polo delegado territorial da Xunta en Pontevedra, José Manuel Cores Tourís, e o alcalde de Sanxenxo, Telmo Martín. A primeira fase destes demandados traballos mellorará a seguridade viaria na estrada PO-308, desde a Lanzada ata Soutullo, en Noalla, que vén de ser rematada. Esta primeira fase, que foi executada nun prazo de 15 meses tivo contou cun investimento de 3,3 millóns de euros. A Xunta xa ten avanzados os trámites do segundo traxecto, que irá desde Soutullo ata o outro extremo da recta de Major, que estará listo para o verán do 2018. Uns traballos que tanto como desde o concello, como desde a Plataforma veciñal PO-308 destacaron como fundamentais para esta zona de Sanxenxo. Habería un terceiro traxecto máis, o que vai desde Major ata Portonovo, unha actuación na que están ultimando o proxecto construtivo. Este ano acometerán a contratación das obras posto que xa se conta co presuposto necesario para este terceiro tramo. En total, A Xunta investirá máis de 6 millóns de euros entre os 3 tramos desta senda peonil Portonovo-A Lanzada, que vén a mellorar a seguridade viaria e contribuír ó desenvolvemento turístico.
  • Emerxencias de Vilagarcía estrea dous novos vehículos para a loita contra o lume
    O concello de Vilagarcía presentou esta mañá as dúas incorporacións do Servizo de emerxencias e Protección Civil do municipio. Trátanse de dous vehículos especiais para traballar en incendios forestais e zonas de difícil acceso con máis garantías. Os Servizo de Emerxencias e Protección Civil do municipio xa conta entre a súa flota con dous novos vehículos, que veñen de ser reformados para converterse en dous efectivos especiais e fundamentais para mellorar a eficacia nos traballos antiincendios. A outra importante dotación é do novo vehículo cisterna, tras pasar por unha reforma. O alcalde destacou a labor deste servizo contra os lumes, pero quixo tamén facer fincapé na concienciación cidadá á hora de evitar a aparición de incendios. Estes dous novos vehículos, que supuxeron duns 150.000 euros aproximadamente, estiveron ó longo da mañá expostos na praza da Segunda República, xunto co resto da frota de emerxencias municipais, chamando a atención dos veciños vilagarciáns, sobre todo, dos máis pequenos da casa.
HomeSalnés - CaldasMeis únese ante os estragos de 'Kurt' Top of Page

Síguenos en facebook