• Facebook
  • Twitter
  • Rss
  • Plus

Tragove ensaia contra a contaminación

Feb 21 Escrito por 
CAMBADOS> O porto de Tragove púxose esta mañá a proba ante a chegada dunha ficticia mancha de hidrocarburo. A Consellería do Mar, Salvamento Marítimo e a confraría de Cambados ensaiaron todo o dispositivo que habería que pór en marcha para minimizar o impacto do episodio contaminante. Simulacro no porto de Tragove. Todas as alarmas, ficticias, iso si, saltaban na dársena cambadesa: unha mancha de fuel podía pór en perigo bateas e bancos marisqueiros. 41 persoas, vehículos e embarcacións participaron neste exercicio, entendido como un adestramento para recrear a actuación que se realizaría de producirse un episodio deste tipo na vida real. Como tería que suceder ante unha situación deste tipo, Consellería do Mar, Salvamento Marítimo e Confraría de Cambados traballaron de xeito coordinado. Unha proba máis para ter ben engraxada a maquinaria. Dende Portos de Galicia apuntaron que este tipo de exercicios se realizan de xeito regular, e se repiten nos diferentes portos de titularidade autonómica de toda Galicia.
Etiquetado como Salnés    Cambados    Porto de Tragove    Portos de Galicia    Simulacro Anticontaminación   
Publicado en SALNÉS - CALDAS

Artigos relacionados (por etiqueta)

  • José Luis Villanueva toma posesión como Patrón Maior de Carril
    VILAGARCÍA> José Luis Villanueva xa é oficialmente patrón maior da confraría de Carril. Este mediodía, Villanueva tomaba posesión e recuperaba a dirección do pósito carrilexo. Como tarefas por diante, o parquista marca dúas principais na axenda: revisar a situación da confraría e a organización da Festa da Ameixa de Carril, envolta de polémica polos desencontros co concello. Ao redor da 1 e media do mediodía, José Luis Villanueva recuperaba o seu posto como patrón maior da confraría de Carril. Este venres tomaba posesión nas oficinas do pósito, iniciando de xeito oficial un mandato que comezará revisando a situación da confraría. Villanueva volveu lamentar que moitos dos proxectos pendentes teñan que agardar ao ano que vén para poder saír adiante por mor dos retrasos nos prazos. Gabou tamén o equipo que o acompañará neste novo mandato, despois de que a cascada de dimisións no mes de marzo forzara o seu cese como patrón. Agora ten por diante outro reto: a organización da Festa da Ameixa de Carril, envolta en polémica polos desencontros da confraría co concello de Vilagarcía pola súa coincidencia en datas co Festival das Revenidas e o Combate Naval. A intención da confraría é seguir adiante coa cita, que ademais este ano cumpre un cuarto de século de existencia. A pesares dos desencontros, o patrón volverá tender a man ao concello. Villanueva recordou que o obxectivo da festa é dar a coñecer a ameixa de Carril aos visitantes. Algo que perde sentido se se celebra despois da tempada alta do turismo en Vilagarcía.
  • Terra de Asorei invita á reflexión no Foro do Albariño
    MEIS> Terra de Asorei aposta por un sector vitivinícola adaptado ao século XXI. Esta transformación será a cuestión central do Foro do Albariño que a adega organiza dende hai sete anos, e que se celebrará o venres 30 de xuño no Pazo Ulloa de Cambados. "Estratexias para a adega do século XXI". Este é o título do sétimo Foro do Albariño que organiza a adega Terra de Asorei. Un encabezado que é toda unha invitación ao sector á reflexión. A cita será o venres 30 de xuño no Pazo Ulloa, de Cambados. Pola xornada pasarán o presidente da Asociación Galega de Empresa Familiar, Emilio Pérez, o catedrático de Economía da Universidade de Santiago, Edelmiro Iglesias, o presidente de Adegas Terras Gauda, Xosé María Fonseca, e o conselleiro de Educación, Román Rodríguez. Segundo o presidente de Terra de Asorei, a adega naceu da reflexión. Unha actitude que queren seguir mantendo, compartíndoa ademais con todo o sector vitivinícola. Un ano máis, a asistencia ao foro é gratuíta, pero precisa de inscrición previa no email info@terradeasorei.com. No acto Terra de Asorei presentará a nova imaxe do seu albariño Pazo Torrado, que virá acompañada dunha cata dos tres caldos que elaboran. A actuación da cantante María do Ceo será a encargada de pechar a xornada.
  • Solifesti: os nenos de Meis cantan por Siria
    Oito grupos de estilos diferentes amenizaron onte á tarde a primeira edición do Solifesti. Un evento musical organizado polo Colexio de Mosteiro, en Meis, a beneficio do pobo sirio. Moi atentos, porque para esta reportaxe tivemos a sorte de contar cuns reporteiros moi especiais. Hoxe tocou despedir o curso, pero no Centro Público Integrado de Mosteiro en Meis, xa se adiantaron e ónte á noitiña celebraron unha festa de fin de curso por todo o alto. Trátase da primeira edición do que deron en chamar Solifesti. Un evento musical en beneficio do pobo sirio, que reuniu a oito grupos musicais no Campo de Feira durante 5 horas. A Vertula, Crazy Cover, Raúl e Cía, Fran Blues, Madialeva, O Trevo, Os Druídas e Dead Wood foron os grupos que amenizaron a velada, algúns con profesores e alumnos entre o seu elenco. E aquí o máis importante, ademais do talento musical e dos reporteiros, é a fin benéfica. A entrada era gratuíta, pero os cartos obtidos pola venda de camisetas, bebidas e chouripans destinaráse ó pobo sirio. Pero como en toda festa que se prece, a troula e a comida, tamén estiveron presentes. Os organizadores explicaron que esta é a primeira edición, pero que Solifesti repetiráse. Non é a primeira actividade solidaria dos alumnos do Mosteiro, nos últimos meses fabricaron marcapáxinas ou realizaron unha carreira de campo cuxo beneficio, máis de 1000 euros, foi doado a Save the Children.
  • As verduras precisan ventilador no Mercadena de meaño
    As altas temperaturas e a onda de calor nos afecta a todos, pero ós vendedores de Mercadena, a praza de abastos de Meaño, de xeito especial. As temperatiras que superan os 40 graos nas instalacións provocan importantes perdas económicas. Os praceiros demandan unha solución ó concello. Esta mañá estivemos con eles. Na praza de abastos de Meaño, Mercadena, desde que comezaron as altas temperaturas, atopamos case máis ventiladores, ca verduras. As caixas de xeo, sobrevoan tanto como as de sardiñas. E é que nada é suficiente para sobrelevar os máis de 40 graos que teñen aturar dentro das instalacións, tanto clientes, como vendedores…e os que máis padecen a calor, os produtos frescos. Fátima é a peixeira. E nestos días, e nestes días, o xeo é o seu maior aliado. Pero a calor a padece, tanto peixe coma carne e embutidos. E senón, que llo digan a Teresa, que ten a carnicería. As froitas e verduras de Luisa están ventiladas todo o día. Esta situación, que veñen padecendo desde que se construíu esta nova praza, é insoportable para vendedores e clientes, pero o peor de todo para estes praceiros, son as perdas económicas que está producindo. E cal é o culpable de toda a situación. Pois só temos que mirar para arriba. Sí, o teito de Mercadena. Os praceiros xa se puxeron en contacto co concello, pero de momento, non están moi satisfeitos coa resposta da alcaldesa. Os traballadores cualifican a situación de denigrante e infrahumano. Teñen claro, que seguirán protestando ata que consigan unha solución…
  • Os pantaláns de Cabo de Cruz estarán rematados en setembro
    BOIRO> A Conselleira do Mar supervisou as obras dos pantaláns que se veñen de iniciar no porto de Cabo de Cruz. Esta actuación, na que se investirán aproximadamente setecentos mil euros, dará por satisfeita unha vella demanda dos profesionais do mar .
  • 200 deportistas paraticiparán no II Triatlón de Cambados
    CAMBADOS> O II Triatlón Popular de Cambados colga o cartel de cheo. Uns 200 triatletas participarán nesta proba que terá lugar o vindeiro sábado 24 de xuño.
HomeSalnés - CaldasTragove ensaia contra a contaminación Top of Page

Síguenos en facebook