09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

O goberno de Sanxenxo comeza a negociación do convenio colectivo do persoal laoral de Terra e do Concello

Mar 16 Escrito por 
SANXENXO> O goberno de Sanxenxo convocou aos representantes sindicais para constituír a Mesa de Negociación dos traballadores do Concello. Unha reunión que se prolongou máis do previsto, e que rematou con visións diferentes da mesma por parte dos traballadores e do equipo de goberno da vila.
Os representantes sindicais dos traballadores do Concello de Sanxenxo foron citados esta mañá dende o consistorio para constituír a Mesa de Negociación dos traballadores do concello e a do Organismo Autónomo Terra de Sanxenxo. Unha reunión que finalmente durou algo máis do previsto. O consistorio negociará de maneira simultánea ambos convenios colectivos, de forma que os máis de 120 traballadores do Organismo Autónomo Terra Sanxenxo poidan dispoñer por primeira vez dun convenio colectivo, e os case 60 traballadores que integran o persoal laboral do Concello poidan actualizar o seu, vixente dende o 2005. Os traballadores non ven clara esta postura do concello, e solicitan a creación dun único convenio para todos. Unha posibilidade que a edil de Persoal desbotou pola complexidade de cada grupo de traballadores, e insistiu en que o único interese e a defensa dos intereses xerais do Concello. A próxima reunión entre os representantes dos traballadores e o goberno local terá lugar en 15 días.
Etiquetado como Sindicatos    convenio colectivo    Traballadores    Sanxenxo    Concellos   
Publicado en SALNÉS - CALDAS

Artigos relacionados (por etiqueta)

  • Sanxenxo interporá un contencioso contra Pontevedra polo abastecemento da auga
    SANXENXO> O abastecemento de agua mantén enfrontados aos concellos de Pontevedra e Sanxenxo. Esta mañá, o pleno sanxenxino aprobou a interposición dun contencioso-adminitrativo contra o municipio de Pontevedra, en relación aos pregos que rexen o concurso deste servizo. A medida saíu adiante co apoio dos edís non adscritos Vanessa Rodríguez e Roberto Agís. BNG e PSOE, optaron pola abstención. Sanxenxo irá ao xulgado polo conflito do abastecemento da auga con Pontevedra. O pleno aprobou esta mañá interpoñer un contencioso-administrativo contra o concello pontevedrés, en relación aos pregos que rexen o concurso deste servizo. O goberno encabezado por Telmo Marín entende que Pontevedra non pode incluír no novo contrato de abastecemento de auga a subministración aos veciños dun municipio que non é o seu. Unha postura que contou co apoio dos edís non adscritos Vanessa Rodríguez e Roberto Agís. Non así BNG e PSOE, que optaron pola abstención. Martín lembrou que existen dous antecedentes neste conflito que dan a razón a Sanxenxo. Por unha banda, apuntan a unha sentenza xudicial que establecería que o prezo debe ser un acordo entre todos os concellos implicados. Pola outra, o Ministerio de Fomento tamén se pronunciaría nos mesmos termos.
  • Xornada de folga indefinida nos Berskha de Pontevedra
    VILAGARCI> As traballadoras de Berskha na provincia de Pontevedra comezarán, este xoves, unha folga de carácter indefinido para reclamar a súa equiparación laboral co resto de compañeiros doutras provincias.
  • Sanxenxo, primeiro concello de Galicia para turistas dixitais
    SANXENXO> Sanxenxo é xa o primeiro municipio galego en contar con sinalización intelixente para os turistas. Unha iniciativa pioneira en Galicia que permite ó usuario coñecer toda a información do punto turístico onde se atopa, a través dunha aplicación móbil que non precisa, conexión a internet. Con só descargar unha aplicación, Inventrip, pódese planificar unha viaxe no móbil en tan só tres pasos. O primeiro ,crear unha axenda de viaxe, organizada en carpetas por días, restaurantes, roteiros…Ademais de navegar e seleccionar lugares a visitar. E a partir de xa isto é unha realidade en Sanxenxo. Trátase do primeiro concello galego en contar con esta sinalización turística intelixente, que se presentou esta mañá. De momemnto haberá 5 puntos no concello onte conectarse, pero agárdase ir aumentando a información dos lugares máis turísticos. A intención de converter Sanxenxo en destino turístico intelixente supón aumentar a competitividade, mediante un maior aproveitamento dos seus atractivos, a creación de recursos innovadores, e unha distribución que finalmente impulse o desenvolvemento sostible e facilite a interacción co visitante. O único que hai que facer para desfrutar desta tecnoloxía e ser un turista dixital é descargarse a aplicación: inventrip no seu dispositivo móbil.
  • Os turistas encantados coa prolongación do "veranillo" de San Miguel
    SANXENXO> As altas temperaturas e a falta de auga deste comezo de outono son prexudiciais para algúns sectores, outros en cambio asisten encantados a esta prolongación do verán. É o caso do turismo, tal e como puidemos comprobar esta mañá en Sanxenxo. Parece que San Miguel está sendo xeneroso de máis co veranillo deste ano. Pleno outono, e na Praia. Os termómetros dalgunhas localidades das Rías Baixas chegaron a marcar estes días o 30 graos. Aínda que para moitos a falta de auga é mala noticia, o certo é que esta prolongación do verán que estamos vivindo está sendo moi positiva para aqueles que viven do turismo. Esta fin de semana, o bo tempo, as potencialidade que ofrecen as Rías Baixas, e a coincidencia coa festa do Marisco do Grove, deixouse notar na ocupación hoteleira. Contentos os hostaleiros, e contentos, no pequeño comercio. Pero os que máis gozan sen dúbida destas temperaturas e do sol, os que teñen o tempo libre para desfrútalo, os turistas. Aínda que tamén existe certa preocupación polos cambios de temperaturas que estamos a vivir . Todo apunta a que esta próxima fin de semana, co gallo da ponte festiva do Pilar, os hoteis volv¡erán colgar o cartel de completo. E ademáis, parece que a cousa seguirá así por un tempo, porque dende Meteogalicia anuncian que non se agardan chuvias ata a segunda quincena deste mes.
  • 'Sanxenxo Independentes', o xermolo do novo partido de Vanessa Rodríguez
    SANXENXO> Nace Sanxenxo Independentes, unha plataforma que xorde da crise interna de SAL tras abandonar Gonzalo Pita o goberno da vila. A edil Vanessa Rodríguez é a súa cara visible, aínda que asegura que con ela hai moita xente que se sumou a este proxecto. Aínda que nace como un grupo de veciños, non desbotan conformar un partido para concorrer as vindeiras eleccións do 2019. Sanxenxo Independentes é o nome baixo o que a edil Vanessa Rodríguez quere dirixir o seu futuro na política da vila. Non está soa, xa que este proxecto aglutina a moitos dos que foran membros de SAL, descontentos coa decisión de Gonzalo Pita de deixar a alcaldía e entregar o goberno ao popular Telmo Martín. Trala rotura de SAL, Rodríguez mantivo a súa acta como concelleira non adscrita. Polo de momento, Sanxenxo Independentes non é unha partido político, aínda que non desbotan tomar ese camiño. Sobre a situación actual da política en Sanxenxo, Rodríguez foi crítica coa xestión do alcalde Telmo Martín. Para a edil, Martín é un 'rexedor escaparate'. Polo de momento, a súa intención é traballar cos veciños. Dende hoxe está activo o seu perfil no Facebook, que agardan sirva coma canle de comunicación e para expoñer as súas ideas e novas interesantes para o concello de Sanxenxo.
  • X. García: ' O peche de Calvo en Esteiro sería un auténtico mazazo para a comarca'
    MUROS> A CIG mostrou o súa preocupación polo traslado da conserveira Calvo. O anuncio do grupo conserveiro Calvo de pechar e trasladar a Carballo a planta de Esteiro preocupa á CIG. Dende este sindicato apostan polo mantemento, primeiro da actividade na factoría muradá, e en segundo lugar da conservación dos actuais postos de traballo, coincidindo, en principio, coas propias intencións da empresa. Dende a CIG consideran que a situación é un auténtico mazazo para a comarca. Todo apunta a que xa non haberá marcha atrás na decisión da empresa e o peche da factoría parece xa insalvable. Outra cousa son as condicións dos traballadores. O comité negocia agora coa dirección unha serie de melloras como poden ser o 100% da liquidación para aqueles operarios que rexeiten irse a traballar a Carballo ou que o tempo investido no traxecto, ó redor dunha hora de percorrido, compute tamén na xornada laboral.
HomeSalnés - CaldasO goberno de Sanxenxo comeza a negociación do convenio colectivo do persoal laoral de Terra e do Concello Top of Page

Síguenos en facebook