09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

O VIII Obradoiro de Hostalería de O Salnés pecha a súa primeira edición en Sanxenxo

Mar 21 Escrito por 
O VIII Obradoiro de Emprego de Hostalería de O Salnés votou este martes o peche. Os alumnos desta actividade organizada pola Mancomunidade de O Salnés recibiron un diploma acreditativo da formación adquirida nun acto ao que asistiu o Conselleiro de Economía, Francisco Conde, e que foi presidido polo alcalde de Sanxenxo e tamén responsable da área de turismo da Mancomunidade de O Salnés, Gonzalo Pita.
A formación no eido da hostalería é unha aposta segura para conseguir un sector de calidade nunha comarca, na que na actualidade o 30% da ocupación laboral está representada polo sector hostaleiro. Unha situación da que son coñecedores dende a Mancomunidade de o Salnés, e pola que este martes se clausurou a VIII Edición do Obradoiro de Emprego de Hostalería de O Salnés. Un acto no que uns 20 alumnos recibiron a súa acreditación, despois de formarse en cociña e sala durante seis meses e percibir o salario mínimo interprofesional. Unhas habilidades, as acadadas por estes alumnos, moi apreciadas polo sector da zona, o que permite unha colocación laboral de case o 100% da promoción. Ao acto que se celebrou na sede do propio obradoiro no Porto Deportivo de Sanxenxo asistiron numerosos rostros da política comarcal, do sector, da Mancomunidade de O Salnés, o delegado da Xunta na provincia de Pontevedra e Conselleiro de Industria. Este último confirmou que a próxima edición do obradoiro pasará a durar 9 meses, e recolleu a petición que o alcalde de Sanxenxo, Gonzalo Pita, lle fixo, sobre a posibilidade de ampliar o número de prazas.
Publicado en SALNÉS - CALDAS

Artigos relacionados (por etiqueta)

  • O PP reclama unha estratexia de difusión turística para o Bosque de Colón, en Poio
    POIO > O PP de Poio denuncia a “falta de interese” do goberno local para dinamiza-lo coñecido como Bosque de Colón, un espazo natural que celebra o seu 25 aniversario. Os populares cren que o parque, cunha curiosa plantación de 500 secuoias, podería ser outro polo de atracción para o turismo da vila. Hai agora 25 anos nacía o Bosque de Colón, un pintoresco espazo natural con vistas á ría de Pontevedra que conmemoraba o 500 aniversario do descubrimento de América. Dende alí, precisamente chegaron a Poio as 500 secuoias vermellas californianas plantadas neste monte. Foi un agasallo do goberno dos Estados Unidos, aprobado polo Congreso e o Senado daquel país, para conmemorar a chegada de Colón ó continente americano. Un cuarto de século despois, o aniversario deste parque pasou desapercibido. Así o denuncia, polo menos, o PP da localidade. Os populares lamentan que os actos conmemorativos durante os últimos meses foron moi discretos. Cren que o goberno local debería ter impulsado algún tipo de iniciativa para dar a coñece-lo Bosque e incentiva-lo turismo non só de Poio, senón que tamén de todas as Rías Baixas. Reclaman tamén unha estratexia de difusión da zona, como un bo complemento para os grandes polos de atracción de visitantes, como Combarro ou Raxó. O 2017 en Poio está a ser o ano do bosque de Colón, despois de que o PP levase a pleno a moción ata en tres ocasións.
  • Máis de 400 persoas participaron nos cursos de Inmersión Dixital en Vilagarcía
    VILAGARCÍA > Vilagarcía puxo hoxe punto e final ós cursos de Inmersión Dixital. 25 actuacións formativas e 413 alumnos despois, o concello de Vilagarcía clausuraba esta mañá os Cursos de Inclusión e Capacitación dixital. As actividades buscan mellora-las competencias dixitais dos veciños da vila, sexa cal sexa a súa idade ou situación laboral. Os cursos arrancaron no mes de maio e hoxe chegaron ó seu fin por este ano, coa entrega de diplomas ós participantes da derradeira actividade. Durante os últimos días, os alumnos aprenderon a sacar partida á internet á hora de buscar emprego, botando man de novas ferramentas. Outros, fóra xa do mercado laboral, atoparon nestas iniciativas unha vía de acceso ó mundo das novas tecnoloxías. O Concello agarda que para o ano que vén se repita o éxito de participación desta edición.
  • A Mancomunidade seguirá promocionando a comarca por Europa
    CAMBADOS> Sobre esta polémica viaxe a Francia da Mancomunidade, precisamente, fixeron unha valoración moi positiva esta mañá deste a entidade comarcal. Foi nunha rolda de prensa na que anunciaron tamén que mañá mesmo parte unha delegación a Nápoles para asinar un convenio turístico coa rexión de Campania. A viaxe que a Mancomunidade realiza ou á Bretaña francesa para promocionar o albariño e a variante espiritual do Camiño de Santiago, foi todo un éxito. Así o definiu esta mañá en Cambados unha importante representación da entidade comarcal, que participou na viaxe. O presidente en funcións da Mancomunidade destacou que esta promoción internacional está sendo esencial na consecución dos bos datos turísticos da comarca, a primeira de Galicia e a cuarta de España en canto a turismo se refire. E ademais destacou o apoio que a Mancomunidade está ofrecer ós concellos de Ribadumia e Cambados á hora de promocionar as súas potencialidades no exterior. Tino Lores, presidente da Asociación Amigos do Camiño Portugués destacou tamén a importante tradición que Francia ten con esta variante do Camiño. E anunciou que mañá mesmo viaxarán a Nápoles, para asinar un convenio coa rexión italiana de Campania. A Nápoles viaxarán desde mañá e ata sábado o alcalde de Ribadumia, o edil de enoturismo de Cambados, o xerente da Mancomunidade do Salnés, o seu delegado de Turismo, e o presidente da Asociación do Camiño Portugués.
  • Sanxenxo, primeiro concello de Galicia para turistas dixitais
    SANXENXO> Sanxenxo é xa o primeiro municipio galego en contar con sinalización intelixente para os turistas. Unha iniciativa pioneira en Galicia que permite ó usuario coñecer toda a información do punto turístico onde se atopa, a través dunha aplicación móbil que non precisa, conexión a internet. Con só descargar unha aplicación, Inventrip, pódese planificar unha viaxe no móbil en tan só tres pasos. O primeiro ,crear unha axenda de viaxe, organizada en carpetas por días, restaurantes, roteiros…Ademais de navegar e seleccionar lugares a visitar. E a partir de xa isto é unha realidade en Sanxenxo. Trátase do primeiro concello galego en contar con esta sinalización turística intelixente, que se presentou esta mañá. De momemnto haberá 5 puntos no concello onte conectarse, pero agárdase ir aumentando a información dos lugares máis turísticos. A intención de converter Sanxenxo en destino turístico intelixente supón aumentar a competitividade, mediante un maior aproveitamento dos seus atractivos, a creación de recursos innovadores, e unha distribución que finalmente impulse o desenvolvemento sostible e facilite a interacción co visitante. O único que hai que facer para desfrutar desta tecnoloxía e ser un turista dixital é descargarse a aplicación: inventrip no seu dispositivo móbil.
  • Os turistas encantados coa prolongación do "veranillo" de San Miguel
    SANXENXO> As altas temperaturas e a falta de auga deste comezo de outono son prexudiciais para algúns sectores, outros en cambio asisten encantados a esta prolongación do verán. É o caso do turismo, tal e como puidemos comprobar esta mañá en Sanxenxo. Parece que San Miguel está sendo xeneroso de máis co veranillo deste ano. Pleno outono, e na Praia. Os termómetros dalgunhas localidades das Rías Baixas chegaron a marcar estes días o 30 graos. Aínda que para moitos a falta de auga é mala noticia, o certo é que esta prolongación do verán que estamos vivindo está sendo moi positiva para aqueles que viven do turismo. Esta fin de semana, o bo tempo, as potencialidade que ofrecen as Rías Baixas, e a coincidencia coa festa do Marisco do Grove, deixouse notar na ocupación hoteleira. Contentos os hostaleiros, e contentos, no pequeño comercio. Pero os que máis gozan sen dúbida destas temperaturas e do sol, os que teñen o tempo libre para desfrútalo, os turistas. Aínda que tamén existe certa preocupación polos cambios de temperaturas que estamos a vivir . Todo apunta a que esta próxima fin de semana, co gallo da ponte festiva do Pilar, os hoteis volv¡erán colgar o cartel de completo. E ademáis, parece que a cousa seguirá así por un tempo, porque dende Meteogalicia anuncian que non se agardan chuvias ata a segunda quincena deste mes.
  • O 78% dos touroperadores que visitaron O Salnés venden o destino turístico
    CAMBADOS> A Mancomunidade do Salnés saca peito ante o éxito das súas iniciativas de promoción turística. O ente fixo balance da xestión dos últimos catro anos da forte aposta que están a realizar para atraer visitantes á comarca e da que xa se están a ver os froitos: dos 49 touroperadores que trouxeron para coñecer O Salnés, case o 79% están a vender o destino nos seus países. Non é un secreto a importante aposta que a Mancomunidade do Salnés vén realizando por atraer o turismo internacional. Nos últimos catro anos, o ente multiplicou os seus esforzos. Aproveitando esta riqueza, a Mancomunidade creou dous produtos como a Ruta do Padre Sarmiento e a Variante espiritual. Este ano, esta última xa atraeu a máis de 5.000 peregrinos. Tamén incrementou a presenza do destino nas feiras internacionais e realizando viaxes a outros países, pero tamén presumen de oferta sobre o terreo. Dende a Mancomunidade xa traballaron con 49 touroperadores, que visitan a zona en pequenos grupos. Outros 130 visitaron a comarca grazas ao convenio co concello de Pontevedra. De feito, a colaboración institucional é outra das bases da política da Mancomunidade en materia de turismo. Destaca o éxito que nesta promoción internacional se conseguiu no mercado ruso. De cara o futuro, atraer ao turista francés é unha das prioridades da Mancomunidade. Tamén manter o nivel de calidade do produto, conscientes da forte competencia que existe nos mercados internacionais.
HomeSalnés - CaldasO VIII Obradoiro de Hostalería de O Salnés pecha a súa primeira edición en Sanxenxo Top of Page

Síguenos en facebook