• Facebook
  • Twitter
  • Rss
  • Plus

Os socialistas defenden que a antiga Comandancia da Mariña debería albergar o novo centro de saúde da vila

Mar 24 Escrito por 
VILAGARCIA> O portavoz dos socialistas no Parlamento de Galicia, Xaquín Fernández Leiceaga, visitou esta mañá Vilagarcía de Arousa onde incidiu na necesidade de que a vila conte cun centro de saúde en condicións, e defendeu a proposta do executivo de Alberto Varela, de que o solar da antiga Comandancia da Mariña albergue o futuro novo centro de saúde.
A posibilidade de que Vilagarcía conte cun novo centro de saúde no centro da vila, é un tema moi discutido nos últimos meses. A pesar da necesidade real existente dunhas novas instalacións e das continuas queixas dos cidadáns, parece que polo de agora Vilagarcía non contará cun novo e céntrico centro de saúde, como así defende o executivo local. Aínda así, Alberto Varela admite que non desistiran na súa petición. O terreo que ocupa a antiga Comandancia da Mariña no centro da vila foi desbotado pola Xunta de Galicia ao non reunir as condicións construtivas, polo que habería que derribalo para construír un novo edificio, o que segundo o ente autonómico suporía un custe desorbitado. Uns custes segundo os socialistas moi inferiores os da compra dun solar. Leiceaga anunciou na súa visita a capital arousá, que o tema do centro de saúde será levado ao Parlamento de Galicia. O terreo da antiga Comandancia da Mariña ten unha superficie de preto dos 5.000 metros cadrados. Segundo o rexedor da vila, segundo o artigo 44 da Ley de Portos do Estado establecese a que a Autoridade Portuaria pode ceder gratuitamente un espazo en desuso con fins sociais.
Publicado en SALNÉS - CALDAS

Artigos relacionados (por etiqueta)

  • Costas financiará a reforma do paseo marítimo de Vilagarcía despois do verán
    As obras de reforma integral do paseo marítimo de Vilagarcía a Carril comezarán despois deste verán, e serán financiadas por Costas ó cen por cen. Así llo confirmou esta mañá a Xefa provincial ó alcalde vilagarciá, trala positiva reunión mantida onte en Madrid coa subdirección xeral de protección de costas. Costas e concello de Vilagarcía analizaron durante unha reunión mantida onte en Madrid, as fórmulas para acabar co constante gasto en reparacións do paseo marítimo de Vilagarcía a Carril, unha infraestrutura creada nos anos 90. As obras desta reforma integral poderían comezar este mesmo ano, tal e como transmitiron desde a Subdirección Xeral Protección de Costas. Ambas entidades entenden que despois de case trinta anos é mellor realizar un investimento forte dunha soa vez que estar ano tras ano, destinando importantes cantidades de diñeiro ó mantemento do solado. Esta mesma mañá, a xefa provincial de costas, Cristina de Paz Cubera, confirmáballe ó alcalde, Alberto Varela, que o departamento asumirá a actuación, que prevése que comece tralo verán. A reforma integral podería incluír a ampliación do carril-bici que agora se ve interrompido ó comezo das vivendas, á altura da praia da Concha. Así como pasalo á banda do areal. Algo para o que é necesario promover un expediente de concesión administrativa e desafectación da zona afectada. Igualmente, Costas e concello seguirán analizando as posibles solucións á continuidade do paseo desde Vilagarcía ata Vilaxoán . Unhas alternativas que serán analizadas pola subdirección xeral de Costas, e que, en todo caso, serían consensuadas cos veciños.
  • A seguranza viaria centra o foco de atención do pleno do concello
    Pontevedra> Pleno ordinario do concello de Pontevedra con presenza de membros da Plataforma o rural existe no Teatro Principal. Os veciños demandan que sexan escoitados, o Goberno Local di que realiza un gran investimento nestes espazos de Pontevedra e a oposición criticou duramente a acción do Goberno nesta e noutras materias tildandoo de estar nun continua parálise administrativa.
  • A imaxinación posta ó servizo das novas tecnoloxías
    Esta mañá clausurouse na aula Cemit de Vilagarcía o Tecnoverán, uns campamentos urbanos de verán de novas tecnoloxías, para mozos de entre 15 e 18 anos. Hoxe asistimos á última clase do Obradoiro centrada na modelaxe 3D. A Conselleira de Xuventude, Sonia Outón, non quixo perderse a clausura esta mañá na Aula Cemit de Vilagarcía, do Tecnoverán, os campamentos urbanos centrados nas novas tecnoloxías. 20 mozos estiveron aprendendo aprendendo durante esta semana, sobre todo, cuestións de progamación informática e modelado e impresión 3d. O monitor do obradoiro destacou precisamente a importancia das materias que se impartiron nestes obradoiros para facilitar a inserción laboral o día de mañá a estes mozos . Hoxe, como broche final, tocaba impresión 3D. Estas sesiós formativas do tecno verán correron a cargo de monitores da Asociación Socioeducativa e Cultura El Nucleo, de Vilagarcía.
  • Aumenta a polémica da Festa da Ameixa trala reunión do patrón coa oposición
    Durou pouco a calma entre Ravella e a Confraría de Carril pola polémica da Festa da Ameixa, trala reunión mantida o martes. O concello critica a xuntanza que ó día seguinte mantivo o patrón coa oposición; e éste solicita outra reunión, esta vez a tres, entre confraría, goberno e oposición. Esta mañá falamos coas dúas partes do conflito . Trala reunión mantida este martes en Ravella, entre o patrón maior de Carril e representantes do goberno local, parecía que asomaba un principio de acordo, ó ceder o concello e respectar a data de celebración, o 19 e 20 de agosto; e ó comprometerse a confraría a realizar un Plan de Autoprotección. Un proxecto que tal e como nos comentou esta mañá o patrón, José Luis Villa nueva, xa está en marcha e agarda que esté listo a próxima semana. Aínda así, quedaban algúns puntos de diverxencias, que aumentaron ó día seguinte trala reunión celebrada no pósito entre o patrón e representantes dos partidos da oposición. O concello acusa a José Luis Villanueva, de politizar a desputa da festa. Desde o concello non entenden, ademais, porqué houbo unha dobre representación do partido popular, ó asistir o presidente local deste partido, ademais dunha concelleira. O goberno pide seriedade ó populares neste tema. O patrón maior asegura que seguirá recorrendo á oposición e a quen faga falta, para asegurarse de que a Festa da Ameixa conte con tódolos requisitos que necesita para manter a súa distinción de Interese Turístico de Galicia, e que continúa advertindo que a pesar das promesas das reunión, o goberno local continúa sen ser equitativo coas axudas ós diferentes eventos do concello. José Luis Villanueva explicounos xa ten solicitara unha reunión a tres, para que asistan os voceiros dos partidos da oposición do concello, o alcalde ou unha representación do goberno local, e eles mesmo como organizadores da Festa da Ameixa, para conseguir aclarar aspectos que non quedaron nítidos trala xuntanza celebrada a comezos de semana en Ravella.
  • O diploma da esperanza para atopar un traballo
    VILAGARCIA> Dez persoas paradas de larga duración conseguiron un traballo grazas á última edición de Vives Emprego, o obradoiro de traballo que se desenvolveu en Vilagarcía durante os últimos 4 meses. Esta mañá foi clausurado no Auditorio do municipio coa presenza do alcalde da vila. E a sensación que tiñan esta mañá as 25 persoas que participaron no obradoiro ocupacional “Vives Emprega”, destinado a persoas con especial dificultade para encontrar emprego, que organiza o departamento de Benestar Social de Vilagarcía en colaboración coa ONG Acción contra el Hambre. Hoxe clausurábase o taller, no auditorio da vila, coa entrega de diplomas a cargo do alcalde, Alberto varela, da concelleira de Benestar, Tania García, e das dúas coordinadoras de Acción contra el Hambre. As coordinadoras destacaron a competencias e a actitude dos participantes á hora de traballar, algo importantísimo e que se pode trasladar a tódolos ámbitos da vida dunha persoa O resultado deste obradoiro foi totalmente positivo. 10 dos 25 participantes conseguiron un contrato laboral, seis deles están agora mesmo en procesos de selección, e outros tantos, puideron prepararse para obter unha formación regrada da que carecían, outro dos obxectivos. O programa Vives Empresa leva atendido a máis de 3.500 persoas nos seus proxectos, con porcentaxes de inserción por enriba do 50 por cento. Durante os catro meses que durou este curso os 25 participantes aprenderon moito sobre como conseguir un traballo, pero sobre todo, para o que lles serviron estas semanas, ademais de para facer grandes amigos, foi para entender que eles, coma calquera outra persoa, tamén poden chegar a conseguir, aquelo co que soñan. total rendir
  • Primeiro achegamento entre Concello e Confraría para poder celebrar a Festa da Ameixa
    Principio de achegamento entre o concelle de Vilagarcía e a Confraría de Carril sobre a polémica data de celebración da festa da Ameixa. Trala reunión mantida esta mañá en Ravella todo indica que se manterá a data fixada polo patrón, 19 e 20 de agosto. Aínda así, tras falar cos protagonistas trala reunión, quedaron en evidencia as discrepancias que aínda existen nalgúns puntos do acordo. Finalmente parece que a Confraría de Carril conseguirá o seu propósito de celebrar a Festa da Ameixa a fin de semana do 19 ó 20 de agosto. Tras semanas de polémica e diverxencias entre o concello vilagarciá e o patrón maior carrilexo, arredor da idoneidade da data, ó coincidir co Combate Naval e o Festival das Revenidas de Vilaxoán, esta mañá houbo un achegamento de posicións durante unha reunión mantida en Ravella, entre o patrón maior, José Luis Villanueva , a voceira do goberno local, Tania García, e o concelleiro de Seguridade, Juan Antonio Pérez Callón. O patrón maior de Carril saíu considerablemente satisfeito da reunión, que durou unha hora e media, aceptando facerse cargo do Plan de Autoprotección, que lle propuxo o alcalde a pasada semana. Pola súa banda a voceira do goberno local continúa afirmando que pese a ceder na data, buscando novas fórmulas que garantan a seguridade do evento, continúan considerando que non é unha boa idea que os eventos festivos máis importantes do concello teñan lugar na mesma fin de semana. Aínda así, están Entre eses “flecos” está o feito de que Villanueva acepta a proposta do concello de encargar o deseño do plan, o cal calcula o patrón que non custará máis de 2.000 euros, pero sen embargo, considera que será o concello o que se debe facer cargo dos servizos a maiores que se terán que contratar se o plan que se encargue así o especifica a execución do plan. Pero a voceira do goberno local considera que son os organizadores da festa os que se deben facer cargo . Outro dos puntos nos que aínda hai discrepancia, dentro deste primeiro entendemento entre Ravella e Confraría, é a intención da organización da festa de celebrar unha verbena nocturna con orquestra na praia, algo que o concello non ve con bos ollos. Nestes momentos segundo asegurou o patrón, están á espera aínda da autorización de Portos. Villanueva cre que de chegar a un acordo co concello, non haberá problema ningún para conseguir ese permiso. Desde o concello engaden tamén que de cara ó ano que vén, para evitar que a situación se repita, insisten en que hai que tentar evitar desde xa a coincidencia nas mesmas datas das celebracións más relevantes do municipio.
HomeSalnés - CaldasOs socialistas defenden que a antiga Comandancia da Mariña debería albergar o novo centro de saúde da vila Top of Page

Síguenos en facebook