09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

Vilanova e a Pobra do Caramiñal crean a primeira guía valleinclaniana

Mar 28 Escrito por 
VILANOVA> A casa do Cuadrante, en Vilanova de Arousa, acolleu este martes a presentación da primeira guía conxunta das Casas Museo de Valle Inclán que se atopan nos municipios de Vilanova e a Pobra do Caramiñal.
A Guía Vallinclaniana é un proxecto que xorde a raíz do 150 aniversario deste xenio das letras galegas para ilustrar as visitas dos forasteiros que chegan a Pobra do Caramiñal ou Vilanova de Arousa e visitan o Museo Valle Inclán ou a Casa Museo, buscando un pouco máis de información sobre este personaxe. Esta guía non vai a ser a única actividade que se realice con Valle Inclán como protagonista, así o afirmou o Secretario Xeral de Cultura, Anxo Lorenzo na súa intervención. A Casa Museo de Valle Inclán en Vilanova foi a localización elixida para presentar esta nova guía, na que estiveron presentes o a lcalde de Vilanova, o Secretario Xeral de Cultura e o director do Museo Valle Inclán da Pobra do Caramiñal. Este último, Antonio González, quixo deixar clara a importancia da guía debido a actualización da información que se recolleu na mesma. A guía estará dispoñible en tres idiomas o galego, o castelán e o inglés. Haberá unha tirada duns 15.000 exemplares e poderá obterse visitando a Casa Museo de Valle Inclán en Vilanova de Arousa ou visitando o Museo do escritor en A Pobra do Caramiñal.
Etiquetado como concello de vilanova    Valle Inclán    Turismo    Museo ValleInclán    casa museo   
Publicado en SALNÉS - CALDAS

Artigos relacionados (por etiqueta)

  • O PP denuncia o peche prolongado do Museo Valle-Inclán
    POBRA> O PP da Pobra denuncia que o museo Valle Inclán leva pechado dende comezos de mes. Instan ó goberno local a cubrir a baixa do director e cubrir a praza de auxiliar que xa se convocou no verán.
  • A Mancomunidade seguirá promocionando a comarca por Europa
    CAMBADOS> Sobre esta polémica viaxe a Francia da Mancomunidade, precisamente, fixeron unha valoración moi positiva esta mañá deste a entidade comarcal. Foi nunha rolda de prensa na que anunciaron tamén que mañá mesmo parte unha delegación a Nápoles para asinar un convenio turístico coa rexión de Campania. A viaxe que a Mancomunidade realiza ou á Bretaña francesa para promocionar o albariño e a variante espiritual do Camiño de Santiago, foi todo un éxito. Así o definiu esta mañá en Cambados unha importante representación da entidade comarcal, que participou na viaxe. O presidente en funcións da Mancomunidade destacou que esta promoción internacional está sendo esencial na consecución dos bos datos turísticos da comarca, a primeira de Galicia e a cuarta de España en canto a turismo se refire. E ademais destacou o apoio que a Mancomunidade está ofrecer ós concellos de Ribadumia e Cambados á hora de promocionar as súas potencialidades no exterior. Tino Lores, presidente da Asociación Amigos do Camiño Portugués destacou tamén a importante tradición que Francia ten con esta variante do Camiño. E anunciou que mañá mesmo viaxarán a Nápoles, para asinar un convenio coa rexión italiana de Campania. A Nápoles viaxarán desde mañá e ata sábado o alcalde de Ribadumia, o edil de enoturismo de Cambados, o xerente da Mancomunidade do Salnés, o seu delegado de Turismo, e o presidente da Asociación do Camiño Portugués.
  • Sanxenxo, primeiro concello de Galicia para turistas dixitais
    SANXENXO> Sanxenxo é xa o primeiro municipio galego en contar con sinalización intelixente para os turistas. Unha iniciativa pioneira en Galicia que permite ó usuario coñecer toda a información do punto turístico onde se atopa, a través dunha aplicación móbil que non precisa, conexión a internet. Con só descargar unha aplicación, Inventrip, pódese planificar unha viaxe no móbil en tan só tres pasos. O primeiro ,crear unha axenda de viaxe, organizada en carpetas por días, restaurantes, roteiros…Ademais de navegar e seleccionar lugares a visitar. E a partir de xa isto é unha realidade en Sanxenxo. Trátase do primeiro concello galego en contar con esta sinalización turística intelixente, que se presentou esta mañá. De momemnto haberá 5 puntos no concello onte conectarse, pero agárdase ir aumentando a información dos lugares máis turísticos. A intención de converter Sanxenxo en destino turístico intelixente supón aumentar a competitividade, mediante un maior aproveitamento dos seus atractivos, a creación de recursos innovadores, e unha distribución que finalmente impulse o desenvolvemento sostible e facilite a interacción co visitante. O único que hai que facer para desfrutar desta tecnoloxía e ser un turista dixital é descargarse a aplicación: inventrip no seu dispositivo móbil.
  • Os turistas encantados coa prolongación do "veranillo" de San Miguel
    SANXENXO> As altas temperaturas e a falta de auga deste comezo de outono son prexudiciais para algúns sectores, outros en cambio asisten encantados a esta prolongación do verán. É o caso do turismo, tal e como puidemos comprobar esta mañá en Sanxenxo. Parece que San Miguel está sendo xeneroso de máis co veranillo deste ano. Pleno outono, e na Praia. Os termómetros dalgunhas localidades das Rías Baixas chegaron a marcar estes días o 30 graos. Aínda que para moitos a falta de auga é mala noticia, o certo é que esta prolongación do verán que estamos vivindo está sendo moi positiva para aqueles que viven do turismo. Esta fin de semana, o bo tempo, as potencialidade que ofrecen as Rías Baixas, e a coincidencia coa festa do Marisco do Grove, deixouse notar na ocupación hoteleira. Contentos os hostaleiros, e contentos, no pequeño comercio. Pero os que máis gozan sen dúbida destas temperaturas e do sol, os que teñen o tempo libre para desfrútalo, os turistas. Aínda que tamén existe certa preocupación polos cambios de temperaturas que estamos a vivir . Todo apunta a que esta próxima fin de semana, co gallo da ponte festiva do Pilar, os hoteis volv¡erán colgar o cartel de completo. E ademáis, parece que a cousa seguirá así por un tempo, porque dende Meteogalicia anuncian que non se agardan chuvias ata a segunda quincena deste mes.
  • O 78% dos touroperadores que visitaron O Salnés venden o destino turístico
    CAMBADOS> A Mancomunidade do Salnés saca peito ante o éxito das súas iniciativas de promoción turística. O ente fixo balance da xestión dos últimos catro anos da forte aposta que están a realizar para atraer visitantes á comarca e da que xa se están a ver os froitos: dos 49 touroperadores que trouxeron para coñecer O Salnés, case o 79% están a vender o destino nos seus países. Non é un secreto a importante aposta que a Mancomunidade do Salnés vén realizando por atraer o turismo internacional. Nos últimos catro anos, o ente multiplicou os seus esforzos. Aproveitando esta riqueza, a Mancomunidade creou dous produtos como a Ruta do Padre Sarmiento e a Variante espiritual. Este ano, esta última xa atraeu a máis de 5.000 peregrinos. Tamén incrementou a presenza do destino nas feiras internacionais e realizando viaxes a outros países, pero tamén presumen de oferta sobre o terreo. Dende a Mancomunidade xa traballaron con 49 touroperadores, que visitan a zona en pequenos grupos. Outros 130 visitaron a comarca grazas ao convenio co concello de Pontevedra. De feito, a colaboración institucional é outra das bases da política da Mancomunidade en materia de turismo. Destaca o éxito que nesta promoción internacional se conseguiu no mercado ruso. De cara o futuro, atraer ao turista francés é unha das prioridades da Mancomunidade. Tamén manter o nivel de calidade do produto, conscientes da forte competencia que existe nos mercados internacionais.
  • Carmela Silva define os datos turísticos deste verán como "espectaculares"
    Pontevedra> Espectacular, desta maneira cualificou a presidenta da Deputación os datos turísticos que nos deixou este verán nas Rías Baixas. Os meses de xullo, agosto e setembro deixaron unha ocupación media do 82,,84 por cento, 4 puntos máis que no pasado 2016. O Salnés, Caldas e Pontevedra superaron neste verán o 85 por cento de ocupación.
HomeSalnés - CaldasVilanova e a Pobra do Caramiñal crean a primeira guía valleinclaniana Top of Page

Síguenos en facebook