• Facebook
  • Twitter
  • Rss
  • Plus

A confraría de Carril non aboará aos Parquistas o 2% de ventas en lonxa

Abr 12 Escrito por 
VILAGARCIA> A confraría de Carril non aboará aos Parquistas o 2% de ventas en lonxa ata que se constitúan os órganos de goberno. Unha decisión que foi comunicada ao colectivo e que parece ser que non foi moi ben asumida polo presidente da mesma, e ex patrón maior de Carril, José Luis Villanueva.
Os Parquistas de Carril non percibirán o 2% de vendas en lonxa dos seus asociados, a lo menos polo de agora. Unha situación que tal e como sinalan diferentes medios locais non foi moi ben asumida polo presidente da agrupación, José Luis Villanueva. A presidenta da xestora que está aos mandos da Confraría de Carril, María Jesús González afirmou a cámara de esta casa que non se trata de unha retirada, senón dun embargo ata que se aclaren certos aspectos do convenio asinado que non están claros. Villanueva recoñece noutros medios locais que esta medida responde a un "intento de poñerlle a zancadilla" e recorda que tódalas agrupacións que conviven na confraría perciben ese 2% das vendas dos seus socios en lonxa. González recorda que o perciben todas aquelas que están englobadas no "seo da confraría non das que están fora". Cabe sinalar que ao fin da edición de esta información resultou imposible contactar co ex patrón de Carril e actual presidente da Agrupación de Parquistas para coñecer a súa opinión sobre o tema. Pola súa parte María Jesús González asegura, en canto as declaracións de Villanueva de levar o tema os tribunais, que espera tranquila esa denuncia, xa que de ese xeito destaparíanse de xeito público moitos temas que teñen que ver coa xestión da confraría carrilexa.
Etiquetado como conflicto    Confraria de Carril    Parquistas de Carril    vendas    lonxa Carril   
Publicado en SALNÉS - CALDAS

Artigos relacionados (por etiqueta)

  • A comisión cifra en 2.500 euros o arranxo dos estragos da París de Noia
    VILAGARCÍA> A organización da Festa da Ameixa de Carril cifra en 2.500 euros os estragos ocasionados polos tráilers da orquestra París de Noia no paseo da praia da Compostela. O patrón maior compareceu esta tarde para facer balance e lamentar a actitude do concello de Vilagarcía, principalmente do alcalde. Catro días despois da fallida verbena da Festa da Ameixa de Carril, o patrón maior da confraría saíu a dar explicacións. Segundo José Luis Villanueva, os estragos ocasionados polos tráilers da orquestra París de Noia no paseo da Praia de Compostela poderán arranxarse por 2.500 euros. Villanueva agradeceu as explicacións da orquestra, que aseguraba que por imprevistos de última hora fora imposible cumprir as instrucións da organización. Tamén a súa disposición a colaborar nos gastos, aínda que ante Costas responderá a Comisión da Festa da Ameixa. Diferente é a valoración da postura do concello de Vilagarcía. O Patrón Maior non ocultou o seu descontento coas palabras do alcalde no pregón nin nas declaracións do pasado luns, valorando os estragos no paseo. Segundo explicou esta tarde, a intención da Comisión é trasladar canto antes ao concello a súa vontade de celebrar a Festa da Ameixa do 2018 nestas mesmas datas: a terceira fin de semana de agosto. Sobre a posibilidade de organizar unha nova actuación da orquestra París de Noia na Compostela, Villanueva asegurou que terán que falar con Costas e valorar as datas dispoñibles, e volveu destacar o escenario inmellorable que é o areal para a promoción de Carril.
  • Varela acusa a organización da Ameixa de incumprir as medidas da verbena
    VILAGARCIA> O alcalde de Vilagarcía, acompañado de varios concelleiros, visitou este luns, o entorno do paseo da Praia de Compostela para coñecer in situ os danos causados polos camións da París de Noia, que onte tiñan que actuar no areal vilagarciá co gallo do XXV aniversario da Festa da Ameixa de Carril, e que o finalmente non o puideron facer.
  • José Luis Villanueva toma posesión como Patrón Maior de Carril
    VILAGARCÍA> José Luis Villanueva xa é oficialmente patrón maior da confraría de Carril. Este mediodía, Villanueva tomaba posesión e recuperaba a dirección do pósito carrilexo. Como tarefas por diante, o parquista marca dúas principais na axenda: revisar a situación da confraría e a organización da Festa da Ameixa de Carril, envolta de polémica polos desencontros co concello. Ao redor da 1 e media do mediodía, José Luis Villanueva recuperaba o seu posto como patrón maior da confraría de Carril. Este venres tomaba posesión nas oficinas do pósito, iniciando de xeito oficial un mandato que comezará revisando a situación da confraría. Villanueva volveu lamentar que moitos dos proxectos pendentes teñan que agardar ao ano que vén para poder saír adiante por mor dos retrasos nos prazos. Gabou tamén o equipo que o acompañará neste novo mandato, despois de que a cascada de dimisións no mes de marzo forzara o seu cese como patrón. Agora ten por diante outro reto: a organización da Festa da Ameixa de Carril, envolta en polémica polos desencontros da confraría co concello de Vilagarcía pola súa coincidencia en datas co Festival das Revenidas e o Combate Naval. A intención da confraría é seguir adiante coa cita, que ademais este ano cumpre un cuarto de século de existencia. A pesares dos desencontros, o patrón volverá tender a man ao concello. Villanueva recordou que o obxectivo da festa é dar a coñecer a ameixa de Carril aos visitantes. Algo que perde sentido se se celebra despois da tempada alta do turismo en Vilagarcía.
  • Villanueva traballará para recuperar proxectos pendentes
    VILAGARCÍA> Primeira comparecencia de José Luis Villanueva trala súa vitoria nas eleccións da Confraría de Carril. Villanueva, que estivo arroupado por algúns dos membros do seu equipo, asegurou que trala toma de posesión do 23 de xuño volverán traballar para sacar adiante algúns dos proxectos paralizados. Iso si, despois das tensións vividas, non agarda que o que queda de lexislatura transcorra de xeito pacífico. O vindeiro 23 de xuño, José Luis Villanueva recuperará o seu posto como patrón maior da confraría de Carril. Unha vez el e o seu equipo tomen posesión, a intención é retomar os proxectos paralizados, como o de mellora do sistema de vixilancia ou a compra de semente para o marisqueo a pé. Tralo conflito que provocou o seu cese e a posterior campaña electoral, o presidente dos parquistas non agarda que a que vén sexa unha lexislatura tranquila, aínda que tendeu a man aos que foron os seus opositores. Sobre a polémica levantada polo 2% que recibe a agrupación das vendas dos socios na lonxa, Villanueva defendeu que se empregan para cuestións relacionadas co funcionamento do ente, que moitas veces benefician á confraría. Outra das tarefas pendentes que terá o novo equipo é preparar a Festa da Ameixa da Carril. O futuro patrón maior criticou que os parquistas, como membros da comisión organizadora, non foran convocados ás reunións que xa se tiveron. Trala súa comparecencia, José Luis Villanueva tamén quixo lanzar unha mensaxe á Consellería do Mar, tras criticar que as eleccións do sábado non foron todo o democráticas que deberían.
  • Continúa a tensión na Confraría de Carril antes das eleccións
    VILAGARCÍA> Continúa a tensión na Confraría de Carril. O pósito carrilexo está a sufrir numerosas inspeccións nos últimos días. Unha situación que segundo creen dende a xestora, responde a plan para enturbar as próximas eleccións do 27 de maio.
  • Gonzalo Pita non está de acordo con que a Xunta de Compensación de Nantes pida unha indemnización
    SANXENXO> O polígono de Nantes continúa a dar que falar. A semana pasada era o Consellor Rector o que expresaba a súa intención de pedir unha indemnización, este xoves, Gonzalo Pita e o seu executivo comparecían para admitir que o polígono ten posibilidades de desenrolo polo que non cabe a posibilidade de pedir unha indemnización.
HomeSalnés - CaldasA confraría de Carril non aboará aos Parquistas o 2% de ventas en lonxa Top of Page

Síguenos en facebook