• Facebook
  • Twitter
  • Rss
  • Plus

Alumnos do CEIP O Piñeiriño aprenden como funciona un composteiro

Abr 19 Escrito por 
VILAGARCIA> Cativos do CEIP O Piñeiriño de Vilagarcía visitaron o composteiro que se instalou no parque do mesmo nome. Unha vez alí unha mestra composteira ensinoulles como funciona e faloulles dos beneficios de esta práctica.
O Plan revitaliza que puxo en marcha a Deputación de Pontevedra continúa dando pasiños para achegar a todos os públicos esta nova práctica de xestión de residuos. Este mércores foron os cativos de O Piñeiriño os que coñeceron o seu funcionamento. Unha xornada lectiva distinta as habituais na que a mestra composteira explicou a estes cativos como funciona un composteiro. Esta xornada formativa parte do centro, dende onde se está a levar a cabo un programa de coidado e respecto do medio ambiente, a través da correcta xestión dos residuos.
Etiquetado como Formación    Alumnos    Concello de Vilagarcía    compostaxe    Deputación A Coruña   
Publicado en SALNÉS - CALDAS
Modificado por última vez no Mércores, 19 Abril 2017 17:54

Artigos relacionados (por etiqueta)

  • Máis de 30 desempregados formaranse nos novos obradoiros de Vilagarcía
    VILAGARCÍA> Trinta e cinco desempregados de Vilagarcía arrincaron esta mañá a súa formación. Xunta e concello inauguraron dous dos novos obradoiros de emprego que lle foron concedidos á localidade. Os dous programas contan cun orzamento de 420 mil euros. Concello de Vilagarcía e Xunta de Galicia formarán a 35 desempregados do municipio para mellorar as súas posibilidades de atopar un posto de traballo. Esta mañá arrincaron os novos obradoiros de emprego. O primeiro dos obradoiros favorecerá a 20 desempregados, que se formarán en Fontanería e Carpintería. Durará 9 meses, e contará cun investimento de case 280.000 euros. Durante a súa formación, os alumnos traballarán en diferentes puntos de Vilagarcía, para revalorizar espazos públicos. Operacións auxiliares de actividades e funcionamento de instalacións deportivas, e socorrismo en espazos acuáticos, serán as materias nas que se van a formar 15 alumnos menores de 30 anos no marco do obradoiro Labora Xove 2017. Neste caso, conta cun investimento de 140.000 euros.
  • Chegan a Vilagarcía os "Concertos 2017/2018"
    VILAGARCÍA> Chegan os "Concertos 2017/2018" a Vilagarcía. Esta iniciativa organizada pola Sociedade Filarmónica de Vilagarcía, xurdiu o ano pasado con unha moi boa acollida. Os 7 eventos musicais programados celebraranse dende este mesmo mes de outubro ata o mes de xuño.
  • Os robots cobran vida no Instituto da Xunqueira
    PONTEVEDRA> O instituto Xunqueira 2 de Pontevedra vén de incorporar neste curso o libro dixital nas súas aulas, e os alumnos están a traballar con kits de robótica, programación e impresión 3D. Son parte das accións de Edudixital 2020, a estratexia da Consellería de Educación. Esta mañá Román Rodríguez quixo comprobar en persoa a súa posta en práctica no instituto pontevedrés. Os alumnos de 1º da ESO de Instituto Xunqueira 2 de Pontevedra, levan desde o pasado curso traballando nas aulas con kits de robótica, programación, e impresión 3D. Actividades pensadas para integrar as novas tecnoloxías no resto de materias escolares. Que qué isto? Mellor que nolo explique eles. O Centro pontevedrés incorporou tamén este ano o libro dixital, todas propostas enmarcadas na Estratexia galega para a educación dixital da Consellería de Educación. Esta mañá Román Rodríguez, visitou o instituto, foi partícipe dos traballos do alumnado, e salientou que o compromiso da Xunta cos coñecementos científicos na aula. O conselleiro subliñou a importancia de dar resposta ós desafíos educativos do futuro, un futuro no que eles terán moito que dicir.
  • A Deputación mellorará a accesibilidade ás praias da Torre e o Pazo en Rianxo
    RIANXO> En total investiranse preto dos corenta mil euros que serán destinados a rehabilitar as pasarelas de madeira e en instalar aseos adaptados. A institución provincial levará este venres a pleno a aprobación dun proxecto para rehabilitar os accesos e mellorar as dotacións do paseo marítimo de Té e as praias do Pazo e a Torre. As obras terán un orzamento total de preto dos 40 mil euros, dos cales a Deputación aportará o 80%, ó redor duns 31 mil euros, e incluirán a rehabilitación da ponte peonil que conecta os dous areais, así coma as pasarelas de acceso ós mesmos. A actuación verase tamén complementada coa instalación de dous novos aseos no parque situado na zona da antiga conserveira.
  • Unha volta ao cole con viaxe no tempo
    VILAGARCÍA> Con esta volta ás aulas, e para moitos, a súa primeira vez no cole, chegaron os choros nalgúns casos, e os reencontros felices para outros. Pero os que sen dúbida viviron unha gran xornada foron os alumnos e alumnas do colexio de Rubiáns en Vilagarcía. Como cada ano, o primeiro día de clases céntrase na realización de xogos de benvida coa temática de cada ano, neste curso toca a Historia. Cabaleiros con jabalina… Arqueólogos…. Carreiras de sacos, ou lanzamento de disco..son algunhas das actividades que forman parte do proxecto “Sabela viaxa no tempo”, e que organizou o colexio de Rubiáns, para recibir ós seus alumnos na primeira xornada de cole. Algo habitual neste centro vilagarciá, cada ano coa temática elixida, e este curso, é a historia. Unha xornada divertida que para a maioría fixo moito máis levadeira a volta ó cole. Aínda que parece que estes rapaces son tan aplicados, que non lles fai falta. Aínda que sempre atopamos algún que outro…que preferiría esta mañá quedar entre as sabas…e seguir desfrutando das vacacións. Con este novo proxecto baseado na historia, o colexio de Rubiáns pretende conseguir o éxito acadado co proxecto do ano pasado, “O mar de Sabela”, centrado no mundo mariño, e co que veñen de gañar o Premio Proxecta da Consellería de Educación.
  • O concello repartirá 8.000 composteiros individuais entre vivendas unifamiliares
    PONTEVEDRA> O concello de Pontevedra distribuirá 8.000 composteiros entre os veciños da cidade. Segundo explicou esta mañá o voceiro do goberno, o reparto realizarase entre as vivendas unifamiliares que teñan horta. Esta mañá, a xunta de goberno aprobou o expediente de contratación, cun importe de máis de 842.000 euros. Pontevedra avanza na súa aposta pola compostaxe. Esta mañá, o goberno local aprobou o reparto de 8.000 composteiros entre os veciños da cidade. O importe do contrato é de máis de 842.000 euros, cun custo de 87 euros máis IVE por composteiro. A distribución farase de xeito individual, e os veciños recibirán instrucións sobre o seu uso. A intención do goberno local é xeralizar este servizo, e conseguir que cada vivenda elabore o seu propio compost. Un camiño que busca a desaparición da recollida de orgánicos. O contrato terá un prazo máximo de prestación deste servizo de dous anos, dándose por finalizado cando se complete o reparto dos 8.000 composteiros. A previsión do executivo é que estea adxudicado a principios do vindeiro ano.
HomeSalnés - CaldasAlumnos do CEIP O Piñeiriño aprenden como funciona un composteiro Top of Page

Síguenos en facebook