09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

26 mulleres en risco formaranse en inserción social e laboral ata decembro

Abr 20 Escrito por 
VILAGARCIA> O Programa Clara desembarca en Vilagarcía para promover a inserción social e laboral de mulleres que se atopan en situación de vulnerabilidade. Este xoves na súa primeira clase, puidemos comprobar como todas as participantes deron conta de todo o que lles gustaría conseguir ao rematar o curso.
Máis seguridade ese é o propósito que máis se escoitou esta mañá no Auditorio de Vilagarcía, onde este xoves, arrincou o Programa Clara, unha iniciativa do Instituto da Muller ca que se pretende traballar a inserción social e laboral de mulleres en risco de exclusión, tal e como explicou Belén Fernández, técnica do Instituto da Muller Unha iniciativa que se leva a cabo en 12 concellos de España, entre os que resultou elexido Vilagarcía, e que se divide en varios módulos. Nesta ocasión serán unhas 26 mulleres as que se formen en diferentes materias que a medio corto prazo lles permitan atopar un emprego. Unha iniciativa para que estas mulleres foron seleccionadas dende o Centro de Información a Muller da localidade, e na que participaran durante 8 meses, xa que durará ata decembro.
Etiquetado como Servizos Sociais    Concello de Vilagarcía    exclusion social    Formación   
Publicado en SALNÉS - CALDAS
Modificado por última vez no Xoves, 20 Abril 2017 19:48

Artigos relacionados (por etiqueta)

  • CCOO cre que o convenio de colaboración do Príncipe Felipe só serve “para saír do paso”
    PONTEVEDRA > Comisións Obreiras cre que o convenio de colaboración para a cidade infantil Príncipe Felipe, asinado entre a Deputación de Pontevedra e a Xunta, só serve “para saír do paso”. Así o indicaron os responsables da central, que tamén aproveitaron para reclamar que o centro acolla máis menores. Dende Comisións Obreiras cren que o convenio entre a Xunta e a Deputación de Pontevedra é unha oportunidade perdida para buscar solucións ás moitas necesidades sociais dos concellos da provincia, tendo en conta –din- o número de familias desestruturadas ou con problemas de adaptación que poderían ter cabida no Príncipe Felipe. Entenden dende o sindicato o convenio foi pechado en falso e que, a día de hoxe, é un luxo manter o centro por baixo da súa capacidade. Segundo os datos achegados polo sindicato, das 274 prazas das que dispón o centro, só están ocupadas a día de hoxe 198. Demandan que o centro traballo ó 100% da súa capacidade, porque entenden que co mesmo gasto se poderían atender a moitos máis menores, xa que –segundo din- o número de traballadores se mantería. Segundo o acordo entre administración provincial e autonómica, dos máis de 10 millóns de euros orzamentados para o Príncipe Felipe, a Xunta vai aportar uns 780.000. O centro, dependente da Deputación de Pontevedra, comezará a rexerse polo novo convenio o un de xaneiro. Será a partir dese día cando a Xunta faga efectiva a súa renuncia a facer uso do Servizo da Unidade de Primeira Acollida e acate que os informes técnicos do persoal provincial sexan determinantes á hora de decidi-la entrada ou saída de menores do centro. Ademais, a partir do primeiro día de 2018, o Príncipe Felipe deixará de acoller menores violentos e conflitivos.
  • O Comedor Social de Cáritas de Vilagarcía renova as súas instalacións
    VILAGARCÍA > O director xeral de Inclusión Social da Xunta visitou esta mañá as renovadas instalacións do Comedor Social de Cáritas, en Vilagarcía. Entre as melloras, salienta a renovación do chan e o arranxo dos baños. En total, investíronse preto de 23.000 euros. Dende hai uns días, o Comedor Social de Cáritas en Vilagarcía goza dunhas renovadas instalacións, que permiten facer máis levadeira a estadía das persoas sen recursos que as empregan acotío. Entre as actuacións, a máis demanda polos usuarios, traballadores e voluntarios do centro era a substitución das vellas e esvaradías baldosas por un novo pavimento, máis seguro. Tamén se renovaron por completo os baños do centro, instalouse nova iluminación de tipo led e se repintaron todas as dependencias. En total, un investimento de algo máis de 23.000 euros, con fondos procedentes en boa medida da Xunta. Neste exercicio, de feito, o goberno galego destinou para Cáritas Interparroquial de Vilagarcía un total de 83.000 euros destinados ó bo funcionamento do comedor, á súa conservación e ó bo funcioanento da Casa de Acollida de San Cibrán, en Vilaxoán. O director xeral aproveitou a xornada para visitar tamén o Centro Sociocomunitario de Vilaxoán, segundo os seus responsables “un espazo completamente dotado” para uso e goce dos maiores da zona, e tamén das xeracións máis novas.
  • Máis de 400 persoas participaron nos cursos de Inmersión Dixital en Vilagarcía
    VILAGARCÍA > Vilagarcía puxo hoxe punto e final ós cursos de Inmersión Dixital. 25 actuacións formativas e 413 alumnos despois, o concello de Vilagarcía clausuraba esta mañá os Cursos de Inclusión e Capacitación dixital. As actividades buscan mellora-las competencias dixitais dos veciños da vila, sexa cal sexa a súa idade ou situación laboral. Os cursos arrancaron no mes de maio e hoxe chegaron ó seu fin por este ano, coa entrega de diplomas ós participantes da derradeira actividade. Durante os últimos días, os alumnos aprenderon a sacar partida á internet á hora de buscar emprego, botando man de novas ferramentas. Outros, fóra xa do mercado laboral, atoparon nestas iniciativas unha vía de acceso ó mundo das novas tecnoloxías. O Concello agarda que para o ano que vén se repita o éxito de participación desta edición.
  • O Xantar do Maior de Ribeira celebrarase o 3 de decembro na Fieteira
    RIBEIRA> Xa se poden retirar as entradas para o Encontro dos Maiores de Ribeira que se desenvolverá o tres de decembro no pavillón municipal da Fieteira. Os interesados en reservar a súa praza poden facelo nas oficinas de recadación do concello.
  • O Xantar dos Maiores da Pobra celebrarase o día 24 no pavillón de Venecia
    POBRA> Xa hai data para o xantar do maior da Pobra. Será o 24 de novembro no pavillón polideportivo de Venecia. Os interesados en asistir, maiores de sesenta anos, xa poden reservar a súa praza. O prezo do cuberto é de quince euros.
  • Ravella destina 420.000 euros á humanización da Praza da Independencia
    VILAGARCÍA> O concello de Vilagarcía xa ten o proxecto de reforma para a Praza da Independencia. Con esta actuación, o goberno local dá un paso máis no seu modelo urbano, marcado polas zonas peonís e a mellora da accesibilidade. A actuación financiarase no marco do proxecto Vilagarcía Avanza, que contará con fondos europeos. Está orzamento en 420.000 euros. Vilagarcía camiña cara un modelo de cidade máis accesible e humanizado. Coas obras de peonalización da Praza de Galicia a piques de ser adxudicadas, o concello presentou esta mañá a intervención na Praza da Independencia. Unha parte da actuación dirixirase a peonalizar dúas das tres rúas que rodean a praza. Nesta zona empregaranse dous tipos de formigón, material duradeiro e que precisa e pouco mantemento. A praza en si non experimentará grandes cambios. O máis importante será a eliminación do vaso da fonte, facéndoa máis accesible. A intención é reutilizar a peza noutra zona deste espazo. A substitución de todas as redes de abastecemento, saneamento e telecomunciación, e a creación de superficies de captación de auga para reducir posibles asolagamentos, son outros puntos da intervención, que conta cun orzamento de 420.000 euros financiados cos fondos europeos do Plan Vilagarcía Avanza.
HomeSalnés - Caldas26 mulleres en risco formaranse en inserción social e laboral ata decembro Top of Page

Síguenos en facebook