• Facebook
  • Twitter
  • Rss
  • Plus

Ribadumia encherase de bailaríns o vindeiro 30 de abril

Abr 21 Escrito por 
RIBADUMIA> A música e os bailes volverán a Ribadumia o vindeiro 30 de abril en Ribadumia. O IV Trofeo de Baile Deportivo de Ribadumia Btroula encherá vila de bailaríns e ritmos melódicos cun evento que a bo seguro será do agrado de todo aquel que acuda o Pavillón de A Senra na vila.
Tules, cristais de colores, plumas e paxariñas encheran de color Barrantes o vindeiro 30 de abril. De este domingo en oito días celebrarase na vila o IV Trofeo de Baile Deportivo de Ribadumia Btroula. Unha competición que será puntuable a nivel nacional e autonómico, tal e como explicaba esta mañá o alcalde de Ribadumia, David Castro. Dende as 10h da mañá e ata as 22h da noite de maneira continuada. Faranse catro competicións nunha soa, todas as competicións que se celebrarán o vindeiro 30 de abril están apoiadas pola Federación Española de Baile Deportivo. Ademais de este aspecto Breogán Pérez, responsable de Btroula, tamén explicou as partes nas que se dividirá a competición e o ámbito de clasificación de cada un. En Ribadumia elixirase o campión ou campioa galego de cada idade, polo que dende a organización animan a todos os amantes do baile a que acudan a Barrantes, concretamente ao Pavillón da Senra a ver este espectáculo onde se darán cita os mellores bailaríns da provincia, da comunidade e diferentes puntos de España e Portugal.
Etiquetado como Ribadumia    baile deportivo    Campionato Galego    Campioa España    Deporte   
Publicado en SALNÉS - CALDAS

Artigos relacionados (por etiqueta)

  • O lume tamén arrasou o Salnés
    SALNÉS> O Salnés tamén ardeu na negra xornada de onte en Galicia. Dous dos puntos máis afectados polas lapas foron a parroquia de Armenteira, en Meis, e varias parroquias de Catoira debido a un lume que se orixinou onte á tarde no monte de Xiabre. Aínda que esta maña os incendios estaban controlados, os veciños máis prexudicados non daban crédito ó acontecido. Desolación e impotencia, é a o que se atopaba esta mañá ó percorrer as zonas máis afectadas do Salnés tralo domingo negro vivido onte en toda Galicia. A comarca tamén ardeu, e fíxoo de xeito voraz. María, unha veciña de Pereiras, en Armenteira, Meis, non era quen de lembrar como onte á noite estivo a piques de perdelo todo. A súa casa, en cuestión de minutos, aparece completamente rodeada polas lapas. Varias vivendas tiveron que se desaloxadas aquí na Armenteira, polo lume que se orixinou nun eucaliptal pasadas as nove da noite, e que se foi propagando avivado polo forte vento. Como moitos outros puntos, aquí tamén, a colaboración dos veciños, xunto co traballo de bombeiros e protección civil. fundamental. Un inferno para as persoas, pero por suposto, para os animais que viven nos montes .(rec caballos) A solidariedade necesaria máis ca nunca, tamén en Catoira. Desde o monte, as lapas correron como a pólvora monte abaixo debido ó vento, ata chegar a varias parroquias de Catoira. Unha das máis afectadas, Coaxe, tivo que ser desaloxada. Aquí xerente Manolo unha Casa Rural. Este mediodía os brigadistas continuaban na zona realizando labores de control. Parece que o peor xa pasou, pero agora queda unha pregunta ó aire, poderíase ter evitado? Poderemos evitalo de haber unha próxima vez?
  • Ribadumia premia os seus mellores deportistas na súa Gala do Deporte
    RIBADUMIA> O deporte estivo de festa en Ribadumia. O concello celebrou a súa segunda Gala, na que se recoñece o traballo de deportistas, persoeiros e clubes máis destacados do municipio. Ribadumia despediu a súa Semana Europea do Deporte por todo o alto. O auditorio acolleu a segunda edición da Gala do Deporte; acto co que o concello recoñece o labor de deportistas e entidades. Os grandes protagonistas foron o Náutico O Muíño, o Umia Club de Fútbol, o Ribadumia e o Desguaces Tino Racing, con varios dos seus deportistas recoñecidos en diferentes categorías. O Desguaces Tino, ademais, foi recoñecido como mellor equipo, mentres que o Ribadumia escolleuse como o mellor club. Pablo Torres, do Umia, alzouse como mellor adestrador, mentres que na categoría ao mérito deportivo o recoñecemento recaeu no secretario do Ribadumia, José Ramón Serantes.
  • Os olímpicos pontevedreses, protagonistas da Semana do Deporte en Ribadumia
    RIBADUMIA> O deporte domina esta semana Ribadumia. O concello está metido de cheo na conmemoración da Semana Europea do Deporte, con actividades para todos os públicos dirixdas a fomentar todo tipo de disciplinas. Hoxe, a cita foi no auditorio, coa inauguración da exposición De Pontevedra a Río, promovida pola Deputación de Pontevedra. Ribadumia sumouse á celebración da Semana Europea do Deporte. Dende o pasado sábado, as actividades deportivas mobilizan aos veciños de todas as idades. A Semana do Deporte culminará este sábado cunha gran cita. O Auditorio acollerá a segunda Festa do Deporte, na que o concello recoñecerá o labor das diferentes entidades deportivas do municipio. Pero antes desta gran cita, as actividades están sucedéndose en Ribadumia. Esta mañá, o concello inaugurou a exposición De Pontevedra a Río, promovida pola Deputación de Pontevedra, e que é un recoñecemento ao traballo dos deportistas pontevedreses que participaron nas Olimpíadas de Río 2016. Para o concello, esta mostra é un xeito máis de promocionar o deporte entre a mocidade, e promover o benestar social que trae consigo a práctica deportiva.
  • Ribadumia súmase á Semana Europea do Deporte
    RIBADUMIA> O concello de Ribadumia súmase á Semana Europea do Deporte que se celebrará xa a partir de mañá sábado. Sendeirismo, padel, actividades para nenos, zumba ou tenis de mesa son algunhas das actividades propostas nun programa, que terá no sábado 30 o seu día grande, coa celebración da Gala do Deporte. O concello de Ribadumia continúa coa súa aposta por inculcar o deporte á sociedade, xa desde nos veciños máis pequenos da casa. Por iso súmase á Semana Europea da Mobilidade cun programa chego de actividades, que comezarán xa mañá sábado 23 e rematarán o sábado 30. Unha diversidade de actividades deportivas para tódalas idades, que terán no mércores 27 o seu día destinado ós máis pequenos, con actividades nas que participarán máis de 250 nenos de 3 a 7 anos, grazas á colaboración do concello co CEIP Julia Becerra Malvar e o CRA de Ribadumia . O broche final chegará o sábado día 30 coa celebración da Gala do Deporte, que será conducida polo humorista Federico Pérez. Ademáis, Ribadumia completa a Semana do Deporte con xornadas de portas abertas no ximnasio municipal e no Club de Tenis de Mesa do concello, do 25 ó 29 de setembro.
  • O concello de Poio presenta a súa ampla oferta deportiva para este curso escolar
    Pontevedra> O concello de Poio presentou esta mañá o amplo abano de actividades deportivas que se presentan para este novo curso 2017-2018. A concelleira de Deportes e o alcalde deste municipio lembraron que ao longo deste mes está aberto o prazo de inscrición. A billarda e o pádel son algunhas das novidades deportivas deste ano.
  • Castro invita aos veciños afectados pola factura da auga a asesorarse no concello
    RIBADUMIA> Este martes era a voceira popular de Ribadumia a que denunciaba o cobro "desproporcionado" das facturas da auga en Sisán e Barrantes, por unha neglixencia do concello... pois ben, hoxe é o propio alcalde quen pide "prudencia" ante as declaracións de Salomé Peña, e explica o problema que está a acontecer cos recibos da auga nestas parroquias.
HomeSalnés - CaldasRibadumia encherase de bailaríns o vindeiro 30 de abril Top of Page

Síguenos en facebook