• Facebook
  • Twitter
  • Rss
  • Plus

Cambados retira a estatua de Fraga dos xardíns de Torrado

Abr 21 Escrito por 
CAMBADOS> A estatua de Manuel Fraga xa non está nos xardíns de Torrado en Cambados. O concello retirou a polémica escultura do expresidente galego que fora colocada no 2012 tralo seu falecemento. Segundo explicou o nacionalista Víctor Caamaño, a súa retirada responde a unha decisión política. Esta foi a imaxe do día en Cambados. Cara o mediodía, o goberno local retiraba a estatua de Manuel Fraga, instalada nos xardíns de Torrado hai cinco anos. Xa no 2012, a colocación da escultura estivo rodeada de polémica. O concello, gobernado polo PP de Luis Aragunde, quixo desvencellarse da súa instalación, e asegurou que a iniciativa partira dun grupo de viticultores. Segundo a versión oficial, coa estatua, realizada polo escultor Lucas Míguez, buscábase agradecer a implicación de Fraga co sector vitivinícola e a Festa do Albariño de Cambados. Agora a decisión de retirala foi iniciativa da concellería de Cultura, dirixida polo nacionalista Víctor Caamaño. O edil definiu a escultura como un recordo "negativo-franquista", postura que compartiron a alcaldesa Fátima Abal e os concelleiros de Somos Cambados. Retirada xa dos xardíns de Torrado, a escultura de Manuel Fraga trasladarase ao almacén do seu autor. No seu lugar non está prevista a instalación de ningún outro elemento; unicamente arranxarase a área do xardín que ocupou nos últimos cinco anos.
Etiquetado como Salnés    Cambados    manuel fraga   
Publicado en SALNÉS - CALDAS

Artigos relacionados (por etiqueta)

  • Rajoy desbota que os lumes se produciran por 'casualidade'
    GALICIA> A crítica situación que se está a vivir en Galicia trouxo esta mañá ata a comunidade ao presidente do goberno. Mariano Rajoy visitou diferentes puntos da provincia de Pontevedra, entre eles o concello de Vigo e o posto de mando avanzado instalado en Pazos de Borbén. Rajoy estivo acompañado polo presidente autonómico, que a primeira hora celebraba un consello da xunta extraordinario para condenar a vaga de lumes e recordar os catro falecidos. Tamén para decretar tres días de loito oficial en Galicia. O presidente do goberno desprazouse esta mañá a algunhas das zonas máis afectadas pola vaga de lumes que asolaga a comunidade. Tras participar nunha concentración en Vigo en memoria dos catro falecidos, Rajoy visitou o posto de mando avanzado en Pazos de Borbén. No encontro mantido co presidente da Xunta e os mandos dos corpos de seguridade do Estado, Mariano Rajoy amosouse disposto a facilitar toda a axude que se precise dende a Xunta. Anunciou que 700 membros da Unidade Militar de Emerxencias se trasladaron ata Galicia, con máis de 10 medios aéreos que traballan na extinción dos lumes. Antes de reunirse co presidente do goberno, o rexedor autonómico celebrou unha reunión extraordinaria do Consello da Xunta. Alberto Núñez Feijóo analizou co seu equipo a situación polos lumes e recordou aos catro falecidos nos incendios. Tamén anunciou o decreto de tres días de loito oficial. No seu discurso, Núñez Feijóo agradeceu o traballo dos equipos de extinción, e destacou a solidariedade dos veciños que sairon á rúa para colaborar na loita contra as lapas. Tamén apuntou que nunca houbo tantos medios para a extinción dos lumes como neste mes de outubro, e agradeceu a colaboración que está a chegar dende o Estado e outras Comunidades Autónomas.
  • O lume tamén arrasou o Salnés
    SALNÉS> O Salnés tamén ardeu na negra xornada de onte en Galicia. Dous dos puntos máis afectados polas lapas foron a parroquia de Armenteira, en Meis, e varias parroquias de Catoira debido a un lume que se orixinou onte á tarde no monte de Xiabre. Aínda que esta maña os incendios estaban controlados, os veciños máis prexudicados non daban crédito ó acontecido. Desolación e impotencia, é a o que se atopaba esta mañá ó percorrer as zonas máis afectadas do Salnés tralo domingo negro vivido onte en toda Galicia. A comarca tamén ardeu, e fíxoo de xeito voraz. María, unha veciña de Pereiras, en Armenteira, Meis, non era quen de lembrar como onte á noite estivo a piques de perdelo todo. A súa casa, en cuestión de minutos, aparece completamente rodeada polas lapas. Varias vivendas tiveron que se desaloxadas aquí na Armenteira, polo lume que se orixinou nun eucaliptal pasadas as nove da noite, e que se foi propagando avivado polo forte vento. Como moitos outros puntos, aquí tamén, a colaboración dos veciños, xunto co traballo de bombeiros e protección civil. fundamental. Un inferno para as persoas, pero por suposto, para os animais que viven nos montes .(rec caballos) A solidariedade necesaria máis ca nunca, tamén en Catoira. Desde o monte, as lapas correron como a pólvora monte abaixo debido ó vento, ata chegar a varias parroquias de Catoira. Unha das máis afectadas, Coaxe, tivo que ser desaloxada. Aquí xerente Manolo unha Casa Rural. Este mediodía os brigadistas continuaban na zona realizando labores de control. Parece que o peor xa pasou, pero agora queda unha pregunta ó aire, poderíase ter evitado? Poderemos evitalo de haber unha próxima vez?
  • Cambados esixe a Portos un correcto mantemento da zona portuaria
    CAMBADOS> Melloras no asfalto da zona onde se realiza o mercado, e nas varandas de acceso ó paseo marítimo, é o que reclama o goberno de Cambados e Somos Cambados, a Portos de Galicia. Despois de 3 requerimentos sen obter unha resposta positiva, esta mañá esixiron ante os medios unha solución ó mal estado desta zona do municipio, dependente da entidade que preside José Juan Durán. O mercado de Cambados realízase en zona portuaria dentro do concello, algo polo que o goberno municipal paga a Portos de Galicia un alugar mensual de 4.000 euros. E por iso, o concello entende que debe ser a entidade autonómica a que se faga cargo do seu mantemento. Como é o mal estado no que se atopa o asfalto, e as varandas que separan o espazo do paseo marítimo, algo que aseguran desde Somos Cambados, pode chegar a provocar problemas de seguridade para a cidadanía. O concelleiro Xurxo Charlín explicou que tras tres requerimientos a Portos de Galicia, a última nunha reunión esta mesma semana, non atopa unha solución para este problema, xa que a resposta que lle dan é que non son cuestións prioritarias. Ademáis, desde o goberno fixeron chegar outros problemas do municipio a Portos, como é o custe polo espazo ocupado de terreno portuario durante a Festa do Albariño, que foi menos que o estimado na previsión que se fixo en febreiro. Tamén trataron na reunión Como as palmeiras afectadas polo picudo no concello, a maioría en zona de portos. O concello ten que pagar 9.000 euros para poñer solución ó problema. A resposta da entidade portuaria, segundo aseguran, é que eles non se farían cargo dese gasto.
  • Vilanova a gran protagonista da Semana de Valle-Inclán
    VILANOVA> Poemarios infantís, conferencias, lecturas dramáticas e ofrendas florais, son algunhas das accións que se levarán a cabo para conmemorar en Vilanova o 151 aniversario do nacemento de Valle-Inclán, durante a semana cultural que o concello lle dedica ó célebre escritor. Este ano, ademais, coa súa vila natal, como gran protagonista. Aínda que a semana grande será a do 20 ó 29 de outubro, xa comezaron as actividades en Vilanova para conmemorar os 151 anos do nacemento de Valle-Inclán. Como é habitual no mes de decembro, a súa vila natal prepara para outubro unha semana de homenaxe ó seu veciño máis célebre. O pasado día 6 xa se presentou un poemario infantil, e o continúan as actividades o próximo día 20 cunha Conferencia centrada nos resultados das intervencións arqueolóxicas de Cálago, xa que este ano, a protagonista da semana é a vila natal do escritor. Por iso, o sábado 22 volverá haber unha conferencia a cargo de Alicia Padín, sobre os documentos e elementos conservados sobre Cálago. Unha vinculación, a do escritor con Cálago, que vén xa desde o seu pai, un home moi interesado pola riqueza arqueolóxica de Vilanova. O día 27 son os actos máis fortes da homenaxe. Os actos rematan o sábado 28 cunha conferencia sobre o pazo de A Xunqueira, un espazo moi vencellado á familia de Valle Inclán. O edil de Promoción Económica destacou tamén na presentación o aumento de visitas na Casa Museo Valle Inclán onde se celebrou a presentación, leva xa unhas 6.000 visitas no que levamos de ano, a mesma cifra que en todo o ano pasado, unhas cifras que veñen abaladas pola relevancia que está acadando na comarca a Variante espiritual do Camiño de Santiago.
  • Villares respalda ao persoal do Hospital fronte á 'xordeira' da Xunta
    VILAGARCÍA> A Xunta de persoal do Hospital do Salnés mantén a súa loita contra a reforma da Lei de Saúde, e os representantes políticos continúan mantendo encontros con eles. Hoxe foi o voceiro de En Marea, Luis Villares, o que se desprazou ata o centro comarcal. Dende aí, revalidou o compromiso da súa formación para que a Xunta abandone a reforma. A Xunta de Persoal do Hospital do Salnés continúa a recibir apoios na súa loita contra a reforma da Lei de Saúde que prepara a Xunta de Galicia. Esta mañá, o voceiro de En Marea, Luis Villares, trasladou o seu apoio aos representantes dos traballadores. Aínda que polo de momento non hai informacións que indiquen un cambio de postura da Consellería de Sanidade, Villares destacou a importancia da mobilización social para frear o cambio. Dende a Xunta de Persoal agradeceron o interese da formación. Tamén explicaron que a Plataforma en Defensa da Sanidade Pública reanudará as súas accións para informar á cidadanía das consecuencias que, aseguran, traerá este cambio. O colectivo comezará as charlas informativas no concello de A Illa de Arousa o vindeiro mércores 18 de outubro. Será ás 8 da tarde no salón de plenos do concello.
  • Os turistas encantados coa prolongación do "veranillo" de San Miguel
    SANXENXO> As altas temperaturas e a falta de auga deste comezo de outono son prexudiciais para algúns sectores, outros en cambio asisten encantados a esta prolongación do verán. É o caso do turismo, tal e como puidemos comprobar esta mañá en Sanxenxo. Parece que San Miguel está sendo xeneroso de máis co veranillo deste ano. Pleno outono, e na Praia. Os termómetros dalgunhas localidades das Rías Baixas chegaron a marcar estes días o 30 graos. Aínda que para moitos a falta de auga é mala noticia, o certo é que esta prolongación do verán que estamos vivindo está sendo moi positiva para aqueles que viven do turismo. Esta fin de semana, o bo tempo, as potencialidade que ofrecen as Rías Baixas, e a coincidencia coa festa do Marisco do Grove, deixouse notar na ocupación hoteleira. Contentos os hostaleiros, e contentos, no pequeño comercio. Pero os que máis gozan sen dúbida destas temperaturas e do sol, os que teñen o tempo libre para desfrútalo, os turistas. Aínda que tamén existe certa preocupación polos cambios de temperaturas que estamos a vivir . Todo apunta a que esta próxima fin de semana, co gallo da ponte festiva do Pilar, os hoteis volv¡erán colgar o cartel de completo. E ademáis, parece que a cousa seguirá así por un tempo, porque dende Meteogalicia anuncian que non se agardan chuvias ata a segunda quincena deste mes.
HomeSalnés - CaldasCambados retira a estatua de Fraga dos xardíns de Torrado Top of Page

Síguenos en facebook