• Facebook
  • Twitter
  • Rss
  • Plus

Ravella corta a conexión aos servizos municipais do circo por carecer de licenza

Abr 25 Escrito por 
VILAGARCIA> O circo "Vienna Roller" parece que finalmente non ofrecerá o seu espectáculo tal e como tiña previsto para este xoves. O concello de Vilagarcía ordenou o corte da conexión aos servizos municipais por carecer de licenza municipal de actividade.
O circo Vienna Roller pretendía establecerse nun solar da Escardia, a pesar da negativa do concello da vila que se declarou cidade libre de espectáculos con animais no 2015. Unha negativa que este martes o responsable do circo admitía, pero que ao mesmo tempo afirmaba que tan só unha orde xudicial frearía a súa actividade en Vilagarcía. Ante estas intencións de continuar coa actividade a pesar da negativa do concello, dende Ravella decidiron cortar a conexión ao servizos municipais por carecer de licenza. O espectáculo de este circo conta con crocodilos e serpes nalgúns dos seus números, unha situación que propiciou a negativa do concello, que onte bloqueaba a entrada ao solar onde se están a instalar os membros do circo cun camión municipal. A pasada semana en Sanxenxo sucedeu unha situación similar, aínda que o asesor xurídico do concello indicou que o circo tiña dereito a traballar.
¡
Etiquetado como Concello de Vilagarcía    Circo    Polémica    licenza   
Publicado en SALNÉS - CALDAS
Modificado por última vez no Martes, 25 Abril 2017 18:25

Artigos relacionados (por etiqueta)

  • Reciclar en Vilagarcía ten premio
    VILAGARCIA> Reciclar en Vilagarcía ten premio. Así o anunciaron esta mañá en rolda de prensa dende o concello. Unha iniciativa coa que se pretende concienciar aos cidadáns da importancia da vila da importancia da reciclaxe e a correcta xestión dos residuos, ao mesmo tempo que se potencia o comercio local. Reciclar na capital de Arousa ten premio. Teimas Desenvolvemente e o concello de Vilagarcía únense no proxecto Tropa Verde. Unha iniciativa que leva activa dende o pasado 30 de novembro, e que o estará durante todo o ano. Tempo no que se pretende concienciar aos vilagarciáns sobre a importancia da reciclaxe e a xestión dos residuos ao mesmo tempo que se potencia o comercio local. Todos aqueles que queiran participar de esta medida, escoiten que é moi sinxelo. As recompensas que poden recibir os cidadáns divídense en oito categorías distintas: Hostalería, Comercio, Cultura, Concello, deporte, Saúde, Infantil e Estética. Os responsables de este proxecto sinalan que é unha iniciativa que está a ter moi boa acollida entre os comerciantes e hostaleiros da vila, entre os que xa conta con 36 colaboradores.
  • A Policía Local non dispón de informe algún sobre o incidente da placa de Rei Ballesteros
    POBRA> Esta foi a resposta emitida por este corpo a raíz da solicitude do BNG dun informe oficial ó respecto. En resposta ó escrito presentado hai uns días no Concello, no que o BNG solicitaba o informe oficial por parte dos axentes de garda ese día, dende a Policía Local indícase que non se recolleu ningún incidente relacionado coa retirada da placa. Para os nacionalistas este feito non deixa de ser chamativo, acusándoo a este corpo de actuar con escurantismo en favor dos intereses do equipo de goberno. Por esta razón o BNG volve a pedir explicacións por parte da Policía Local e tamén o alcalde sobre todo o acontecido, ó existir indicios evidentes de que así foi.
  • Ravella destina 420.000 euros á humanización da Praza da Independencia
    VILAGARCÍA> O concello de Vilagarcía xa ten o proxecto de reforma para a Praza da Independencia. Con esta actuación, o goberno local dá un paso máis no seu modelo urbano, marcado polas zonas peonís e a mellora da accesibilidade. A actuación financiarase no marco do proxecto Vilagarcía Avanza, que contará con fondos europeos. Está orzamento en 420.000 euros. Vilagarcía camiña cara un modelo de cidade máis accesible e humanizado. Coas obras de peonalización da Praza de Galicia a piques de ser adxudicadas, o concello presentou esta mañá a intervención na Praza da Independencia. Unha parte da actuación dirixirase a peonalizar dúas das tres rúas que rodean a praza. Nesta zona empregaranse dous tipos de formigón, material duradeiro e que precisa e pouco mantemento. A praza en si non experimentará grandes cambios. O máis importante será a eliminación do vaso da fonte, facéndoa máis accesible. A intención é reutilizar a peza noutra zona deste espazo. A substitución de todas as redes de abastecemento, saneamento e telecomunciación, e a creación de superficies de captación de auga para reducir posibles asolagamentos, son outros puntos da intervención, que conta cun orzamento de 420.000 euros financiados cos fondos europeos do Plan Vilagarcía Avanza.
  • A Xunta require nova documentación a Ravella para tramitar o PXOM
    VILAGARCÍA> O concello de Vilagarcía asegura que o PXOM avanza na súa tramitación. Dende Ravella negan que a Xunta rexeitara o borrador, e explican que o goberno autonómico unicamente solicitou nova documentación. Uns papeis que aínda non puideron remitirse, debido ás dificultades derivadas da situación que atravesa a empresa encargada de redactar o plan. O goberno de Vilagarcía nega que a Xunta rexeitara o borrador do PXOM. Si recoñecen que o executivo autonómico fixo un requirimento de nova documentación. Un trámite que, aseguran, é habitual. A edil de Urbanismo defende o traballo realizado polo actual executivo. Non así a xestión de Tomás Fole, á que responsabiliza da tardanza do plan. Agora, dende Ravella están en conversas coa empresa encargada da redacción do PXOM, que hai uns meses foi comprada por un grupo chinés. Unhas dificultades internas que se reflicten na tramitación do plan. O que si aseguran é que este retraso na entrega da documentación requirida non vai afectar á aprobación, ou non, do borrador proposto como PXOM de Vilagarcía. Segundo explicou Paola María, hai preto doutros 16 concellos galegos que están a padecer estes retrasos, provocados polas dificultades internas da empresa encargada da redacción.
  • Máis de 30 desempregados formaranse nos novos obradoiros de Vilagarcía
    VILAGARCÍA> Trinta e cinco desempregados de Vilagarcía arrincaron esta mañá a súa formación. Xunta e concello inauguraron dous dos novos obradoiros de emprego que lle foron concedidos á localidade. Os dous programas contan cun orzamento de 420 mil euros. Concello de Vilagarcía e Xunta de Galicia formarán a 35 desempregados do municipio para mellorar as súas posibilidades de atopar un posto de traballo. Esta mañá arrincaron os novos obradoiros de emprego. O primeiro dos obradoiros favorecerá a 20 desempregados, que se formarán en Fontanería e Carpintería. Durará 9 meses, e contará cun investimento de case 280.000 euros. Durante a súa formación, os alumnos traballarán en diferentes puntos de Vilagarcía, para revalorizar espazos públicos. Operacións auxiliares de actividades e funcionamento de instalacións deportivas, e socorrismo en espazos acuáticos, serán as materias nas que se van a formar 15 alumnos menores de 30 anos no marco do obradoiro Labora Xove 2017. Neste caso, conta cun investimento de 140.000 euros.
  • Chegan a Vilagarcía os "Concertos 2017/2018"
    VILAGARCÍA> Chegan os "Concertos 2017/2018" a Vilagarcía. Esta iniciativa organizada pola Sociedade Filarmónica de Vilagarcía, xurdiu o ano pasado con unha moi boa acollida. Os 7 eventos musicais programados celebraranse dende este mesmo mes de outubro ata o mes de xuño.
HomeSalnés - CaldasRavella corta a conexión aos servizos municipais do circo por carecer de licenza Top of Page

Síguenos en facebook