• Facebook
  • Twitter
  • Rss
  • Plus

Arquivada definitivamente a causa xudicial contra o alcalde de Caldas

Mai 03 Escrito por 
CALDAS> A Audiencia Provincial de Pontevedra arquiva de maneira definitiva a causa xudicial contra o alcalde de Caldas de Reis. Este mércores achegámonos ata o concello para coñecer de primeira man como recibiu o rexedor esta noticia.
Arquivado definitivamente a causa xudicial por malversación de fondos contra o alcalde de Caldas de Reis, Juan Manuel Rey, unha noticia que o alcalde caldense recibiu con tranquilidade. Rey ten palabras de agradecemento a todos os seus achegados, veciños e compañeiros de partido. Nun auto emitido o 21 de abril, o organismo xudicial desestima o recurso de apelación que o Fiscal presentara ao dictame do Xulgado de Caldas, que declaraba que se arquivara a causa. Segundo a Audiencia Provincial "nada indica" que o rexedor indicara ao rexedor accidental "a orde de pago dunha multa coercitiva de 600 euros con cargo as arcas públicas". TOTAL O alcalde de Caldas presentouse as urnas no 2015 tras recibir a autorización do seu partido e gañou a alcaldía por maioría absoluta.
Etiquetado como Caldas    juan manuel rey    audiencia provincial    arquivo   
Publicado en SALNÉS - CALDAS
Modificado por última vez no Mércores, 03 Mai 2017 19:24

Artigos relacionados (por etiqueta)

  • O PP esixe un novo céspede para o campo das Corticeiras de Caldas
    CALDAS> O PP provincial urxe ó concello de Caldas e á Deputación de Pontevedra que substitúan o céspede no campo de fútbol das Corticeiras, neste municipio. O terreo de xogo xa ten dez anos e presenta un estado de deterioro moi avanzado. O Partido Popular pediu esta mañá á Deputación de Pontevedra e ó concello de Caldas que se poñan dacordo, pero que algún dos dous asuma a substitución da herba sintética no campo de fútbol das Corticeiras. A voceira do grupo provincial, Nidia Arévalo, a deputada Luisa Piñeiro e o presidente local do partido, Jesús Goldar, reuníronse con varios membros da directovia do club de Caldas para escoitar as súas demandas. Pero tamén, para poñerse a disposición á hora de esixir un terreo de xogo de calidade. Jesús Goldar sinalou que o céspede deste campo de futbol non serve prácticamente para nada. Os populares recordaron que hai dez anos que a Deputación gobernada polo PP colocou herba artificial neste campo, precisamente a vida útil que se garante para un uso intensivo do terreo. como é o caso de Caldas. A Deputada Luisa Piñeiro sinalou que hai zonas do terreo de xogo afundidas. Desde o PP provincial sinalaron que reclamarán nunha nova ocasión compromisos do bipartito cos campos de futbol de toda a provincia incluido o de Caldas.
  • 9 dos 13 acusados recoñecerán os feitos no xuízo por narcotráfico contra "O Mulo"
    Pontevedra> Segunda xornada do xuízo oral conta a banda do Mulo. Hoxe suspendeuse o xuízo para que os letrados teñan tempo de analizar un novo documento que non coñecían. Trátase, supostamente, dunha carta escrita polo propio Mulo onde indica con nomes e apelidos a función que cada un dos acusados tiveron nesa operación onde se incautaron 3500 quilos de cocaína. Con esta proba 9 dos 13 acusados recoñecerán os feitos.
  • Comeza o xuízo contra a banda de "O Mulo" acusados de introducir 3,5 kilos de coca nas costas galegas
    Pontevedra> Hoxe deu comezo, na sección segunda da Audiencia Provincial, a vista oral do xuízo contra os 14 acusados de introducir, en agosto de 2008 nas costas galegas, 3500 quilos de cocaína. Foron 13 os que se presentaron a esta cita onde todas as súas defensas solicitaron a nulidade das intervencións das escoitas telefónicas alegando irregularidades.
  • "Móvete por Mozambique", a carreira solidaria dos alumnos do San Fermín
    caldas> “Móvete por Mozambique”, é o lema da carreira solidaria na que esta mañá participaron os alumnos do Colexio San Fermín de Caldas. A Carballeira do municipio acolleu esta actividade a favor da ONG “Emiliani”. Eles, estudantes do Colexio San Fermín de Caldas, explicábano perfectamente xusto antes de comezar a carreira esta mañá. A Carballeira do concello acolleu esta evento solidario organizado pola Congregación dos Pais Somascos, propietaria deste centro educativo, co obxectivo de doar fondos á súa ONG “Emiliani” para o Fogar de Menores que teñen en Beira, Mozambique. Sobre concienciación coñece ben o Pai Carlos. Despois de ser profesor neste colexio de Caldas, leva xa oito anos dirixindo a casa fogar de Mozambique. E ós rapaces e rapazas de Caldas quedoulle ben claro o obxectivo. E para iso, e poder estar á altura na carreira, houbo que adestrar durante a semana, Os obxectivos deportivos, máis que cumpridos, pero para o máis importante, para o financiamento, tamén foron os cativos os encargados de conseguir ós patrocinadores, e atopáronos moi preto deles.
  • O xerente de Espectáculos Lito garda silencio
    Ángel Martínez Pérez, máis coñecido como Lito, o Rei das verbenas en Galicia, acolleuse esta mañá ó seu dereito a non declarar. Preferiu asígardar silencio ante as acusacións de fraude fiscal da Fiscalía e a Avogacía do Estado, no xuízo celebrado esta mañá na Audiencia Provincial de Pontevedra. Enfróntase a 14 anos de cadea e máis de 53 millóns de euros de multas. Era o momento no que Ángel Martínez Pérez, responsable de Espectáculos Lito e propietario de múltiples orquestras como Panorama, se acollía o seu dereito a non declarar nun xuízo contra él e a súa empresa, por defraudar 9 millóns e medio de euros en dous anos. Era o comezo dunha sesión que se celebraba esta mañá na Audiencia provincial de Pontevedra, despois de que se suspendese ata en dúas ocasións. Os primeiros en declarar foron os peritos da Axencia Tributaria, que explicaron que tódolos datos que conduciron a este xuizo saíron da propia oficina da empresa en Caldas de Reis. Os inspectores de Facenda aseguraron que ó comezar a investigar, comprobaron que se trataba cun claro exemplo de economía sumerxida. Contaron cómo atoparon nas oficiñas de Lito material con anotacións da facturación de 26 millóns de euros correspondentes a 2011, dos cales só declarara dous, os que se facturaran en regra a concellos e televisións. Estes movementos realizábanse con máis de 70 orquestras e 6.500 actuacións en tan só un ano. O 90 por cento, en negro. Pola súa banda o abogado da defensa, centrouse en que a actividade do acusado era de mero representante e intermediario, que non producía nun vendía espectáculos, o que rebaixaría considerablemente os seus ingresos, e as súas obrigas tributarias. Pola sala foron pasando as distintas testemuñas citadas pola Defensa, entre elas, varios axentes de zona. Esta figura era a encargada de ofrecer ós concellos e comisión de festas de cada zona as actuacións para as súas verbenas, levando un dez por cento de comisión. A Fiscalía acusa a Lito e a súa empresa de defraudar 9 millóns e medio de euros entre 2011 e 2012 en Impostos de Sociedades, IVE, e IRPF. O magnate das orquestras galegas enfróntase a 14 anos de prisión e o pago de 53 millóns de euros.
  • O acusado de asaltar unha vivenda vilanovesa asegura que nunca estara en Galicia
    PONTEVEDRA> O acusado dun asalto con violencia a unha vivenda de Baión, en Vilanova de Arousa, sentou esta mañá na bancada da Audiencia Provincial de Pontevedra. O home defendeu en todo momento a súa inocencia, e negou incluso ter estado en Galicia con anterioridade. O 4 de febreiro do 2015 catro persoas asaltaban de xeito violento a vivenda dun empresario en Baión, Vilanova de Arousa. Segundo o relato das vítimas, foi pasadas as 9 e media da noite cando o grupo entrou na casa con pasamontañas, vestidos de negro e con luvas nas mans. Tamén ían armados con coitelos e pistolas. As tres vítimas, un matrimonio e a súa filla, non puideron ver a cara dos asaltantes. Pero o ADN e a pegada que apareceron nas bridas empregadas para atar de pés e mans aos vilanoveses, permitiron sentar hoxe na bancada a un sospeitoso do asalto. O fiscal ve estas probas como contundentes; tamén o feito de que tanto ese día como en xornadas previas, os veciños identificaran nos arredores da casa un vehículo que estaba ao seu nome. O home está acusado de dous delitos de detención ilegal e un de roubo con violencia. Actualmente está en prisión preventiva por esta causa, e a Fiscalía pídelle unha pena de 16 anos e oito meses de prisión. O acusado mantivo a súa inocencia durante toda a vista, e chegou a asegurar que nunca antes estivera en Galicia. A defensa, pola súa banda, pediu a absolución xa que considera que non existen probas contra el. De feito, asegurou que, ao levar luvas os asaltantes, non sería posible que as súas pegadas apareceran nas bridas. Os propietarios cifraron nuns 55.000 euros o valor dos obxectos roubados.
HomeSalnés - CaldasArquivada definitivamente a causa xudicial contra o alcalde de Caldas Top of Page

Síguenos en facebook