09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

O BNG denunciará no Parlamento o desmantelamento do Servizo de Vixilancia Aduaneira

Mai 03 Escrito por 
VILAGARCIA> O BNG e a CIG alertaron este mércores do progresivo desmantelamento, que segundo a súa opinión, está a sufrir o Servizo de Vixilancia Aduaneira en Galicia. Ambas formacións coinciden ao afirmar que o Estado está a eliminar medios na comunidade galega en beneficio de outras zonas como o Levante ou o Estreito.
Menos medios aéreos, náuticos e profesionais cunha idade media elevada para realizar labores de vixilancia, esa é a radiografía que fan dende a CIG do actual Servizo de Vixilancia Aduaneira de Galicia. Unha situación pola que membros do sindicato e do BNG consideran que este servizo está a sufrir un desmantelamento progresivo en favor de outras zonas como Levante ou o Estreito. A esta situación súmase outra a ter en conta, un número importante de profesionais de este servizo atópanse cunha idade media que oscila entre os 57 e os 61 anos. Unha situación para ambas formacións moi grave, e pola que dende as filas nacionalistas levarán ao Pleno do Parlamento de Galicia unha proposición non de lei para o seu debate, relativas as medidas que se deberían tomar para evitar que esta situación empeore. Dende o BNG tamén pedirán unha Oferta Pública de Emprego e exporán unha dúbida relativa a si dende a Xunta teñen coñecemento da intención do Goberno de eliminar o único helicóptero dedicado a estas labores en Galicia.
Etiquetado como Bng    Parlamento Galego    Narcotráfico   
Publicado en SALNÉS - CALDAS
Modificado por última vez no Mércores, 03 Mai 2017 19:34

Artigos relacionados (por etiqueta)

  • O BNG pide a retirada das especies invasoras na praia do Castro
    RIBEIRA> O BNG de Ribeira presentou unha moción solicitando a retirada das especies invasoras na praia do Castro, en Castiñeiras. Trátase dun ecosistema de gran valor pola súa biodiversidade, onde aniña a píllara papuda. A presenza de especies alóctonas vai en aumento no sistema dunar da praia do Castro en Castiñeiras. Chama a atención a proliferación de plantas invarosas como a unlla de gato ou o plumacho da pampa nunha contorna especialmente sensible onde aniña unha especie protexida como a píllara papuda. Os nacionalistas instan á concellería de Medio Ambiente a promover a retirada destas especies favorencendo ademais a implicación da cidadanía a través de campañas de sensibilización e actividades de voluntariado. Dende o BNG critican que se leven a cabo estas accións tan só na illa de Sálvora e no parque natural de Corrubedo polo que piden que se estendan ó resto do termo municipal.
  • O BNG propón investir en transporte público os fondos para o Xantar dos Maiores
    RIBEIRA> O BNG de Ribeira critica que se destine unha partida de corenta e seis mil euros a financiar o xantar dos maiores. Propoñen que se invistan estes fondos en axudas ó transporte público.
  • O BNG pide ó goberno que desenvolva o regulamento de participación cidadá
    POBRA> O BNG da Pobra demanda a posta en marcha do regulamento de participación cidadá aprobado polo concello. A pesar de que o pleno lle dou o visto bo definitivo en marzo, non se ten acometido aínda ningunha actuación para o seu desenvolvemento.
  • O BNG da Barbanza reclama un cambio nas políticas forestais da Xunta
    BARBANZA> Os nacionalistas avogan ademais por un modelo que permita converter ó monte nun espazo xerador de riqueza e emprego, freando de paso o actual abandono do medio rural. A vaga de lumes que afectou a Galicia hai varias semanas fai que o BNG volva a poñer en tela de xuízo a actual política forestal da Xunta. Negando que exista unha trama de terrorismo incendiario, tal e como apuntaban dende o PP, os nacionalistas piden un cambio de modelo, apostando por frear o actual abandono do monte. O BNG presentará moción nos concellos da comarca demandándolle á Xunta unha nova política forestal, para evitar que esta situación volva a repetirse, apostando polo aproveitamento multifuncional do monte, no que se poña coto ó monocultivo de eucalipto, que se realicen as modificacións lexislativas necesarias para darlle valor ó solo forestal ou que se redacte un protocolo de emerxencias para todo o país, ademais de reformularse o servizo de defensa contra os lumes poñendo especial fincapé na prevención.
  • Aprazado o xuízo contra dous Gardas Civís por revelar información secreta a grupos criminais
    PONTEVEDRA> Aprazado o xuízo contra dous gardas civís por filtrar documentación confidencial a narcotraficantes. A vista celebrarase finalmente en xaneiro, aínda que estaba prevista para hoxe na sección cuarta da Audiencia Provincial de Pontevedra. O aprazamento debeuse a cuestión organizativas e técnicas. A Audiencia Provincial de Pontevedra non xulgará ata o 22 de xaneiro de 2018 aos tres acusados de filtrar información clasificada e secreta da Garda Civil a diversos grupos criminais. Entre eles, organizacións dedicadas ao narcotráfico. Dous dos acusados eran axentes do Instituto Armado na Comandancia de Pontevedra. O terceiro, estaba vencellado co narcotráfico. A vista estaba prevista para hoxe, pero finalmente atrasouse por cuestións organizativas e técnicas. A súa celebración complicouse porque un dos avogados do caso é tamén letrado noutro xuízo da Audiencia, no que se xulga o crime de Arbo. Debido a varios retrasos nese proceso, non foi posible realizar varias probas por videoconferencia. Para os dous gardas civís, a Fiscalía de Pontevedra solicita once anos e medio de prisión por un delito continuado de revelación de segredos en concurso medial cun deltido de encubrimento e dun delito contra a intimidade cometido por funcionario público no seo dun grupo criminal. Tamén solicita que sexan suspendidos de emprego durante tres anos, e inhabilitados de xeito absoluto durante outros doce. O terceiro dos acusados, veciños de Vilanova, enfróntase a unha petición de sete anos de cadea, por un delito de revelación de segredos e outro de integración en grupo criminal. O fiscal considera que os tres eran membros dun grupo criminal que tiña por finalidade obter información secreta e datos persoais das investigacións da Garda Civil para pasala despois a terceiras persoas, en moitos casos afectados polas investigacións. Estima que estas prácticas pudieron desenvolverse dende febreiro a xullo de 2013, polo menos.
  • O BNG da Pobra reclama melloras na seguridade viaria na rúa Rafael Dieste
    POBRA> Para os nacionalistas existen numerosos puntos de perigo ó longo desta rúa nos que cómpre actuar. Unha das zonas de maior perigo dáse no cruce entre a rúa Lamas e Andrés con Rafael Dieste, onde a visibilidade é escasa, e os vehículos vense obrigados a invadir carrís de circulación para poder acceder á estrada. Outra das zonas de perigo sitúase na rúa Lápido, ó seu paso a carón do parque Rafael Baixelas, que carece de beirarrúas polo que os peóns que habitualmente transitan por ela vense obrigados a ocupar a zona habilitada para os vehículos. Outro dos problemas de seguridade prodúcese na saída á Rúa Gasset, onde os vehículos teñen que facer o stop en riba dun paso de peóns.
HomeSalnés - CaldasO BNG denunciará no Parlamento o desmantelamento do Servizo de Vixilancia Aduaneira Top of Page

Síguenos en facebook