09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

Os ex socios de Gonzalo Pita sorprendidos ante o novo bipartito de Sanxenxo

Mai 19 Escrito por 
SANXENXO> Os representantes do BNG e do PSOE en Sanxenxo, ou os xa ex socios de Gonzalo Pita a fronte do concello, mostráronse sorprendidos da "boa sintonía" mostrada entre os integrantes da formación popular e Gonzalo Pita. David Otero e Coral González mantiveron esta mañá que a única deslealdade política que houbo foi a mostrada polo actual alcalde Gonzalo Pita, ao aceptar formar parte dun goberno xunto cos populares. David Otero e Coral González, ata hoxe socios de goberno de Gonzalo Pita, mostráronse sorprendidos coa decisión que tomou o alcalde saínte Gonzalo Pita, e admitiron que onte souberon polas redes sociais e pola da edil Vanesa Rodríguez, do que estaba acontecer. Para David Otero o que empezou sendo un rumor, rematou sendo unha realidade. Otero recoñeceu que a falta de lealdade reflíctese na forma de proceder de Gonzalo Pita Para os voceiros nacionalista e a socialista a situación de hoxe non ten que ver coa avenida Luis Rocafort, e admiten que non saben cal é o fondo da cuestión, pero ao seu entender non ten nada que ver, segundo as súas palabras, coa supresión de "vinte prazas de aparcamento".
Etiquetado como bipartito    Sanxenxo    PP    telmo martin    gonzalo pita   
Publicado en SALNÉS - CALDAS
Modificado por última vez no Venres, 19 Mai 2017 19:28

Artigos relacionados (por etiqueta)

  • O "Ana" leva polos aires un treito do paseo da Lanzada, en Sanxenxo
    SANXENXO > Quedou nun susto, pero puido ter graves consecuencias. Un treito duns 30 metros do paseo marítimo da Lanzada saíu voando polo aire. Foi ás 11 da noite e cuns refachos de vento que roldaban os 130 km por hora. Con esa intensidade, a estrutura de madeira acabou atravesando a estrada, dando un xiro polo aire de 180 graos. A esa hora da noite non circulaba ningún vehículo pola PO-308, o que evitou que a incidencia rematase con danos maiores. Esta senda peonil de madeira xa sufrira danos no temporal do pasado mes de febreiro. Daquela, o vento provocara unha situación semellante, o que implicou o reforzo de boa parte do paseo. Dase a circunstancia que sobre o tramo danado onte non se actuara, polo que dende o concello pídenlle á Xunta que se faga unha actuación global. A Xunta anunciou xa unha revisión de toda a estrutura para evitar que se repita un episodio como o desta noite. No resto do concello hai que lamentar caídas de árbores e valados de obra á vía pública. Outra das incidencias destacadas no municipio foi a caída de varias planchas dunha estrutura do campo de fútbol situado ó carón do colexio de Noalla. Con todo, o centro puido funcionar hoxe con total normalidade.
  • O PP presentará unha emenda á totalidade os orzamentos "antisistema" de Lores
    Pontevedra> O Partido Popular de Pontevedra presentará unha emenda á totalidade dos orzamentos para o 2018 do concello. O PP cualificou de antisistema a Lores e dixo que estas contas son as peores dá era do BNG en Pontevedra. Uns orzamentos que se debaterán en pleno este venres 15 de decembro.
  • A reforma de Luis Rocafort, lista para o 22 de decembro
    SANXENXO> As polémicas obras da avenida Luis Rocafort, en Sanxenxo, enfilan o seu treito final. A Deputación agarda que os traballos de humanización poidan inaugurarse o 22 de decembro, trala instalación das árbores nas beirarrúas e o mobiliario urbano. O 22 de decembro é a data fixada pola Deputación de Pontevedra para a inauguración da avenida Luis Rocafort, en Sanxenxo. Telmo Martín amosábase satisfeito cos resultados da obra, que humanizan unha importante vía de acceso e saída á vila. Ao proxecto inicial, súmase agora o acondicionamento dunha parcela de 200 metros cadrados que xa é titularidade municipal. A actuación permitirá a continuidade da beirarrúas nese treito. Os operarios tamén traballan no remate da pavimentación da avenida e a colocación de árbores e mobiliario urbano, para finalizar unha obra de gran importancia para o goberno provincial. Durante a súa visita, Uxío Benítez e Telmo Martín afastáronse da polémica que rodeou hai uns meses estes traballos. O desencontro remataba coa rotura do tripartito que gobernaba o concello e que encabezaba Gonzalo Pita, que entregaría a alcaldía ao popular Telmo Martín.
  • O PP da Pobra pide explicacións pola retirada da placa a Rei Ballesteros
    POBRA> Os populares consideran que se trata duns feitos o suficientemente graves como para ter que dar aclaracións sobre o acontecido. Á espera do informe oficial solicitado á Policía Local, e ante a negativa da propia edil a recoñecer os feitos, o PP pídelle ó equipo de goberno aclaracións sobre todo o acontecido, para así poder esixir responsabilidades a quen corresponda. Para eles trátase dun caso o suficientemente grave como para ter que dar explicacións. Ante esta situación, o PP tamén decidiu interesarse no Consello Consultivo ó respecto dos trámites realizados polo equipo de goberno de cara ó nomeamento do escritor coma fillo adoptivo da Pobra. Atopándose con algunha que outra sorpresa.
  • O PP de Pontevedra considera que o Goberno fixo un Black Friday co rural
    Pontevedra> Os que non están tan conformes con estes orzamentos son os concelleiros do Partido Popular. O voceiro do PP en Pontevedra dixo que se tratan dun orzamentos que financian proxectos do pasado pero que non teñen nunha visión de futuro. Jacobo Moreira, cree ademais, que o Goberno Local fixo un black Friday co rural pontevedrés cunha redución en inversión, di, de máis do 52 por cento.
  • O PP denuncia o peche prolongado do Museo Valle-Inclán
    POBRA> O PP da Pobra denuncia que o museo Valle Inclán leva pechado dende comezos de mes. Instan ó goberno local a cubrir a baixa do director e cubrir a praza de auxiliar que xa se convocou no verán.
HomeSalnés - CaldasOs ex socios de Gonzalo Pita sorprendidos ante o novo bipartito de Sanxenxo Top of Page

Síguenos en facebook