• Facebook
  • Twitter
  • Rss
  • Plus

Os Cruceiros Costeiros de Galicia amplían a súa oferta

Xul 19 Escrito por 
SANXENXO> Este mércores presentáronse en Sanxenxo as novas ofertas dos "Minicruceiros costeiros polas Rías de Galicia" para esta campaña 2017-2018. Un acto ao que asistiron numerosas personalidades políticas e empresariais.
"Minicruceiros costeiros polas Rías de Galicia", ese é o nome da proxecto que este mércores se presentou en Sanxenxo, e que se engloba dentro da iniciativa Cruceiros Costeiros de Galicia. Unha iniciativa que xorde para promocionar as rías galegas e os seus portos. Este proxecto está impulsado pola Xunta de Galicia, a través de Portos de Galicia, en colaboración con Turismo de Galicia e a Asociación de Actividades Náuticas. Toda unha oportunidade para promocionar os portos e a costa galega, como sinalou a directora de Turismo de Galicia, Nava Castro. Catro propostas e seis itinerarios diferentes constitúen a oferta para este 2017/2018. Todos aqueles que se animen a realizar algunha das opción que se ofertan poderán coñecer recunchos de Galicia, como o Parque das Illas Atlánticas ou realizar o traxecto que fixeron os restos do Apóstolo Santiago. Para os que queiran saber un pouquiño máis, poden consultar a páxina web www.nauticdestination.org.

Medios

Publicado en SALNÉS - CALDAS
Modificado por última vez no Mércores, 19 Xullo 2017 18:56

Artigos relacionados (por etiqueta)

  • Sanxenxo, primeiro concello de Galicia para turistas dixitais
    SANXENXO> Sanxenxo é xa o primeiro municipio galego en contar con sinalización intelixente para os turistas. Unha iniciativa pioneira en Galicia que permite ó usuario coñecer toda a información do punto turístico onde se atopa, a través dunha aplicación móbil que non precisa, conexión a internet. Con só descargar unha aplicación, Inventrip, pódese planificar unha viaxe no móbil en tan só tres pasos. O primeiro ,crear unha axenda de viaxe, organizada en carpetas por días, restaurantes, roteiros…Ademais de navegar e seleccionar lugares a visitar. E a partir de xa isto é unha realidade en Sanxenxo. Trátase do primeiro concello galego en contar con esta sinalización turística intelixente, que se presentou esta mañá. De momemnto haberá 5 puntos no concello onte conectarse, pero agárdase ir aumentando a información dos lugares máis turísticos. A intención de converter Sanxenxo en destino turístico intelixente supón aumentar a competitividade, mediante un maior aproveitamento dos seus atractivos, a creación de recursos innovadores, e unha distribución que finalmente impulse o desenvolvemento sostible e facilite a interacción co visitante. O único que hai que facer para desfrutar desta tecnoloxía e ser un turista dixital é descargarse a aplicación: inventrip no seu dispositivo móbil.
  • Portos acometerá diversas actuacións de mellora no peirao de Palmeira
    RIBEIRA> As actuacións, entre as que figura a substitución dun dos módulos do dique flotante que se atopaba deteriorado, terán un custe duns 30 mil euros. Atendendo a unha demanda trasladada polo patrón maior, Miguel Franco, Portos de Galicia desenvolverá diversas obras de mellora nas instalacións do porto de Palmeira. Trátase, en definitiva, de pequenas actuacións propias dos labores de mantemento e conservación que o ente autonómico vén desenvolvendo de xeito periódico nas instalacións portuarias. As actuacións, que serán realizadas de inmediato, contarán cun investimento duns 30 mil euros.
  • Os turistas encantados coa prolongación do "veranillo" de San Miguel
    SANXENXO> As altas temperaturas e a falta de auga deste comezo de outono son prexudiciais para algúns sectores, outros en cambio asisten encantados a esta prolongación do verán. É o caso do turismo, tal e como puidemos comprobar esta mañá en Sanxenxo. Parece que San Miguel está sendo xeneroso de máis co veranillo deste ano. Pleno outono, e na Praia. Os termómetros dalgunhas localidades das Rías Baixas chegaron a marcar estes días o 30 graos. Aínda que para moitos a falta de auga é mala noticia, o certo é que esta prolongación do verán que estamos vivindo está sendo moi positiva para aqueles que viven do turismo. Esta fin de semana, o bo tempo, as potencialidade que ofrecen as Rías Baixas, e a coincidencia coa festa do Marisco do Grove, deixouse notar na ocupación hoteleira. Contentos os hostaleiros, e contentos, no pequeño comercio. Pero os que máis gozan sen dúbida destas temperaturas e do sol, os que teñen o tempo libre para desfrútalo, os turistas. Aínda que tamén existe certa preocupación polos cambios de temperaturas que estamos a vivir . Todo apunta a que esta próxima fin de semana, co gallo da ponte festiva do Pilar, os hoteis volv¡erán colgar o cartel de completo. E ademáis, parece que a cousa seguirá así por un tempo, porque dende Meteogalicia anuncian que non se agardan chuvias ata a segunda quincena deste mes.
  • 'Sanxenxo Independentes', o xermolo do novo partido de Vanessa Rodríguez
    SANXENXO> Nace Sanxenxo Independentes, unha plataforma que xorde da crise interna de SAL tras abandonar Gonzalo Pita o goberno da vila. A edil Vanessa Rodríguez é a súa cara visible, aínda que asegura que con ela hai moita xente que se sumou a este proxecto. Aínda que nace como un grupo de veciños, non desbotan conformar un partido para concorrer as vindeiras eleccións do 2019. Sanxenxo Independentes é o nome baixo o que a edil Vanessa Rodríguez quere dirixir o seu futuro na política da vila. Non está soa, xa que este proxecto aglutina a moitos dos que foran membros de SAL, descontentos coa decisión de Gonzalo Pita de deixar a alcaldía e entregar o goberno ao popular Telmo Martín. Trala rotura de SAL, Rodríguez mantivo a súa acta como concelleira non adscrita. Polo de momento, Sanxenxo Independentes non é unha partido político, aínda que non desbotan tomar ese camiño. Sobre a situación actual da política en Sanxenxo, Rodríguez foi crítica coa xestión do alcalde Telmo Martín. Para a edil, Martín é un 'rexedor escaparate'. Polo de momento, a súa intención é traballar cos veciños. Dende hoxe está activo o seu perfil no Facebook, que agardan sirva coma canle de comunicación e para expoñer as súas ideas e novas interesantes para o concello de Sanxenxo.
  • Portos retira sete toneladas de refugallo dos fondo mariños de O Grove e Vilanova
    VILANOVA> O Plan de Limpeza de Fondos Mariños, que anualmente realiza Portos de Galicia, centrouse este ano en cinco concellos, entre os que estaban Vilanova e O Grove. En concreto entre as intervencións nos fondos de estes dous concellos retiráronse más de sete toneladas de lixo.
  • A Nao Victoria atraca a súa historia en Sanxenxo
    SANXENXO> Un anaco do século XVI atracou hoxe no Porto Deportivo de Sanxenxo. Este mediodía chegou ao Xoan Carlos I a Nao Victoria, o barco de Fernando de Magallanes que deu a primeira volta ao Mundo. A que descansa na dársena de Sanxenxo é unha réplica da histórica embarcación, que estará aberta ao público durante catro días. O 8 de setembro de 1522, unha tripulación de dezaoito homes baixo o mando de Juan Sebastián Elcano, voltaba ao seu porto base na Nao Victoria. Facíano tres anos despois da partida, e tras completar a primeira volta ao mundo. Hoxe, unha réplica desta histórica embarcación arribou ao Porto Deportivo de Sanxenxo. Un barco moito máis novo, pero tamén con traxectoria propia. Este ano, a Nao Victoria chega a Sanxenxo despois de percorrer o norte de Europa ata Alemaña. Os que a visiten, poderán coñecer como era a vida da tripulación orixinal, e como é a da que navega hoxe en día nesta réplica. O barco está aberto ás visitas ata o domingo, dende as 10 da mañá ata as 8 da tarde. A entrada ten un custo de 4 euros para os adultos e de 2 para os nenos de 5 a 10 anos. Os menores de 5, poderán visitalo gratis.
HomeSalnés - CaldasOs Cruceiros Costeiros de Galicia amplían a súa oferta Top of Page

Síguenos en facebook