09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

O concello de Caldas cederá un local ás mulleres embarazadas

Set 13 Escrito por 
CALDAS> Insalubres e tercermundistas, así definen as mulleres embarazadas de Caldas de Reis, as instalacións nas que reciben o servizo da matrona. Levan anos sendo atendidas na antiga escola taller, ante a falta de solucións por parte do Serga. Esta mañá esixiron unha reunión urxente coa Consellería, contando co apoio do alcalde da localidade . É a descrición de só algunha das situación que padecen a diario as mulleres embarazadas de Caldas de Reis cando asisten ó servizo de matrona, desde hai anos ubicado na antiga escola taller. O deterioro do espazo é evidente nada máis entrar. Levan nove anos denunciando as pésimas condición nas que se atopa o local, e que segundo nos explicou esta mañá unha representante das mulleres, poden chegar a causar graves problemas ás pacientes. A esta situación, únese a falta de matrona titular en Caldas de Reis. As mulleres compareceron esta mañá acompañadas polo alcalde da vila, Juan Manuel Rey ,que se comprometeu a ceder desde este momento, como solución provisional, unha sala do centro comarcal da Tafona, con mellores condicións de salubridade. A través do alcalde, as mulleres solicitarán unha reunión de urxencia con responsables do Sergas. O acto rematou coa sinatura do propio alcalde apoiando a causa. De momento levan recollidas 2.140 firmas por “un embarazo digno” que entregarán no consistorio. Aínda que a elas lles quedan poucos días como embarazadas, aseguran que seguirán loitando polos dereitos das mulleres que veñan detrás.

Medios

Etiquetado como Caldas    matrona    embarazadas    escola taller    problemas salubridad    Sergas    juan manuel rey   
Publicado en SALNÉS - CALDAS

Artigos relacionados (por etiqueta)

  • A familia de Yanin Búa prepara o seu segundo memorial solidario
    CALDAS> Caldas repite homenaxe solidaria a unha das súas veciñas. O concello vén de colaborar coa familia de Yanin Búa para poñer en marcha por segundo ano o seu memorial, que buscan converter nun recordo e nun acto para recadar fondos que permitan loitar contra a enfermidade. De feito, todo o recadado destinarase á Asociación Española Contra o Cancro de Pontevedra. A familia de Yanin Búa mantén a aposta de converter a súa memoria nunha loita contra a enfermidade. Este ano repetirán o memorial que celebraron o ano pasado por primeira vez, converténdoo nunha cita cunha ampla programación para atraer a todos os caldenses. A marcha solidaria pola ruta da Fábrica da Luz será unha das actividades estrela. A inscrición ten un custo de dous euros, e a día de hoxe xa hai máis de 100 persoas inscritas. A organización tamén vende camisetas por seis euros. Todo o recadado destinarase á Asociación Española contra o Cancro de Pontevedra. Na actualidade xa roldan as 400 camisetas vendidas. Agardan que a cita deste ano supere a excelente acollida que xa tivo o memorial do ano pasado, co obxectivo de que a loita da caldense Yanin Búa non caia no esquecemento e axude a outras moitas persoas neste camiño.
  • Os comuneiros alertan do perigo dunha mala rexeneración
    CALDAS> Tralos lumes do pasado domingo, os comuneiros alertan do perigo de rexenerar o monte sen control. Lembran que unha acción sen supervisión poder acabar producindo problemas ecolóxicas a longo e medio prazo. Esta mañá estivemos co presidente da Mancomunidade de Montes de Saiar, en Caldas, unha das zonas máis afectadas polos incendios. O foco de lume orixinado en Saiar, Caldas, arrasou a noite do domingo cunhas 300 hectáreas de zona forestal da súa comunidade de Montes. Por sorte, non houbo que lamentar danos persoais nin materiais, pero todo este patrimonio natural quedou totalmente asolado. Ahora hai que pensar no mellor e máis eficientes xeito de proceder á súa rexeneración, porque aquí, tampouco, vale todo. Tal e como nos explicou esta mañá o presidente da Comunidade de Montes de Saiar. Para eles, agora mesmo o máis prioritario é intentar salvar a madeira que quedou tralo paso do lume. Agardan que a autorización chegue a próxima semana. Un documento que vén acompañado de varias indicacións para que o traballo se faga baixo control. Á espera de recibir a autorización da xunta, os comuneiros agardan tamén a convocatoria das axuda da administración autonómica, para poder recuperar as 300 hectáreas e recuperar o monte, un ano máis.
  • Os festivos locais a consulta popular en Cuntis
    CUNTIS> O concello de Cuntis volve dar mostra da súa cultura democrática facendo partícipes ós seus veciños das decisións que se toman no consistorio. Nesta ocasión o motivo da consulta popular que se está a realizar, desde onte e ata o xoves. son os festivos locais. E como é habitual con este tipo de cuestións, aquí, tampouco hai consenso . Son algunhas das datas que se inclúen na papeleta coa que desde onte os veciños de Cuntis poden participar na Consulta Popular sobre os festivos locais para o 2018. E como ven, preguntando ós veciños do concello, non atopamos consenso. Na papeleta hai tres opcións, máis unha libre na que os cidadáns poden poñer outra preferencia. A votación comezou onte, e os veciños teñen ata o xoves a mediodía, para expresar a súa preferencia nas urnas ubicadas no concello e na oficina de Turismo, ou ben facelo telemáticamente. Non era a primeira vez que empregan este tipo de sistema para tomar decisións, xa o fixeron, telematicamente, para elixir a imaxe da oficina de Turismo, así como cos orzamentos participativos, onde poden opinar os veciños. E eles, encantados de facelo . Aínda, que non todos o ven do mesmo xeito. Haberá que agardar ó xoves, cando pechen as urnas e se contabilice o resultado, para coñecer qué días descansarán o próximo ano estes veciños. Aínda que algúns, de momento, teñan as súas dúbidas sobre a noticia…
  • O PP esixe un novo céspede para o campo das Corticeiras de Caldas
    CALDAS> O PP provincial urxe ó concello de Caldas e á Deputación de Pontevedra que substitúan o céspede no campo de fútbol das Corticeiras, neste municipio. O terreo de xogo xa ten dez anos e presenta un estado de deterioro moi avanzado. O Partido Popular pediu esta mañá á Deputación de Pontevedra e ó concello de Caldas que se poñan dacordo, pero que algún dos dous asuma a substitución da herba sintética no campo de fútbol das Corticeiras. A voceira do grupo provincial, Nidia Arévalo, a deputada Luisa Piñeiro e o presidente local do partido, Jesús Goldar, reuníronse con varios membros da directovia do club de Caldas para escoitar as súas demandas. Pero tamén, para poñerse a disposición á hora de esixir un terreo de xogo de calidade. Jesús Goldar sinalou que o céspede deste campo de futbol non serve prácticamente para nada. Os populares recordaron que hai dez anos que a Deputación gobernada polo PP colocou herba artificial neste campo, precisamente a vida útil que se garante para un uso intensivo do terreo. como é o caso de Caldas. A Deputada Luisa Piñeiro sinalou que hai zonas do terreo de xogo afundidas. Desde o PP provincial sinalaron que reclamarán nunha nova ocasión compromisos do bipartito cos campos de futbol de toda a provincia incluido o de Caldas.
  • "Móvete por Mozambique", a carreira solidaria dos alumnos do San Fermín
    caldas> “Móvete por Mozambique”, é o lema da carreira solidaria na que esta mañá participaron os alumnos do Colexio San Fermín de Caldas. A Carballeira do municipio acolleu esta actividade a favor da ONG “Emiliani”. Eles, estudantes do Colexio San Fermín de Caldas, explicábano perfectamente xusto antes de comezar a carreira esta mañá. A Carballeira do concello acolleu esta evento solidario organizado pola Congregación dos Pais Somascos, propietaria deste centro educativo, co obxectivo de doar fondos á súa ONG “Emiliani” para o Fogar de Menores que teñen en Beira, Mozambique. Sobre concienciación coñece ben o Pai Carlos. Despois de ser profesor neste colexio de Caldas, leva xa oito anos dirixindo a casa fogar de Mozambique. E ós rapaces e rapazas de Caldas quedoulle ben claro o obxectivo. E para iso, e poder estar á altura na carreira, houbo que adestrar durante a semana, Os obxectivos deportivos, máis que cumpridos, pero para o máis importante, para o financiamento, tamén foron os cativos os encargados de conseguir ós patrocinadores, e atopáronos moi preto deles.
  • Arquivada definitivamente a causa xudicial contra o alcalde de Caldas
    CALDAS> A Audiencia Provincial de Pontevedra arquiva de maneira definitiva a causa xudicial contra o alcalde de Caldas de Reis. Este mércores achegámonos ata o concello para coñecer de primeira man como recibiu o rexedor esta noticia.
HomeSalnés - CaldasO concello de Caldas cederá un local ás mulleres embarazadas Top of Page

Síguenos en facebook