09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
BOIRO> Segundo o alcalde a boa xestión levada a cabo nestes anos posibilitou reducir considerablemente a débeda e mellorar tamén o pago a provedores. No último pleno o equipo de goberno deu conta da liquidación do pasado exercicio 2016. O resultado orzamentario a final de ano deu novamente un resultado positivo, superando o millón de euros. Segundo o alcalde, Xoán Xosé Dieste, trátase do sexto ano consecutivo no que se acada remanente positivo, aforro neto positivo e superavit. Onde van segundo el aqueles anos nos que o Concello tiña unha débeda que se superaba os 20 millóns de euros. Isto ademais conseguiuse sen incumprir un dos seus compromisos cando chegou á alcaldía. Non subir ningún imposto nin taxa municipal nestes oito anos. Grazas ó remanente positivo do ano pasado, máis dun millón de euros, o Concello poderá emprender importantes actuacións, como é o caso da recuperación ambiental do estuario do río Coroño_na súa terceira fase, a urbanización da rúa Francisco del Río ou a mellora do abastecemento de auga á parroquia de Bealo.
RIBEIRA> Os datos presentados na memoria anual do Tribunal Superior de Xustiza de Galicia deixaron patente a sobrecarga de traballo que se dá nos xulgados ribeirenses. Hai varios meses durante a visita que realizaba ó xulgado ribeirense o conselleiro de Presidencia, Administracións Públicas e Xustiza, Alfonso Rueda, este mesmo se pronunciaba ó respecto da necesidade dun cuarto xulgado. Segundo el todo dependería do grao de traballo no momento en que se coñecese o número de novas sedes xudiciais correspondentes a Galicia. Unha posibilidade que agora, ó coñecerse a memoria anual do Tribunal Superior de Xustiza de Galicia, volve a cobrar forza. É máis o rexedor ribeirense xa se puxo mans á obra para intentar acelerar a súa posta en marcha.
BOIRO> O rexedor boirense gabou o labor realizado polos traballadores municipais durante as pasadas festas. As críticas vertidas dende o BNG referidas á falla de limpeza das rúas e o deficiente servizo de recollida de lixo, especialmente durante as pasadas festas do verán, non foron ben recibidas no executivo, ó considerar que non se axustaban á realidade. Tanto o alcalde, Xoán Xosé Dieste, coma o coordinador de Servizos, Nacho Pérez, negaron tales críticas, afirmando que si se realizou un bo traballo, reforzando e mesmo incrementado considerablemente o servizo prestado. Dende o Concello apuntouse a que se trata dunhas críticas inxustas e desafortunadas por parte do BNG, que provocaron un gran malestar nos propios traballadores municipais. O alcalde aproveitou tamén a ocasión para agradecer precisamente o traballo que realizan os operarios municipais. Un traballo que en numerosas ocasións non é recoñecido.
BOIRO> Dieste negou que se producira unha tala de árbores indiscriminada e segundo el a actuación porá fin a numerosos focos de vertidos urbanos. Sen querer entrar en polémicas, o alcalde aludiu á enorme importancia desta actuación amplamente demandada, cun presuposto que supera os dous millóns de euros. Segundo el, con ela ponse fin a un problema de numerosos focos de vertidos urbanos que van parar ó mar, corrixindo eivas existentes na rede xeral realizadas por goberno anteriores. Por esta razón non entende a polémica que está a suscitar a obra, principalmente por parte dalgúns grupos da oposición, ó considerar que se trataba dun atentado ecolóxico, coa tala indiscriminada de árbores autóctonas que se atopan neste bosque de ribeira. O alcalde referiuse tamén ó que significará no futuro este proxecto que leva aparellado a construción dun espazo verde, que incluirá unha pasarela de madeira, un pequeno merendeiro e unha senda peonil ata a praia de Barraña. A actuación súmase as numerosas obras realizadas nos últimos anos en materia de saneamento achegados tanto con fondos propios coma procedentes doutras Administracións, cun investimento próximo ós dez millóns de euros, de cara a renovar a obsoleta rede xeral.
SANXENXO> Telmo Martín volverá a ser alcalde de Sanxenxo despois de que esta mañá firmase un acordo de goberno co partido que encabeza Gonzalo Pita, actual alcalde da vila. Un novo goberno bipartito, no que previsiblemente non participará a actual edil de Seguridade Cidadá, Vanesa Rodríguez. Telmo Martín volverá a primeira liña da política municipal de Sanxenxo ao suceder a Gonzalo Pita a fronte da alcaldía. Despois de que o líder do SAL anunciase que deixaba a alcaldía, o popular Telmo Martín recoñecía a súa honestidade e a valentía de Pita para asinar un pacto co PP de Sanxenxo, que garantise unha estabilidade para a vila. Martín sinalou que Pita non será tenente de alcalde, senón que será un "vicealcalde". Ambos partidos asinaron esta mañá un acordo de goberno no que se comprometeron a traballar en prol de diferentes proxectos moi importantes para a vila. Logo do rebumbio informativo na Casa do Concello... na rúa, como sempre, opinións para todos os gustos. Dado o momento político no que nos atopamos o acordo asinado entre as dúas formacións inclúe no punto 16 un pacto anticorrupción que sinala que a coalición romperá si nalgún momento algún concelleiro das súas agrupacións se lle abre xuízo oral por corrupción.
Publicado en SALNÉS - CALDAS
Pontevedra> Os alumnos de cuarto de primaria do colexio Vidal Portela, de Pontevedra, convertéronse en xornalistas por un día. O alcalde recibiunos na sala de prense e alí tivo que someterse a un cuestionario de preguntas que tiñan preparadas estes estudantes. Os orzamentos, os parques infantís ou os lombos foron algún dos temas que saíron a palestra. Nunha xornada onde a sala de prensa do concello se converteuse, por un día, no plató de tengo unha pregunta para usted.
Publicado en PONTEVEDRA
BARRO> A deputada provincial, Eva Villaverde, acompañou esta mañá ó alcalde de Barro, Xosé Manuel Fernández Abraldes, a realizar a primeira entrega do composteiro comunitario do concello. Desde que comezou a funcionar, en setembro pasado, leva tratadas oito toneladas de residuos. O composteiro comunitario de Barro leva en funcionamento desde comezos de setembro pasado. E hoxe tivo lugar o último proceso desta primeira quenda, o cribado do compós e a primeira entrega, tanto ós veciños que pariticparon depositando a súa materia orgánica, como á Escola Infantil do municipio. Nesta primeira criba, foron testemuña tanto o alcalde, como a Deputada Provincial Eva Villaverde, que puxo en valor o plan Revitaliza da Deputación que está a levar este tipo de transformación de residuos ós concellos pontevedreses. Desde que comezou a funcionar en setembro, o composteiro comunitario leva tratadas oito toneladas de residuos. Xosé Manuel Fernández Abraldes. suliñou que o o compromiso do concello de Barro con este sistema de tratamento dos residuos orgánicos continuará adiante, por diversos motivos . Ó contrario que está a acontecer noutros concellos, en Barro os veciños, segundo afirma o alcalde, están recibindo estes composteiros comunitarios de forma moi positiva. O rexidor animou a que co tempo as casas do rural do municipio opten tamén pola instalación de composteiros particulares.
Publicado en SALNÉS - CALDAS
Pontevedra> O alcalde de Pontevedra tivo unha reunión especial nesta xornada. Os alumnos de primeiro de educación infantil visitaron as instalacións do concello e tiveron a oportunidade de falar co alcalde. Lores faloulles sobre as similitudes que hai entre un cole e un concello e tamén respostou a todas as preguntas que, estes pequenos xornalistas, tiveron nesta xornada.
Publicado en PONTEVEDRA
RIBEIRA> O alcalde de Ribeira agarda que antes do mes de xuño esté en funcionamento a nova lonxa de Ribeira. Fixo o anuncio esta mañá ó tempo que afirmaba sentirse sorprendido polas críticas do BNG respecto do proceso adxudicatario do servizo.
NOIA> A oposiciónde Noia esixe a dimisión inmediata do alcalde, Santiago Freire, ante a gravidade das súas palabras no acto institucional polo Día Internacional da Muller. PSOE, BNG e Marea Cidadá de Noia aseguraron esta mañá que o contido foi “marcadamente machista” e anunciaron a petición dun pleno extraordinario para reprobar as palabras do alcalde.
NOIA> Trala comparecencia conxunta da oposición de Noia, un equipo desta casa puido falar co alcalde de Noia para coñecer de primeira man a súa valoración da polémica que desataron as súas palabras. Admite que os chistes pudieron ser desafortunados, pero asegura que dimitir non entra nos seus plans.
NOIA> Polémica no concello de Noia tralas palabras do alcalde durante o discurso institucional no acto de homenaxe ás mulleres polo día Internacional da Muller. Santiago Freire realizou tres chistes machistas que a oposición cualifica como inaceptables. O mandatario enviou un comunicado esta mañá pedindo perdón polas súas desafortunadas palabras.
Páxina 1 de 2
HomeSalnés - CaldasMostrando artigos por etiqueta: Alcalde Top of Page

Síguenos en facebook