09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
VILAGARCÍA> Continúa o cruce de acusacións entre o concello de Vilagarcía e a Confraría de Carril. Esta tarde, o patrón maior valorou o encontro mantido onte en Ravella. Para José Luis Villanueva, a actitude do goberno local foi decepcionante e vergoñenta, e teme que esta situación poña en perigo a consideración de Interese Turístico de Galicia. Agora a organización está pendente da decisión de Portos de autorizar ou non a celebración. A reunión do lunes en Ravella só serviu para alonxar aínda máis as posturas de Confraría e Concello. Para o Patrón Maior, foi un fracaso, que ve como un ataque á organización da Festa da Ameixa e ao pobo de Carril. Para Villanueva, coa súa actitude o alcalde busca culpalos dun erro do seu goberno. Ademais, asegurou temer que esta situación poña en perigo a consideración de Interese Turístico de Galicia da Festa da Ameixa. Iso si, non se plantexan mudar a cita de data. Denuncian, ademais, que no encontro non se valoraron as súas propostas, que pasaban por pedir apoio externo para poder celebrar a festa a fin de semana do 19 e 20 de agosto, e por manter unha reunión a tres bandas con Portos de Galicia na procura dunha solución. Villanueva tamén acusou ao goberno local de non apoiar a Festa da Ameixa. O patrón apuntou que este ano conta cun orzamento de máis de 110.000 euros sen axudas municipais. O ano pasado, a achega local foi só de 3.500 euros. Pola contra, o Festival das Revenidas, asegurou, recibiu 17 mil. Sobre as declaracións da voceira do goberno, para Villanueva son unha mostra de que xa no mes de xaneiro non contaran coa Festa da Ameixa, xa que decidiran celebrar tanto As Revenidas como o Combate Naval na fin de semana do 19 e 20 de agosto.
Publicado en SALNÉS - CALDAS
VILAGARCIA> Carmela Silva aproveitou a súa visita a Vilagarcía para coñecer en primeira persoa o terreo no que esta semana está previsto que se comece a obrar a nova gardería municipal de Vilaxoán.
Publicado en SALNÉS - CALDAS
O servizo “Vaibus” de Vilagarcía amplíase ó Hospital Comarcal do Salnés a partir de maio. Os cidadáns contarán con cinco viaxes de ida e outros tantos de volta, de luns a venres, en horario de mañá. É unha demanda histórica da veciñanza de Vilagarcía, un servizo de autobuses desde o centro da cidade ata o hospital do Salnés, cunha frecuencia regular. A partir de maio isto será unha realidade. O concello vén de chegar a un acordo coa empresa transportista Benito Abalo, para extender o servizo “Vaibús” ata o centro hospitalario. O concello e a compañía de autobuses chegaron a un acordo para incrementar 5 viaxes de ida e de volta. O transporte será un microbús que fará cinco viaxes, de ida e volta, presumiblemente de luns a venres pola mañá, aínda que os horarios aínda non están decididos. O acordo acaba de pecharse pero non será efectivo ata o mes de maio, cando se aproben definitivamente os presupostos municipais, que inclúen unha partida de 25.000 euros para este novo servizo. Desde o concello aseguran que seguirán insistindo á Xunta de Galicia para que se implique neste servizo de transporte que considera básico para a cidadanía. Con independencia de que nun futuro se decida establecer un bono, como acontece co programa Vaibús urbano, o transporte en autobús ó Hospital do Salnés funcionará ó comezo con billetes individuais,que terán un prezo de 1,35 euros cada traxecto. Entrada. Servizo Autobús Vilagarcía Hospital 2. A creación deste servizo de autobuses era unha petición histórica dos cidadáns de Vilagarcía, que ata o momento contaban só con dous traxectos ó día unindo a cidade co Hospital comarcal do Salnés. Esta mañá achegámonos ás portas do centro hospitalario para coñecer cómo recibiran a noticia os pacientes da zona. A noticia do novo servizo, que traerá cinco viaxes ó día, foi recibida ás portas do hospital como algo máis ca necesario. Para os pacientes do Hospital que teñen que desprazarse desde Vilagarcía, o aumento do servizo de autobuses contribuirá tamén a mellorar un dos grandes problemas cos que conta este centro sanitario, a falta de aparcamento para os coches particulares. Aínda que a idea foi moi ben recibida, para algúns dos futuros usuarios, o prezo, 1,35 euros, tería que verse reducido, sobre todo para algúns sectores da sociedade.
Publicado en SALNÉS - CALDAS
Publicado en portada
VILAGARCIA> Os veciños do lugar do Pedroso, en Bamio- Vilagarcía, séntense discriminados. O Concello fixo unhas beirarrúas por este lugar deixando o último treito sen cubrir disque por falta de orzamento. Os veciños reclaman que se completen as beirarrúas, alomenos nun do lados desta calzada altamente perigosa.
Publicado en SALNÉS - CALDAS
HomeSalnés - CaldasMostrando artigos por etiqueta: Concello Vilagarcía Top of Page

Síguenos en facebook