• Facebook
  • Twitter
  • Rss
  • Plus
RIBEIRA> Douscentos deportistas de diferentes nacionalidades participan no campamento de Taekwondo Soño Olímpico que se celebra estes días no Cámping Ría de Arousa en Ribeira. Esta tarde recibiron a visita da secretaria xeral para o Deporte quen se sumou ós adestramentos da man da elite internacional deste deporte.
RIANXO> O concello de Rianxo vén de entregar unha pá de fibra de carbono ó piragüista Adrián Mosquera. Deste xeito pretenden recoñecer os importantes éxitos acadados polo deportista rianxeiro e apoialo de cara ó campionato europeo que disputará a próxima semana en Bulgaria.
VILAGARCÍA> Marcos Rodríguez e Yerai Couñago xa son oficialmente xogadores do Arosa dende comezos de esta semana, cando se realizou a presentación ante os medios de comunicación, na que ambos se fotográfiaron coa camiseta arlequinada.
Publicado en DEPORTES
Venres, 30 Xuño 2017 17:12

O CD Boiro deixa de ser equipo de 2ªB

BOIRO> Ó final cumpríronse os peores dos pronósticos e materialízase o descenso do Club, ó non satisfacer a directiva o pago da débeda cos xogadores. Pouco despois das doce do mediodía, hora fixada para o remate do prazo, a Asociación de Futbolistas Españoles, a AFE, comunicaba oficialmente que o CD Boiro non fixera efectivo o pago das débedas contraídas cos seus xogadores, uns 94 mil euros, polo que se procedía ó descenso automático de categoría. Pouco tempo despois a propia páxina oficial do club e nas propias redes sociais confirmábase a peor das novas. O Boiro non xogará o ano que vén na 2ªB a pesar de que lograra a permanencia na categoría. A nova caeu coma unha bomba en Boiro, xa que ninguén se imaxinaba o descenso do Club. Despois dun ano na categoría de bronce, os boirenses xogarán con toda probabilidade na Terceira.
CAMBADOS> O II Triatlón Popular de Cambados colga o cartel de cheo. Uns 200 triatletas participarán nesta proba que terá lugar o vindeiro sábado 24 de xuño.
Publicado en SALNÉS - CALDAS
POBRA> Entre as actividades ofertadas destaca o obradoiro de conciliación ‘Móvete’, destinado a nenos dos tres ós doce anos. O programa deseñado polo departamento de Deportes pobrense para este verán inclúe actividades do máis variado, dirixidas a tódalas idades, dende os máis pequenos ata os adultos, desenvolvéndose nas instalacións deportivas municipais, na praia de Cabío ou noutras zonas do entorno natural do Concello. Como en anos anteriores a programación estará dividida en varios apartados: escolas deportivas de clubs, actividades para adultos, actividades no mar e na praia ou competicións deportivas nas que se incluirán o torneo de fútbol praia 3x3, o torneo de xadrez, a regata de traíñas bandeira Concello da Pobra ou a milla urbana nocturna, entre outras. A maiores tamén se ofertarán os obradoiros de conciliación ‘Móvete’, destinados a nenos dos tres ós doce anos. Dende o Concello animan a participar nas actividades. Para máis información os interesados poden dirixirse ó Departamento de Deportes pobrense cuxas oficinas atópanse ubicadas na casa de Cultura Raquel Fernández Soler
PONTEVEDRA> Pontevedra segue a ser o berce de numerosas probas deportivas. Este domingo nacerá na cidade a 4 Picos Road Clásica Evaristo Portela. Unha marcha cicloturista que busca que os participantes gocen do entorno sen competir. O percorrido completo chegará aos 138 quilómetros e xa hai máis de 500 inscritos. A 4 Picos Road Clásica Evaristo Portela estréase este domingo en Pontevedra. Unha nova marcha cicloturista que nace para redondear a marca 4 picos. Nesta festa do ciclismo os participantes poderán escoller ata tres distancias diferentes. E é que a intención da organización é que sexa accesible para todos os públicos. Nesta primeira edición participarán 510 persoas, entre elas ciclistas de renome como Moisés Dueñas, Álvaro Pino ou Javier Guillén. Tamén estará o gañador do Tour de Francia Óscar Pereiro. A saída da proba darase de xeito neutralizado ás 9 da mañá do domingo dende a Avenida Montero Ríos.
Publicado en DEPORTES
PORTAS> Portas converteuse onte nunha pista de atletismo. O concello acolleu a segunda clásica do albariño 10K Viña Almirante. Cita organizada pola adega e que este ano congregou a máis de 150 corredores nas categorías absolutas. Dez quilómetros entre os viñedos e a paisaxe de Portas, formaron o trazado do percorrido da segunda clásica do albariño 10K Viña Almirante. A cita celebrouse o domingo, e reuniu a máis de 150 corredores nas categorías absolutas. Os nenos e os corredores máis novos tamén puideron participar desta cita, que xa se ten convertido en ineludible dentro do calendario deportivo pero tamén festivo de Portas. E é que en tan só dúas edicións Viña Almirante xa demostrou o seu compromiso social. O alcalde de Portas tamén se achegou a participar da cita, e destacou o seu papel como dinamizadora social e fiestra turística para o concello. Dende a organización están máis que satisfeitos co desenvolvemento desta segunda carreira, polo que xa empezan a traballar na edición do vindeiro ano.
Publicado en DEPORTES
VILAGARCÍA> En Vilagarcía xa está todo prácticamente listo para recibir aos participantes do Torneo Internacional Clae Viaxes. A cita do fútbol benxamín organizada polo Arosa cumpre a súa sexta edición, e reunirá a vindeira semana a un total de 48 equipos e máis de 2.000 persoas na capital arousá. O sexto Torneo Internacional ClaeViajes, organizado polo Arosa, atraerá un total de 48 equipos da categoría benxamín. Unha ducia son galegos. Os outros proceden de nove comunidades autónomas diferentes, e ata de Portugal, Inglaterra e Dubai. No Cidade de Vilagarcía participarán oito canteiras de equipos de primeira División: Atlético de Madrid, Celta de Vigo, FC Barcelona, FC Porto, Vitoria Guimaraes, Deportivo, Arsenal e Boavista. Tamén estará a Spanish Soccer School de Dubai, co vilagarcián Pablo Coira. En resumo, máis de 2.000 persoas invadirán Vilagarcía a vindeira semana. Toda a vila volcarase cos seus protagonistas e anfitrións: os dous equipos benxamíns do Arosa. Os pequenos xogarán os días 16, 17 e 18 en A Lomba e o Manuel Jiménez.
Publicado en SALNÉS - CALDAS
PONTEVEDRA> O 2019 será o ano do deporte de primeiro nivel en Pontevedra. A capital acollerá ata cinco campionatos do mundo de diferentes disciplinas. Aos xa anunciados triatlón de longa distancia, triatlón cross, duatlón e aquatlón, súmase o ‘aquabike’. Unha programación de luxo para o ITU Multisport Festival de triatlón que se celebrará en dous anos. Tríatlon de longa distancia, tríatlon cross, duatlón, aquatlón e aquabike. Son as cinco disciplinas que no 2019 celebrarán en Pontevedra os seus Campionatos do Mundo. O ITU Multisport Festival de triatlón convértese así en todo un reto. As cifras que deixan as previsións son mareantes. Máis de 4.000 deportistas permanecerán durante dez días en Pontevedra e o seu entorno. Acompañados, case sempre, das súas familias. Hoxe constituíuse o Comité Organizador do evento, no que ademáis do concello e das Federacións Española e Galega de Triatlón, están representadas tamén Deputación e Xunta. O que si xa ten o evento é mascota. O comité escolleu a imaxe dun loro con moitas cores, que resultar ser ‘o neto deportista’ do loro pontevedrés máis ilustre, Ravachol. Aínda está pendente de bautizar.
Publicado en DEPORTES
NOIA> No acto anunciou que o Goberno Galego creará de cara ó ano que vén unha comisión de control da violencia para dar cobertura así as denuncias que se produzan nas competicións deportivas locais e autonómicas. O Teatro Coliseo Noela de Noia acollía a última hora da tarde de onte o acto de entrega das Distincións ó Mérito Deportivo de Galicia 2017, un galardón creado para recoñecer o labor e a traxectoria de persoas ou entidades relacionadas co deporte. O acto estivo presidido polo presidente da Xunta, Alberto Núñez Feijoo, e contou entre outras autoridades tamén coa Secretaria Xeral para o Deporte, Marta Míguez. Entre os galardoados na edición deste ano figuran Alfonso González Alonso, Raimundo Fernández ou os irmáns Centeno, que participaron nos Xogos Olímpicos de Barcelona. Tamén homenaxeadas resultaron Margarita Dans e Nela Souto, ou Cristina Fernández Piñeiro, a primeira muller en arbitrar un partido da Liga Asobal; Lourdes Domínguez, que entrou no top 50 do tenis mundial cando ningunha galega o fixera antes; ou Fina Castiñeira, que xa xogaba ó baloncesto no Lugo da posguerra. Ademais de destacar o labor dos deportistas distinguidos, no acto o titular do Goberno Autonómico destacou o deporte como un dos maiores instrumentos de integración e cohesión social. Núñez Feijoo anunciou tamén a creación dunha comisión de control da violencia para dar cobertura así as denuncias que se produzan nas competicións deportivas locais e autonómicas.
RIBEIRA> A proba, que se desenvolverá o próximo 11 de xuño, discorrerá ó longo da estrada AC-305 polos concellos de Ribeira, a Pobra do Caramiñal e Boiro. Tomando como exemplo outras probas de características semellantes na nosa comunidade, como poden ser a Vig-Bay, hoxe un referente mesmo a nivel nacional, a ‘15K Arousa Norte’ vén para quedarse. Está integrada nunha iniciativa denominada 15 Series Mediolanum que alberga tres carreiras máis, unha por provincia: a de Ourense disputada hai dúas semanas, a de Oia-A Guarda e a de Foz-Burela. Dende Arousa Norte, entidade que colabora na organización da carreira, vese con bos ollos a realización desta proba, xa que ademais do aspecto puramente deportivo, será unha oportunidade máis de dar a coñecer esta comarca. A carreira tamén terá unha vertente solidaria, ó poñerse á venda unha pulseiras conmemorativas cuxa recadacion irá destinada a ONG’s locais. Dende a organización agardan unha participación próxima ós 500 corredores. Os interesados en participar na carreira aínda están a tempo de inscribirse. O prazo remata o próximo mércores na páxina www.championchipnorte.com.
Páxina 1 de 16
HomeSalnés - CaldasMostrando artigos por etiqueta: Deportes Top of Page

Síguenos en facebook