• Facebook
  • Twitter
  • Rss
  • Plus
O GROVE> A Deputación de Pontevedra actuará na estrada provincial de San Vicente, en O Grove. Administración provincial e concello asinaron hoxe o convenio que rexerá as obras integrais de seguranza viaria e mobilidade sostible. Segundo o documento contarán cun orzamento de máis de 540 mil euros, e estarán rematadas na primavera de 2018. A Deputación de Pontevedra actuará na estrada provincial de San Vicente de O Grove. O proxecto executarase en 877 metros da vía, dividindo o espazo en tres treitos. No primeiro e no terceiro, crearase unha senda de 2,5 metros de longo para o tránsito peonil e ciclista, coa velocidade limitada a 30 quilómetros por hora. No segundo, apostan pola plataforma única. Será unha intervención integral de seguranza viaria e mobilidade sostible, no marco da Estratexia de Mobilidade 3.0. Tamén contempla a posta en valor do entorno da igrexa de San Vicente. O convenio supón un investimento de máis de 540.000 euros, dos que a Deputación financia o 80%. A intención é que as obras inicien canto antes, e terán un prazo de execución de 4 meses. O goberno provincial resaltou que as obras xa contan cos terreos precisos para a mellora e cos permisos de Patrimonio. Un xeito de facer que, aseguran, os distancia do anterior executivo. Tamén destacaron que o proxecto naceu da petición do propio concello, que busca atender unha vella demanda dos veciños de San Vicente.
Publicado en SALNÉS - CALDAS
O festival de rock que se celebra en Vilanova de Arousa, chega este ano a súa cuarta edición. O Rocking Vila é como os bos viños, mellora cos anos e volta a vila de Valle Inclán os días 12 e 13 de agosto, para ofrecer o mellor rock en galego. A IV Edición do Rocking Vila volta a Vilanova de Arousa para encher a vila de rock do 12 ao 13 de agosto. Un evento que se celebrará de maneira simultánea coa festa gastronómica da vila de Valle Inclán, como xa se viña facendo nas súas primeiras edicións. The Locos, Medomedá ou Ruxe Ruxe son só algúns dos grupos que conforman o cartel de esta edición. Un evento que está copatrocinado polo concello de Vilanova e a Deputación de Pontevedra, e que sen dúbida ten un claro valor cultural ao promocionar a nosa lingua. Como unha das principais novidades, este ano haberá variacións en canto as localizacións. Así que xa saben, anoten na axenda que teñen unha cita en Vilanova os vindeiros 12 e 13 de agosto. As entradas teñen un custe de 10 euros, mercándoas de maneira anticipada e de 15 euros na billeteira do evento.
Publicado en SALNÉS - CALDAS
PONTEVEDRA> Deputación de Pontevedra e Cogami traballarán da man para facer a provincia máis accesible. O departamento de mobilidade da institución contará coa asociación como asesora nesta materia. Trala reunión mantida hoxe co presidente da entidade Anxo Queiruga, o deputado Uxío Benítez anunciou tamén a convocatoria dunha Mesa provincial pola Accesibilidade. A Deputación de Pontevedra quere facer da accesibilidade unha pedra angular na súa política de mobilidade. Con este obxectivo, veñen de abrir unha liña de colaboración permanente con Cogami, para conseguir o seu asesoramento. Benítez lembrou que a súa prioridade son as persoas, algo que xa está recollido no decálogo que hai un tempo presentou a Deputación, e ao que se axustan todas as súas intervencións. O deputado recoñeceu que en ocasións estes criterios atópanse con reticencias dende os concellos. O presidente de Cogami agradeceu este esforzo dende o goberno provincial. Anxo Queiruga asegurou que a accesibilidade é unha cuestión que debe preocupar a toda a sociedade. Uxío Benítez tamén anunciou a intención da Deputación de convocar unha Mesa Provincial Pola Accesibilidade, na que estarán representantes de asociacións e entidades que poderán expresar ideas e problemáticas. Aínda non hai data para este primeiro encontro.
Publicado en PONTEVEDRA
Venres, 21 Xullo 2017 18:59

O PP renova catro dos seus deputados

PONTEVEDRA> Chegan os cambios ao grupo do Partido Popular na Deputación de Pontevedra. Como pactara ao inicio do mandato, a formación reorganízase e muda catro dos seus deputados. A actual voceira do PP, Nidia Arévalo, e a alcaldesa de Mos, Luisa Piñeiro, figuran entre os saíntes. O PP renova catro caras dentro do seu grupo provincial. A formación anunciou hoxe que realizará os relevos pactados ao inicio do mandato. Entre os deputados que deixarán os seus postos, están a actual voceira do PP, Nidia Arévalo e a alcaldesa de Moraña, Luisa Piñeiro. Tamén marchan os exalcaldes de Ponteareas e Cangas, Julio Alén e Enrique Sotelo. O voceiro do PP en Salceda de Caselas, Santiago Rodríguez, o alcalde da Lama, Jorge Canda, a concelleira do PP en Ponteareas Belén Villar e o ex alcalde de Moaña, José Fervenza, serán os seus substitutos. Rueda destacou especialmente o papel de Nidia Arévalo como voceira. Trala súa marcha, manterase Ángel Moldes, que non abandonará o seu escano ao estar o voceiro en Pontevedra, Jacobo Moreira no Parlamento Galego. Rueda agarda que os cambios poidan realizarse nos dous plenos que se celebrarán no mes de setembro.
Publicado en PONTEVEDRA
PONTEVEDRA> O PP provincial solicita un pleno extraordinario para que a Deputación se pronuncie sobre a Cidade Infantil do Príncipe Felipe. Unha petición que chega despois de que o goberno provincial anunciase a supresión do convenio coa Xunta de Galicia a causa dos incidentes rexistrados no mesmo.
Publicado en PONTEVEDRA
PONTEVEDRA> O Pazo Provincial foi o lugar elixido para a presentación da exposición "Rexas, mulleres baixo o terror franquista". A mostra estará dispoñible ata final de ano en diferentes concellos da provincia, para todo aquel que a queira visitar.
Publicado en PONTEVEDRA
VILANOVA> O concello de Vilanova de Arousa presentou un contencioso administrativo ao entender que a paralización do vial de Baión, por parte da Deputación de Pontevedra, causa prexuízo tanto a administración como aos veciños. Gonzalo Durán admitiu esta mañá que dende Vilanova non pararán ata coñecer cal foi o destino do máis de millón e medio de euros, que estaban destinados a esta obra no municipio Gonzalo Durán non escatimará en esforzos para mostrar o seu desacordo coa paralización da obra de ampliación e mellora da EP 9701 ao seu paso por Baión. Trátase de un tramo de algo máis de 3km, que quedou contratada na época do anterior presidente da institución Rafael Louzán. Unha obra cun custe superior ao 1.600.000 euros, cuxo obxectivo era mellorar a seguridade e ampliar o espazo destinado aos peatóns. Durán afirmou querer coñecer a que se dedicaran eses cartos se finalmente non se realiza esta obra. O concello de Vilanova convertese de este xeito no primeiro concello en levar aos xulgados o asunto, dos seis máis que denunciaron a paralización de importantes obras para os seus municipios.
Publicado en SALNÉS - CALDAS
PONTEVEDRA> O Atlantic Fest será un dos escenarios da nova iniciativa da Deputación Provincial. A institución quere concienciar contra o acoso sexual, cunha campaña que levará a todos os festivais amparados baixo a marca Rías Baixas Fest. Co lema “Lembra! Eu decido, ti respectas”, pon o acento sobre a violencia sexual que sofren as mulleres. Cada oito horas prodúcese unha agresión sexual. Son tres mulleres violadas a diario. Estes son datos do Ministerio do Interior, e unha cifra que a Deputación de Pontevedra quere combater. Hoxe, a institución presentou a súa campaña de concienciación contra o acoso sexual. Baixo o lema “Lembra! Eu decido, ti respectas” a campaña estrearase en todos os festivais que ampara a marca Rías Baixas Fest. Nos recintos haberá un postos de información móbil. Alí tamén terán merchandising, como gorros de palla e pegatinas. A Deputación tamén editou 20.000 folletos a modo de guía de peto. 10.000 diríxense a potenciais agresores, buscando combater mitos e dándolles instrumentos para identificar comportamentos que poden ser constitutivos de delitos. Os outros 10.000 destínanse as mulleres, con oito consellos que buscan previr dous tipos de violencia sexual: a agresión en cita, cando o agresor é un amigo ou coñecido, e a submisión química, cando hai tóxicos que anulan a vontade. Esta campaña de prevención e educación diríxese principalmente aos adolescentes, por iso arrincará nos festivais, pero a intención da Deputación é que chegue aos centros educativos co vindeiro curso escolar.
Publicado en PONTEVEDRA
PONTEVEDRA> 22 millóns de euros para 27 estradas provinciais. Este é o resumo do Plan de Actuacións 2017-2018 que hoxe presentou a Deputación de Pontevedra. Todas elas están incluídas na chamada Estratexia de Mobilidade 3.0, que persegue os criterios de conectividade, seguridade, viabilidade e poboación. A Deputación de Pontevedra pon a pleno rendemento o seu servizo de Mobilidade. O departamento investirá 22 millóns de euros no marco do Plan de actuacións 2017-2018, todas elas contempladas na chamada Estratexia de Mobiilidade 3.0, que atende os criterios conectividade, seguridade, viabilidade e poboación. Segundo explicaron esta mañá, son 27 actuacións en estradas provinciais de 20 municipios de toda a provincia. Todas axústanse ao novo decálogo da Deputación, e atenden a peticións xurdidas das entrevistas con 52 alcaldes que solicitaron máis de 200 obras. Este venres a xunta de goberno aprobará as cinco primeiras actuacións. Intervencións que, segundo César Mosquera, serán as primeiras das moitas que chegarán a partires de agora. O goberno provincial insistiu tamén en que todas as obras están ben enfocadas e atenden a unhas normas equitativas. Segundo Silva, é a primeira vez que a Deputación ten unha estratexia global de actuación. As obras financiaranse con 15 millóns de euros da área de Mobilidade e 7 da de Cooperación.
Publicado en PONTEVEDRA
MEIS> A presidenta da Deputación de Pontevedra visitou esta mañá o concello de Meis, para acompañar ao párroco e o alcalde do municipio na súa visita a capela de Santa María de Mosteiro, que foi restaurada cunha achega do entre provincial.
Publicado en SALNÉS - CALDAS
PONTEVEDRA> A rotura do goberno tripartito de Sanxenxo continúa de actualidade. Esta mañá pronunciáronse dende o Partido Popular Provincial, que non dubidan en sinalar á Deputación como responsables desta crise. Para o PP, as risas, os insultos e, aseguraron, a prepotencia do bipartito provocaron a fin do acordo de goberno. Os deputados populares non dubidan en sinalar ao goberno da Deputación de Pontevedra como o responsable da rotura do tripartito de Sanxenxo. Arévalo respaldou a postura de Gonzalo Pita sobre a obra da avenida Luís Rocafort; proxecto que foi o detonante dos desencontros entre os socios de goberno. Pola contra, acusou ao bipartito de rirse e insultar ao aínda rexedor de Sanxenxo. Os deputados aseguraron que Pita solicitara unha reunión na Deputación que non se atendeu. Descartan que a rotura viñera dada polo desacordo na construción de 19 prazas de aparcadoiro na avenida Luis Rocafort. Tamén esixiron ao goberno provincial que deixe de buscar responsable no Partido Popular, e que atenda a unha provincia que, aseguraron, está descontenta e decepcionada.
Publicado en PONTEVEDRA
PONTEVEDRA> A rotura do tripartito de Sanxenxo e a volta de Telmo Martín á alcaldía chegaron tamén á Deputación de Pontevedra. Esta mañá, Gonzalo Pita explicaba que a reforma da avenida Luís Rocafort fora o detonante desta crise; un proxecto que, recordemos, foi impulsado pola institución provincial. Hoxe a súa presidenta cualificaba o argumento de Pita de “broma de mal gusto”. Para a presidenta da Deputación de Pontevedra, que Gonzalo Pita sinale a obra da avenida Luís Rocafort como o detonante da crise e rotura do goberno tripartito en Sanxenxo, é unha broma de mal gusto. Carmela Silva non acepta que se responsabilice á Deputación de Pontevedra do cambio de goberno tralo acordo entre SAL e Partido Popular, e defendeu a actuación do executivo provincial. A dirixente socialista tamén tivo palabras para o popular Telmo Martín, que se convertirá en alcalde da vila sanxenxina. Sobre a revolución no concello de Sanxenxo tamén se pronunciou o secretario provincial do PSOE de Pontevedra. Para Santos Héctor o ocorrido é unha moción de censura encuberta, e sinala a Alfonso Rueda como responsable do que cualificou como política de vertedoiro. Para Santos Héctor o acordó entre Pita e Martín é un episodio vergoñoso máis na historia do PP.
Publicado en PONTEVEDRA
Páxina 1 de 26
HomeSalnés - CaldasMostrando artigos por etiqueta: Deputación Pontevedra Top of Page

Síguenos en facebook