• Facebook
  • Twitter
  • Rss
  • Plus
NOIA> O técnico redondelán, que volverá ós banquiños despois de ano e medio de inactividade, mostrouse ilusionado con esta nova experiencia á fronte do conxunto noiés na Segunda División do fútbol sala a nivel nacional. O Noia Portus Apostoli Fútbol Sala xa conta con novo adestrador. Trátase de Julio Mougán. O técnico redondelán será o encargado de guiar a nave noiesa a próxima tempada na Segunda División, competición na que xogará por primeira vez na súa historia. Acompañado do presidente, Severino Barreiro, e tamén do director técnico do Club, Javi Barreiro, foi presentado esta mañá en rolda de prensa na sede dun dos seus principais patrocinadores, Grúas Egalsa. No acto, no que tamén estivo presente o edil de Deportes Ramón Santos, explicáronse as razón da súa elección. Mougán, un técnico cualificado e con ampla experiencia na categoría, mostrouse ilusionado con este novo proxecto. Entre os seus obxectivos figura manter o equipo na categoría de prata. Un reto complicado pero que agarda poder cumprir coa implicación de todos, en especial coa dos xogadores. O Club xa traballa na configuración do plantel, no que se prevé a continuidade da base do grupo do ano pasado, coa incorporación de catro ou cinco caras novas que lle virán a dar un salto de calidade ó equipo.
MUROS> A actuación, que virá a solucionar as graves deficiencias que presenta o paseo marítimo, ascende a preto do millón de euros. A alcaldesa, María Xosé Alfonso, confía en que nas próximas semanas se inician as obras de remodelación do paseo marítimo de Esteiro. Unha obra pola que levan agardando dende hai tempo xa que a infraestrutura presentaba un avanzado estado de deterioro. O custe da actuación rondará o millón de euros. Unha cantidade que será asumida pola propia Demarcación de Costas, ente dependente do Ministerio de Medio Ambiente. O executivo agarda que se acometa a actuación á maior brevidade posible xa que o paseo segue pechado ó transito a día de hoxe.
NOIA> Éxito de público da Feira Medieval de Noia que, nesta vixésima edición, atraeu ata a vila a miles de visitantes. Como novidade, o programa incluíu unha arribada de peregrinos que, a través dunha marcha nocturna, reivindica o papel histórico da vila como Portus Apostoli.
MUROS/NOIA> As eivas no servizo de recollida de lixo nos concellos da Mancomunidade de Municipios Serra do Barbanza continúan para desesperación dos veciños. As desavinzas entre FCC e a Mancomunidade de Municipios Serra do Barbanza, entidade que xestiona a planta de recollida de lixo de Lousame, que empregan, ademais deste último municipio outros concellos coma o de Muros, Porto do Son ou Noia, están a crear novos problemas no servizo de recollida de lixo. Non era un problema novo. As constantes avarías nos vehículos que a empresa utiliza e que non poden realizar a súa tarefa, están a provocar que o lixo se acumule de xeito notable a carón dos contedores. A situación está a provocar un gran malestar entre os veciños destes concellos, que non entenden as razóns que se están a dar para xustificar esta situación. Temen que se produza un problema grave de saúde pública, máxime coas altas temperaturas destes días Algúns grupos políticos como é o caso do Partido Popular de Muros estánse a facer eco desta problemática. A súa voceira Inés Monteagudo vén de esixirlle á Mancomunidade do Barbanza e tamén ó propio goberno municipal que adopten as medidas urxentes necesarias que permitan terminar dunha vez por todas cos problemas que existen no servizo de recollida de lixo do municipio. Tamén a Marea de Noia lle solicitou ó alcalde que se decrete unha intervención temporal para garantir a salubridade das rúas ata que se arranxen os camións e así, na fin de semana, na que a vila celebra ademais a súa feira Medieval, non se acumulen máis lixo.
NOIA> A actuación, coa que se busca transformar a fachada marítima da vila, contará cun investimento duns 60 mil euros. Unha vez que a terceira parte do proxecto ‘As Portas do Mar’ está prácticamente lista, o executivo noiés xa elaborou un novo proxecto para acometer unha cuarta e definitiva fase para esta actuación que busca a humanización e o empedrado da fachada marítima da vila. Paralelamente a actuación levará consigo tamén outro proxecto que busca disimular de algún xeito a zona de contedores do lixo existentes na zona, mellorando o aspecto visual da rúa.
A Dirección Xeral de Conservación da Natureza investiu preto de sesenta mil euros na recuperación da senda fluvial do Rego das Cunchas en Noia. A intención do concello é darlle continuidade á actuación coa rehabilitación dos muíños da zona. Off A actuación permitiu mellorar a senda peonil que, ó longo de aproximadamente un quilómetro, conecta o conxunto etnográfico dos once muíños do rego das Cunchas, na parroquia noiesa de Santa María de Roo. Ademais do incremento da seguridade, o investimento autonómico permitiu a instalación de paneis e mesas informativos sobre a historia e funcionalidade dos muíños así como sobre a fauna e flora da zona. Este sendeiro enmárcase nun espazo patrimonial de gran interese como é a Central Hidroeléctrica do Tambre. Trátase dunha primeira fase que podería ter continuidade coa rehabilitación dos muíños.
MUROS> Representantes de tódolos grupos da corporación municipal de Muros reuniranse este martes con responsables do Colexio de Rexistradores da Propiedade para abordar a perda de calidade deste servizo. Denuncian que a oficina de Muros converteuse nunha mera sucursal de Corcubión.
MUROS> Muros volveu mirar ó mar. Nesta décimo terceira edición das xornadas mariñeiras, centos de persoas pasaron pola vila para retroceder no tempo. Artesanía, música e tradición encheron as rúas do casco durante toda a fin de semana.
NOIA> O Noia Fútbol Sala xogará na próxima semana na Segunda División. O ascenso á categoría nacional supón un reto para o equipo que contará co apoio dos patrocinadores e do concello para competir con tódalas garantías.
MUROS> Dende hoxe ata o domingo as rúas do casco histórico da vila engalánanse para acoller as xornadas de cultura mariñeira ‘Muros Mira o Mar’, que este ano chegan á súa décimo terceira edición. Artesanía, música, exposicións, obradoiros, gastronomía e sobre todo moito mar. Muros inicia hoxe e ata o próximo domingo as xornadas de cultura mariñeira ‘Muros Mira o Mar’. A deste ano é a súa décimo terceira edición e o programa é do máis completo. Sen dúbida un dos aspectos máis relevantes desta celebración radica na implicación de tódolos muradáns. Un feito que destacan dende o propio Concello e que fai que a festa teña un maior protagonismo.
MUROS> Esta mañá a alcaldesa, María Xosé Alfonso, xunto co edil Medio Ambiente, Xosé Manuel Quintela, procedían ó izado do distintivo que premia a calidade das augas e as instalacións, así como tamén a prestación de servizos neste areal. O areal de San Francisco, en Louro, volverá a lucir este ano a bandeira azul. É xa algo habitual nos últimos anos. Trátase dunha das praias máis concorridas do municipio. Dende o Concello destacaron a importancia de poder contar unha vez máis con este distintivo, garantía de calidade e de prestación de servizos. Ademais a alcaldesa sinalou que dende o Concello séguese aa postar por mellorar as súas prestacións e servizos. Este ano coa adquisición dunha segunda cadeira anfibia para poder ser empregadas por persoas de mobilidade reducida. A pesar de que san Francisco é sen dúbida un dos areais estrela do municipio, ó ser a que recibe cada verán a máis cantidade de bañistas, o equipo de goberno non descoida tampouco o resto de praias existentes do municipio. Existindo a posibilidade de que en vindeiros anos poidan optar tamén a este distintivo.
PORTO DO SON> Máis de dez mil persoas achegaranse esta fin de semana ata Porto do Son para participar no Rompetiño Jump. Trátase dun evento de cultura urbana que combina música e deporte organizado pola firma textil ‘Rompiendo Clothing’ .
Páxina 1 de 76
HomeSalnés - CaldasMostrando artigos por etiqueta: MurosNoia Top of Page

Síguenos en facebook