• Facebook
  • Twitter
  • Rss
  • Plus
RIANXO> Os populares opuxéronse onte á proposición de lei presentada por En Marea na que se solicitaba a creación deste servizo para o municipio. E hoxe facían o propio tamén cunha pregunta formulada polo BNG sobre este mesmo asunto. Con certa tristura os membros da plataforma procentro de día de Rianxo recollían a nova. Por segunda vez, a primeira a proposta do grupo socialista, o Partido Popular opúñase no Parlamento á construción do centro de día da localidade. Neste caso a solicitude partía de En Marea que presentou unha proposición non de Lei na que instaba á consellería de Política Social a escoitar as demandas dos veciños e orzamentar para o vindeiro ano 2018 a construción deste servizo tan importante para o municipio. O PP votou en contra xustificando a súa postura novamente en que hai prazas de sobra na comarca, concretamente tres, que suman unhas 125 prazas libres, e que tamén está previsto que se amplien as horas de axuda no fogar en Rianxo asegurando que o 100 por cen da poboación que o precise poderá dispoñer deste servizo.
VILAGARCÍA> O Partido Popular sae ó paso das críticas da oposición no Salnés á reforma da Lei de Saúde Pública. Representantes do partido na comarca, asistiron esta mañá en Vilagarcía a unha reunión con representantes do PP Provincial. Trala mesma, ante os medios de comunicación, aseguraron que esta reforma favorece ás persoas e negan que o Hospital do Salnés vaia perder autonomía. Os representantes do PP de Cambados, Ribadumia, Vilagarcía, e o presidente da Mancomunidade do Salnés asistiron esta mañá en Vilagarcía a unha reunión co Partido Popular provincial, para explicar trala mesma con detalle a reforma da Lei de Saúde Pública. Os populares saen ó paso das críticas dos alcaldes da oposición no Salnés, que aseguran que coa nova lei, que elimina o actual mapa das áreas sanitarias, os Hospital da comarca perderá autonomía. Desde o pp provincial, aseguraron esta mañá todo o contrario, e afirmaron que esta reforma favorecerá ós cidadáns. O deputado Aurelio Núñez explicou que con esto se pretende blindar a existencia dos hospitais comarcais. Cada distrito terá que ter un centro deste tipo, e facilitará o incremento dos recursos e facilidade para desprazas especialistas entre centros da mesma área. O deputado destacou tamén que desde o ano 2012 os hospitais comarcais atenderon 260.000 consultas en Galicia, e a Xunta investiu 20 millóns de euros nestes centros. A deputada Marta Rodríguez subliñou que no Salnés en concreto, investíronse 9 millóns de euros. Pola súa banda, o presidente da Mancomunidade do Salnés, Gonzalo Durán, cualificou de vergoña que se queira dar a entender que o PP queira acabar co Hospital do Salnés, cando foi este partido o que conseguiu sacar adiante o centro e amplialo. Desde o PP provincial afirmaron tamén que terán reunións con alcaldes e representantes municipais da zona para aclarar calquera dúbida respecto dos cambios que suporá este reforma para o hospital da comarca.
Publicado en SALNÉS - CALDAS
Xoves, 07 Setembro 2017 18:37

O PP pide menos BNG e máis goberno

Pontevedra> O PP de Pontevedra retoma o curso político con duras críticas ao Goberno Local. Jacobo Moreira cree que Lores debe centrarse nos grandes proxectos da cidade, e tamén, cumprir con todo o prometido no seu programa electoral.
Publicado en PONTEVEDRA
POBRA> O PP da Pobra denuncia que as praias do municipio carecen de servizo de socorrismo. A mediados de xullo aínda non se ten convocado o proceso de selección dos profesionais polo que os populares estiman que, alomenos ata agosto, non haberá vixilancia nos areais.
Ou pedir máis efectivos de seguridade ó Ministerio do Interior, ou retrasar a data de celebración do Combate Naval. Son as dúas opcións que propón o PP de Vilagarcía ante a polémica xurdida pola Festa de Ameixa de Carril, entre o alcalde e o presidente dos parquistas. Teñen claro, que o que sería unha irresponsabilidade sería pasar a Ameixa ó 15 de agosto, como propón o goberno de Alberto Varela . O presidente do PP de Vilagarcía, Alfonso González Gallego, compareceu esta mañá para mostrar o seu apoio ó presidente dos parquistas de Carril, así como a tódolos veciños da parroquia, ante o enfrontamento que manteñen co goberno local do socialista Alberto Varela, pola data de celebración da festa da Ameixa de Carril. O patrón mantén a súa intención de facleo o 19 e 29 de agosto, coincidindo co Combate Naval e as Revenidas ,e o alcalde, propónlle cambialo para a fin de semana seguinte ou a anterior, o 15 de agosto. Algo que os populares considerarían unha irresponsabilidade. González considera que o goberno local está dándolle a espalda a Carril nunhas datas tan importantes, como é 0 25 aniversario da Festa da Ameixa. Tendo como teñen actos pechados, de diferente índole, así como confirmada a asistencia de diversas autoridades. Ante esta sitaución, o PP local propón dúas opcións. Ou pedir máis efectivos de seguridade ou retrasar o Combate. O popular criticou tamén a actitude xeral do goberno local, o que afirma busca problemas onde non os hai. Ademáis do caso de ameixa, citou os composteiros, a pista polideportiva dos Duráns, ou o hotel que o goberno non que se constrúa na zoa do Ramal, e que o PP considera que sería un impulso económico para o concello .
Publicado en SALNÉS - CALDAS
MUROS> Na actuación investirase ó redor dun millón de euros. Despois de numerosas solicitudes e tempos de agarda, que mesmo levou ó Concello a pechar a zona debido ó seu estado de deterioro, coa conseguinte perigo para os usuarios, a reforma do paseo marítimo de Esteiro será logo unha realidade. Segundo informou a voceira do grupo municipal do Partido Popular, Inés Monteagudo, a actuación iniciarase xa este ano, ou iso é o compromiso adquirido por parte do Goberno Central. Monteagudo, acompañada pola deputada no Congreso, Marta González, mantivo unha reunión en Madrid coa Directora Xeral de Sostibilidade da Costa e do Mar, Raquel Orts, e co Subdirector Xeral para a Protección da Costa, Ángel Muñoz Cubillo, na que se comprometeron a acometer a dita mellora este mesmo ano, destinando a tal fin un orzamento duns 980 mil euros. A actuación permitirá a reposición do pavimento, mediante un material non perecedoiro e seguro para os viandantes.
SANXENXO> Os representantes do BNG e do PSOE en Sanxenxo, ou os xa ex socios de Gonzalo Pita a fronte do concello, mostráronse sorprendidos da "boa sintonía" mostrada entre os integrantes da formación popular e Gonzalo Pita. David Otero e Coral González mantiveron esta mañá que a única deslealdade política que houbo foi a mostrada polo actual alcalde Gonzalo Pita, ao aceptar formar parte dun goberno xunto cos populares. David Otero e Coral González, ata hoxe socios de goberno de Gonzalo Pita, mostráronse sorprendidos coa decisión que tomou o alcalde saínte Gonzalo Pita, e admitiron que onte souberon polas redes sociais e pola da edil Vanesa Rodríguez, do que estaba acontecer. Para David Otero o que empezou sendo un rumor, rematou sendo unha realidade. Otero recoñeceu que a falta de lealdade reflíctese na forma de proceder de Gonzalo Pita Para os voceiros nacionalista e a socialista a situación de hoxe non ten que ver coa avenida Luis Rocafort, e admiten que non saben cal é o fondo da cuestión, pero ao seu entender non ten nada que ver, segundo as súas palabras, coa supresión de "vinte prazas de aparcamento".
Publicado en SALNÉS - CALDAS
Pontevedra> O vicesecretario de comunicación do PP estivo hoxe de visita en Pontevedra. Pablo Casado destacou a boa oposición que está facendo Jacobo Moreira na Boa Vila, do que dixo, é o representante político que está dando resposta aos veciños da cidade. Casado agarda poder volver no 2019 para festexar a vitoria do PP na capital de provincia.
Publicado en PONTEVEDRA
VILAGARCIA> Alfonso González Gallego entregou este venres os avais necesarios para poder presentarse o X Congreso Local do PP en Vilagarcía, que terá lugar este domingo.
Publicado en SALNÉS - CALDAS
Pontevedra> O PP de Pontevedra votará en contra da modificación de crédito que o Goberno Municipal levará ao pleno este venres. Dende as filas populares seguen sen entender o millón de euros que se vai a investir no inmoble da rúa Ferreiros para o servizo de urbanismo do concello.
Publicado en PONTEVEDRA
POBRA> O partido popular da Pobra critica a falta de implicación do goberno local co deporte. Denuncia que o concello non mellorou o estado do campo de futbol da Alta porque non quixo, e ademais, bótalle en cara que os clubs municipais levan dous anos sen percibir axudas que están aprobadas.
Pontevedra> Dende o PP de Pontevedra esixen ao Goberno Local un plan de rehabilitación do mercado de Estribela, en Lourizán. Ademais, tamén solicitan do concello, que os novos proxectos que ten postos en marcha para o Gorgullón, Virxe do Camiño, Cruz Vermella e Loureiro Crespo inclúan un carril bici, unha medida acordada no pleno de xaneiro do 2016.
Publicado en PONTEVEDRA
Páxina 1 de 9
HomeSalnés - CaldasMostrando artigos por etiqueta: PP Top of Page

Síguenos en facebook