• Facebook
  • Twitter
  • Rss
  • Plus
PONTEVEDRA> O Partido Popular de Pontevedra non está satisfeito coa xestión que está a facer o goberno local da misión comercial a México. Trala comisión de Economía extraordinaria celebrada esta mañá, os populares acusan ao executivo de falta de transparencia. Unha falta de información que, aseguraron, podería ter detrás un caso de clientelismo. A reunión extraordinaria da comisión de Economía non despexou ningunha das dúbidas do Partido Popular. Tralo encontro, a formación acusaba ao executivo de falta de transparencia nas xestións da misión comercial que se desprazará ata México no mes de agosto. O presidente da comisión, o popular Rafael Domínguez, criticou tamén que non se aporten datos concretos das empresas que viaxarán, dos criterios de selección ou da axenda. Por iso acusou a Anabel Gulías de falta de experiencia. Pola súa banda, Anabel Gulías defendeu a postura do executivo. Segundo a edil, non se achegaron máis datos porque as conversas coas empresas aínda non están pechadas. A intención do executivo é que sexan vinte empresas as que acompañen á delegación pontevedresa, convidada para presentar o modelo urbano da cidade en México. A día de hoxe, Gulías asegurou que a visita espertou moito interese. Gulías tamén anunciou que o concello recibiu unha invitación da Comisión de Urbanismo do Senado de México para explicar o modelo urbano de Pontevedra. Un xesto que, para a edil, demostra que Pontevedra está no mapa.
Publicado en PONTEVEDRA
SANXENXO> Como xa anunciara no pleno de onte, Telmo Martín estreou o seu retorno á alcaldía de Sanxenxo cun encontro coa Policía Local. Durante a reunión Martín trasladoulles que a súa intención é asumir el mesmo as competencias de seguridade cidadá. E é que asegurou que esta materia será unha das prioridades no seu novo mandado, que arrincou onte nun pleno que transcorreu con tranquilidade. Pasadas as oito da tarde, Telmo Martín alzaba por terceira vez na súa carreira política o bastón de mando de Sanxenxo. Fíxoo nun pleno tranquilo, rodeado de familia, amigos e simpatizantes, e cos votos a favor dos edís do Partito Popular, de tres dos catro de SAL, agora socios de goberno, e coa sorpresa da abstención do edil non adscrito, Roberto Carlos Agís. No seu discurso, Martín tendeu a mano á oposición. Pediulles que deixen de mirar tanto pola ideoloxía, para poder traballar e poñer en valor as posibilidades de Sanxenxo. Tras rematar o discurso, o xa alcalde abrazou en primeiro lugar aos edís de SAL. Precisamente foi cun agradecemento a Gonzalo Pita, que o pasado luns renunciaba como rexedor,como comezou a súa intervención. Xa onte Telmo Martín destacaba o peso que vai ter a seguridade cidadá no seu mandato. De feito, hoxe cumpriu o previsto e mantivo o primeiro encontro coa Policía Local. Ademais, el mesmo asumirá estas competencias, que ata o de agora eran responsabilidade da edil de SAL que queda na oposición. Vanessa Rodríguez asegurou estar disposta a renunciar a elas. Mentres, no exterior do concello de Sanxenxo un grupo de veciños reuniuse para protestar contra o nomeamento de Telmo Martín. Aínda que o ambiente foi moito menos crispado que o vivido o pasado luns tralo pleno de renuncia de Gonzalo Pita. Ademais de bicos e apertas dos partidarios, os opositores optaron por recibir a Martín e a Pita lanzando arroz e co berro de “¡Vivan os noivos!”. Tamén se reforzaron as medidas de seguridade, con máis control de Policía Local e Garda Civil na entrada da casa consistorial.
Publicado en SALNÉS - CALDAS
SANXENXO> Telmo Martín recuperará mañá o bastón de mando de Sanxenxo. O voceiro do Partido Popular volverá a ser alcalde tralo pacto asinado con tres dos edís de SAL, que deixará ao xa exrexedor Gonzalo Pita como único tenente de alcalde do novo bipartito. Onte Pita oficializaba a súa dimisión durante un pleno bronco tanto dentro como fóra do consistorio. Así informaba Gonzalo Pita do único punto do día que reunía onte ao pleno de Sanxenxo. Tralo acordo asinado co Partido Popular para devolver a alcaldía a Telmo Martín, o xa exrexedor aseguraba ter a conciencia limpa. Segundo Pita, este cambio permitirá conseguir máis proxectos e obras para Sanxenxo. O edil nacionalista David Otero acusouno de ególatra, presidencialista, mentiroso e desleal, e cualificou este cambio como unha "automoción de censura". Para Coral González-Haba, exsocia socialista do tripartito os tres edís de SAL comparten o ADN co Partido Popular. De desleal tamén o cualificou o concelleiro non adscrito Roberto Carlos Agís, exmembro do cuatripartito que naceu das eleccións do 2015. Tampouco ocultou a súa decepción a edil de SAL contraria ao acordo co PP, Vanessa Rodríguez. Ante todas as críticas dos exsocios do cuatripartito, Telmo Martín foi o único valedor de Gonzalo Pita. O voceiro popular pediu respecto ao acordo acadado con SAL, e acusou a David Otero de ser o responsable de romper o tripartito. Mentres a tensión era palpable nas intervencións dos voceiros, fóra da casa consistorial numerosos veciños reclamaban poder entrar ao salón de plenos, pechado para controlar o aforo. A multitude increpou a Telmo Martín e a Gonzalo Pita cando abandonaron o concello, escoltados por axentes da Policía Local. Segundo anunciaron hoxe dende o concello, Martín será elixido mañá alcalde nun pleno extraordinario convocado para as 8 da tarde. Para evitar os problemas de aforon de onte, dende o Partido Socialista xa solicitaron que a sesión se traslade ao auditorio Emilia Pardo Bazán.
Publicado en SALNÉS - CALDAS
PONTEVEDRA> A rotura do goberno tripartito de Sanxenxo continúa de actualidade. Esta mañá pronunciáronse dende o Partido Popular Provincial, que non dubidan en sinalar á Deputación como responsables desta crise. Para o PP, as risas, os insultos e, aseguraron, a prepotencia do bipartito provocaron a fin do acordo de goberno. Os deputados populares non dubidan en sinalar ao goberno da Deputación de Pontevedra como o responsable da rotura do tripartito de Sanxenxo. Arévalo respaldou a postura de Gonzalo Pita sobre a obra da avenida Luís Rocafort; proxecto que foi o detonante dos desencontros entre os socios de goberno. Pola contra, acusou ao bipartito de rirse e insultar ao aínda rexedor de Sanxenxo. Os deputados aseguraron que Pita solicitara unha reunión na Deputación que non se atendeu. Descartan que a rotura viñera dada polo desacordo na construción de 19 prazas de aparcadoiro na avenida Luis Rocafort. Tamén esixiron ao goberno provincial que deixe de buscar responsable no Partido Popular, e que atenda a unha provincia que, aseguraron, está descontenta e decepcionada.
Publicado en PONTEVEDRA
VILAGARCÍA> O Partido Popular de Vilagarcía xa ten novo presidente. Alfonso González Gallego foi elixido onte por aclamación nun acto no que estivo arroupado por varias autoridades do PP. O novo responsable dos populares vilagarciáns comprometeuse a traballar duro para recuperar a alcaldía nas vindeiras eleccións. Dende onte e por aclamación, Alfonso González Gallego está á fronte do Partido Popular de Vilagarcía. Recolle así a testemuña de Tomás Fole, co obxectivo de empezar unha nova etapa e facer equipo. A convocatoria dun congreso local das novas xeracións para destacar o papel dos máis novos, o nomeamento dunha xunta directiva local que se reúna cos grupos parroquiais, a posta en marcha dun buzón de suxerencias e a creación de varios grupos de traballo, serán algunhas das medidas que pretende levar a cabo a curto prazo. Para elo, González Gallego rodéase dun equipo que definiu como novo, renovado e comprometido, convencido de que acadarán os seus obxectivos. Alfonso González non estivo só na súa elección. No Salón García estivo arroupado por cargos do Partido Popular. Tamén polo presidente saínte, Tomás Fole. Con esta renovación, para o Partido Popular comeza xa a carreira para recuperar a alcaldía no 2019.
Publicado en SALNÉS - CALDAS
BARRO> O Partido Popular pide á Deputación de Pontevedra que poña en marcha a segunda fase do polígono de Barro-Meis. Esta mañá, os deputados populares recordaron que a ocupación deste solo industrial é xa do 50%, e puxérono como exemplo da xestión de Rafael Louzán á fronte do goberno provincial. Os deputados do Partido Popular están máis que satisfeitos co éxito do Polígono de Barro-Meis. A formación recordou esta mañá que este fora un dos proxectos estrela do goberno de Rafael Louzán, e puxérono de exemplo da súa xestión. Arévalo recordou que o polígono xa está ocupado nun 50%; dato que no caso do viveiro de empresas ascende ata o 70. Por iso o PP pide á Deputación que poña en marcha a segunda fase. O exalcalde de Barro recordou que esta ampliación xa estivera sobre a mesa, e asegurou que hai terreos suficientes na contorna para acometela. Os deputados criticaron ademais ao goberno de Carmela Silva por, aseguraron, vivir das rendas que deixou en marcha o executivo de Rafael Louzán.
Publicado en SALNÉS - CALDAS
SANXENXO> O voceiro do Partido Popular de Sanxenxo critica a falta de comunicación do alcalde do municipio coa oposición. Telmo Martínez denunciou esta mañá que a estas alturas do ano o equipo de goberno aínda non contactou cos populares para falar sobre os orzamentos deste ano. O voceiro popular no municipio de Sanxenxo quixo esta mañá deixar claro ante a prensa a súa desconformidade coa actitude que o actual goberno do concello, o tripartito liderado polo independente Gonzalo Pita. Asegura que a falta de comunicación coa oposición é total, e que a estas alturas do ano no houbo ningún contacto para os temas máis esenciais do municipio. Martínez lembrou que o partido popular conta con 8 concelleiros, e o partido q ue lidera o tripartito só 4, polo que é a súa obriga falar coa oposición e dialogar os asuntos máis relevantes para os veciños de Sanxenxo. Telmo Martínez afirmou esta mañá que coa actitude do alcalde, o que está facendo é prexudicar os intereses comúns do concello, e que nestes case dous anos de goberno Gonzalo Pita está dando prioridade ó seu interese persoal e non ó interese xeral.
Publicado en SALNÉS - CALDAS
POIO> O Partido Popular de Poio deu hoxe a súa visión das presuntas irregularidades na contratación da Festa do Mar do 2014. Onte o BNG anunciaba que o edil de Turismo terá que comparecer como investigado ante o xuíz que, segundo insistiu Ángel Moldes, está a investigar un posible delito de prevaricación. Os populares negaron que estean a buscar réditos políticos, e aseguraron que non pedirán a dimisión de Xosé Lois Martínez. Onte o BNG de Poio facía público que o seu edil de Turismo terá que comparecer ante o xuíz para dar conta de presuntas irregularidades na contratación da Festa do Mar do 2014. Os nacionalistas falaban dunha "cuestión menor". Algo que non convence ao Partido Popular. Foi unha denuncia do PP ante a Fiscalía a que orixinou a causa. A formación presentou informes nos que os técnicos municipais advirten de presuntas irregularidades nas contratacións. Agora, o Ministerio Público explica por que se alteraron os procedementos. Deste xeito, Moldes saíu á palestra para defender á formación das acusacións que onte lles lanzaba o BNG. O voceiro popular asegurou que xamais buscaron rédito político. Moldes acusou ao goberno de actuar con prepotencia, e asegurou que na Festa do Mar do 2016 volvéronse producir anomalías na contratación.
Publicado en PONTEVEDRA
RIBADUMIA> Os deputados provinciais do PP continúan coa súa rolda de denuncias sobre o abandono da Deputación de Pontevedra aos concellos pequenos. Estes xoves Nidia Arévalo, Salomé Peña e Luís Aragunde acudiron ao entorno da senda peoníl da Pedra e da Auga en Ribadumia, e dende alí solicitaron o ente provincial que continúe os proxectos iniciados na anterior lexislatura, encabezada por Rafael Louzán.
Publicado en SALNÉS - CALDAS
> Para a presidenta da Deputación de Pontevedra, o PP tense convertido nun partido de hooligans. Carmela Silva valoraba así a campaña iniciada dende a formación provincial, que están a colgar carteis para denunciar a paralización de proxectos da administración que ela preside. Traballos que, segundo Silva, son ilegais. Hai unhas semanas o Partido Popular de Pontevedra puxo en marcha unha campaña: están a colgar carteis para denunciar a paralización de proxectos por parte da Deputación de Pontevedra. Unha medida que sorprende á presidenta provincial. Os populares colgaron o primeiro destes carteis en Meis pola paralización da urbanización dunha estrada. Esta semana fixeron o mesmo na variante de Rebón, en Moraña, paralizada en xullo. Silvan tamén apuntou que estes carteis estánse a colgar se permiso, e situou esta acción n aliña dos escraches que, asegurou, convocaron os populares en varios plenos. Como exemplo, Carmela Silva referiuse á Pousada da Ribadumia, paralizada por estar construída nun terreo propiedade do Arcebispado, que impide ao concello conceder a licenza.
Publicado en PONTEVEDRA
CAMBADOS> Unha noticia sobre a suposta edificación irregular dunha casa que ten que ver co entorno familiar da alcaldesa de Cambados, parece ser o motivo polo cal o Partido Popular da vila podería reclamar unha comisión de investigación a fin de esclarecer esta situación. Pola súa banda, Fátima Abal, afirma que facilitará toda a documentación necesaria para comprobar que a edificación está dentro da legalidade, e ademais pide respecto para o seu ámbito familiar.
Publicado en SALNÉS - CALDAS
SANXENXO> O Partido Popular de Sanxenxo volve denunciar falta de transparencia no goberno tripartito. Dende a formación aseguran que o executivo non proporciona aos concelleiros da oposición a documentación que solicitan. O PP de Sanxenxo volve criticar a falta de transparencia do goberno tripartito. Segundo os populares, o executivo continúa a pór trabas ao seu labor de oposición, dificultándolles o acceso á documentación que solicitan. O edil popular insistía en que o acceso á documentación municipal é un dereito dos membros da corporacion que non precisa de supervisión do executivo. Esta mesma mañá, o PP solicitaba no rexistro información sobre os gastos e as dietas do goberno. Unha información que xa fora pedida polo edil non adscrito Roberto Agís, e que o executivo insistiu en revisar. Segundo os populares, esta situación é unha mostra máis da falta de talante democrático e de transparencia do goberno tripartito de Sanxenxo.
Publicado en SALNÉS - CALDAS
Páxina 1 de 10
HomeSalnés - CaldasMostrando artigos por etiqueta: Partido Popular Top of Page

Síguenos en facebook