• Facebook
  • Twitter
  • Rss
  • Plus
PONTEVEDRA> A caravana do enoturismo chegou hoxe a Pontevedra. Durante todo o día, a praza de España acolleu a visita deste enotruck, que percorre as cidades galegas achegando a oferta turística das cinco rutas do viño da comunidade aos potenciais usuarios. Explicacións, catas e incluso un concerto, compoñen esta acción promocional. As Rutas do Viño Galegas, preparadas para sacar á rúa todos os seus encantos. Concentrando exemplos das súas propostas nun enotruck, levan unha semana percorrendo as principais cidades da comunidade. Hoxe, a parada foi en Pontevedra. As Rutas do Viño Rías Baixas, Monterrei, Ribeira Sacra, Valdeorras e Ribeiro demostraron o seu tirón, colgando o cartel de cheo nas catas que acolle o enotruck. E é que as catas son a actividade estrela desta acción promocional. Nelas, os participantes poden realizar unha viaxe polas diferentes Denominacións de Orixe a través dalgúns dos seus caldos. Sempre guiados pola sumiller Mercedes González. Esta actividade nace da iniciativa da marca paraugas Enoturismo en Galicia, que aúna as cinco Rutas do Viño. Tamén conta co apoio do Clúster de Turismo e de Turismo de Galicia, que decidiron optar pola proactividade para atraer potenciais enoturistas.
Publicado en PONTEVEDRA
PONTEVEDRA> A Deputación de Pontevedra pon en marcha unha campaña para explotar as Rías Baixas como destino turístico para os que se despracen en moto. Por iso dende o organismo provincial crearon unha guía con catro rutas para aqueles motoristas que visiten a provincia.
Publicado en PONTEVEDRA
Pontevedra>Dende a vindeira semana e ata o mes de novembro poderán desfrutar dos mini cruceros costeiros. Unha oportunidade única para coñecer o litoral galego dende o mar. Portos de Galicia, a Axencia Galega de Turismo e a Axencia Galega de actividades náuticas presiden esta iniciativa que busca a desestacionalizar o turismo.
Publicado en PONTEVEDRA
Pontevedra> A provincia de Pontevedra ven de vivir o mellor mes de xullo, turísticamente falando, dos últimos 10 anos. Carmela Silva subliñou que a ocupación foi 12 puntos superior a do 2015. En total a provincia contou cun 84 por cento de ocupación no mes de xullo.
Publicado en PONTEVEDRA
Pontevedra> O mes de agosto chega con alternancia de nubes e claros e sen probabilidade de precipitacións. Tras un mes de xuño excepcional, xullo chegou algo revolto e para este mes de agosto que estamos a pique de inaugurar, a cidadanía e o turismo, piden sol e calor, a temperatura típica para esta época do ano.
Publicado en PONTEVEDRA
AS NEVES> Despois de varias presentacións na provincia, finalmente chegou a celebración da Festa do Tinto de As Neves. Un evento que nesta ocasión celebraba a súa doceava edición reivindicando a importancia do tinto de Rías Baixas.
Publicado en PONTEVEDRA
Pontevedra> A presidenta da Deputación deu a coñecer, esta mañá, unha estimación moi prudente, da ocupación hoteleira para este verán. As Rías Baixas contarán cunha ocupación media do 78,36%. Concellos como os de Cambados, O Grove e Sanxenxo colgarán, durante o mes de agosto, o cartel de completo.
Publicado en PONTEVEDRA
PONTEVEDRA> As adegas da Denominación de Orixe Rías Baixas continúan petando en portas estadounidenses. Esta mañá, a sé do consello regulador acolleu a primeira das dúas reunións de traballo que seis importadores norteamericanos manterán con 24 adegas inscritas. Trátase da primeira vez que se celebra esta iniciativa. Conquistar o mercado americano ou ampliar a súa presenza. Este é o obxectivo das 24 adegas da Denominación de Orixe Rías Baixas que están a participar na iniciativa posta en marcha polo Consello Regulador. É a primeira vez que a Denominación de Orixe pon en marcha esta iniciativa, coa presenza de seis importadores de todo o territorio estadounidense. As reunións forman parte dunha misión inversa, durante a que poderán coñecer in situ as peculiaridades de Rías Baixas. Os importadores estiveron acompañados por Megan Pisani, da axencia Gregory White PR coa que se colabora no desenvolvemento do Plan de promoción do Consello Regulador en Estados Unidos. Segundo Pisani, esta actividade axuda a dar máis presenza aos Rías Baixas. Mínguez, pola súa banda, destacou o importante peso que Estados Unidos ten para as adegas e os caldos de Rías Baixas. Un mercado no que, asegurou, aínda queda moito percorrido.
Publicado en PONTEVEDRA
Pontevedra> Cinco prescriptoras estadounidenses iniciaron hoxe unha visita a Denominación de Orixe Rías Baixas. O obxectivo coñecer con maior profundidade os viños que se elaboran nas diferentes subzonas. Nesta visita deixaron claro que o albariño está en auxe nos Estados Unidos presentándose como unha alternativa ao chardonnay. REPOR Cinco prescriptoras estadounidesnses están estes días nas Rías Baixas para coñecer e facer un repaso polos caldos da Denominación de Orixe. Visitarán 8 bodegas e catarán diferentes viños. O obxectivo é que descrubran os matices e teñan máis coñecemento sobre viños das Rías Baixas. TOTAL Din que en Estados Unidos gusta moito o viño albariño, incluso a directora de promoción dos viños Rías Baixas en Estados Unidos nos dixo esta maña que un famoso crítico de viños dixo que o albariño é unha das principais alternativas ao chardonnay. TOTAL O perfil do consumidor de albariño en estados unidos é moi amplo, pero sobre todo xente nova. TOTAL Estados Unidos é o principal mercado exterior para os viños da Denominación de Orixe Rías Baixas, cun crecemento sostido. No 2016, o 38,55 por cento do viño exportado polas bodegas da denominación tivo como destino o país americano.
Publicado en PONTEVEDRA
Pontevedra> A Ponte de Maio deixou un 77, 15 por cento de ocupación na provincia, 15 puntos máis que no mesmo período do pasado ano. Concellos como o do Grove superou o 80 por cento e Pontevedra o 90. Uns datos, que segundo a Presidenta da Deputación, son máis que positivos para as Rías Baixas.
Publicado en PONTEVEDRA
Pontevedra> Máis de 100 mil persoas visitaron ao longo do 2016 a Ruta do Viño Rías Baixas. Rexístrase así, un incremento do 15 por cento en relación ao 2015. Este primeiro balance, baseado nos datos do informe da Asociación de Cidades Españolas do Viño, foi presentado esta mañá polo presidente da Ruta do Viño e pola xerente desta entidade.
Publicado en PONTEVEDRA
SANXENXO> O turismo disparouse durante esta Semana Santa conseguindo segundo sinalan fontes do sector cifras de ocupación históricas. A ocupación en Sanxenxo durante estas datas sinaladas achegouse a case o 90% da oferta.
Publicado en SALNÉS - CALDAS
Páxina 1 de 4
HomeSalnés - CaldasMostrando artigos por etiqueta: Rías Baixas Top of Page

Síguenos en facebook