09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
RIBADUMIA> O Partido Popular de Ribadumia responde á polémica aberta estes días en relación co tanatorio. A exalcaldesa Salomé Peña nega que o concello teña que indemnizar ao Arcebispado. Explica que os 50.000 euros a pagar responden ao incumprimento do convenio asinado no 2010 polo que o concello cedía á Igrexa unha parcela a cambio da ocupada polo tanatorio. Segundo Peña, o actual goberno non fixo ningunha xestión para renovar o convenio unha vez vencido o prazo, e evitar así o pagamento. Salomé Peña recoñece que o convenio asinado coa Igrexa no 2010 para conseguir os terreos para o tanatorio recollía dúas posibilidades: ben o concello cedía outra parcela de 2.000 metros cadrados ao Arcebispado na Carballeira de Barrantes, ben pagaban o prezo da parcela. A cesión non se materializou aínda polos retrasos na urbanización do terreo da Carballeira. Por iso, para o Partido Popular de Ribadumia, que o concello teña que aboar 50.000 euros ao Arcebispado polo terreo que ocupa o tanatorio é froito da mala xestión do executivo, por non buscar unha prórroga deste convenio que, ademais, asegura que coñecían, xa que foi aprobado en pleno. Ademais de defender a súa xestión no referente ao tanatorio, os populares tamén o fixeron co proxecto das Pousadas do Salnés. O edil Luis Serantes respondeu ás críticas da presidenta provincial, que cualificaba o plan de escandaloso e cheo de irregulariedades. Dende a formación reclamaron a concello de Ribadumia e Deputación que axilicen os trámites para a posta en funcionamento da Pousada do municipio, a única do proxecto que permanece pechada.
Publicado en SALNÉS - CALDAS
RIBADUMIA> En marcha as obras de mellora da seguridade viaria no polígono do Salnés. O proxecto ten un custo de 159.000 euros, subvencionados nun 95% pola Xunta de Galicia. Os traballos diríxense á creación dunha senda peonil entre os dous parques empresariais e unha beirarrúa nas proximidades do cruce cara o parque de bombeiros do Salnés. Xa están en marcha as obras de mellora da seguridade viaria no polígono do Salnés, que comparten os concellos de Cambados e Ribadumia. A actuación diríxese á construción dunha senda peonil e unha beirarrúas nas proximidades do cruce cara o parque de bombeiros. A actuación continuará no Polígono de Sete Pías. Neste parque está previsto o pintado e asfaltado das diferentes rúas, ademais da colocación de dúas pantallas xigantes con información das empresas asentadas. Por iso, mentres se desenvolven os traballos tanto Cambados como Ribadumia piden precaución aos condutores, e paciencia ante as dificultades no tráfico que poidan aparecer. O proxecto ten un custo de 159.000 euros, dos que os concellos só terán que poñer un 5%. O restante correrá a cargo da Xunta de Galicia. O prazo de execución dos traballos é de 15 días.
Publicado en SALNÉS - CALDAS
Luns, 16 Outubro 2017 18:23

O lume tamén arrasou o Salnés

SALNÉS> O Salnés tamén ardeu na negra xornada de onte en Galicia. Dous dos puntos máis afectados polas lapas foron a parroquia de Armenteira, en Meis, e varias parroquias de Catoira debido a un lume que se orixinou onte á tarde no monte de Xiabre. Aínda que esta maña os incendios estaban controlados, os veciños máis prexudicados non daban crédito ó acontecido. Desolación e impotencia, é a o que se atopaba esta mañá ó percorrer as zonas máis afectadas do Salnés tralo domingo negro vivido onte en toda Galicia. A comarca tamén ardeu, e fíxoo de xeito voraz. María, unha veciña de Pereiras, en Armenteira, Meis, non era quen de lembrar como onte á noite estivo a piques de perdelo todo. A súa casa, en cuestión de minutos, aparece completamente rodeada polas lapas. Varias vivendas tiveron que se desaloxadas aquí na Armenteira, polo lume que se orixinou nun eucaliptal pasadas as nove da noite, e que se foi propagando avivado polo forte vento. Como moitos outros puntos, aquí tamén, a colaboración dos veciños, xunto co traballo de bombeiros e protección civil. fundamental. Un inferno para as persoas, pero por suposto, para os animais que viven nos montes .(rec caballos) A solidariedade necesaria máis ca nunca, tamén en Catoira. Desde o monte, as lapas correron como a pólvora monte abaixo debido ó vento, ata chegar a varias parroquias de Catoira. Unha das máis afectadas, Coaxe, tivo que ser desaloxada. Aquí xerente Manolo unha Casa Rural. Este mediodía os brigadistas continuaban na zona realizando labores de control. Parece que o peor xa pasou, pero agora queda unha pregunta ó aire, poderíase ter evitado? Poderemos evitalo de haber unha próxima vez?
Publicado en SALNÉS - CALDAS
RIBADUMIA> O deporte estivo de festa en Ribadumia. O concello celebrou a súa segunda Gala, na que se recoñece o traballo de deportistas, persoeiros e clubes máis destacados do municipio. Ribadumia despediu a súa Semana Europea do Deporte por todo o alto. O auditorio acolleu a segunda edición da Gala do Deporte; acto co que o concello recoñece o labor de deportistas e entidades. Os grandes protagonistas foron o Náutico O Muíño, o Umia Club de Fútbol, o Ribadumia e o Desguaces Tino Racing, con varios dos seus deportistas recoñecidos en diferentes categorías. O Desguaces Tino, ademais, foi recoñecido como mellor equipo, mentres que o Ribadumia escolleuse como o mellor club. Pablo Torres, do Umia, alzouse como mellor adestrador, mentres que na categoría ao mérito deportivo o recoñecemento recaeu no secretario do Ribadumia, José Ramón Serantes.
Publicado en DEPORTES
RIBADUMIA> O deporte domina esta semana Ribadumia. O concello está metido de cheo na conmemoración da Semana Europea do Deporte, con actividades para todos os públicos dirixdas a fomentar todo tipo de disciplinas. Hoxe, a cita foi no auditorio, coa inauguración da exposición De Pontevedra a Río, promovida pola Deputación de Pontevedra. Ribadumia sumouse á celebración da Semana Europea do Deporte. Dende o pasado sábado, as actividades deportivas mobilizan aos veciños de todas as idades. A Semana do Deporte culminará este sábado cunha gran cita. O Auditorio acollerá a segunda Festa do Deporte, na que o concello recoñecerá o labor das diferentes entidades deportivas do municipio. Pero antes desta gran cita, as actividades están sucedéndose en Ribadumia. Esta mañá, o concello inaugurou a exposición De Pontevedra a Río, promovida pola Deputación de Pontevedra, e que é un recoñecemento ao traballo dos deportistas pontevedreses que participaron nas Olimpíadas de Río 2016. Para o concello, esta mostra é un xeito máis de promocionar o deporte entre a mocidade, e promover o benestar social que trae consigo a práctica deportiva.
Publicado en SALNÉS - CALDAS
RIBADUMIA> O concello de Ribadumia súmase á Semana Europea do Deporte que se celebrará xa a partir de mañá sábado. Sendeirismo, padel, actividades para nenos, zumba ou tenis de mesa son algunhas das actividades propostas nun programa, que terá no sábado 30 o seu día grande, coa celebración da Gala do Deporte. O concello de Ribadumia continúa coa súa aposta por inculcar o deporte á sociedade, xa desde nos veciños máis pequenos da casa. Por iso súmase á Semana Europea da Mobilidade cun programa chego de actividades, que comezarán xa mañá sábado 23 e rematarán o sábado 30. Unha diversidade de actividades deportivas para tódalas idades, que terán no mércores 27 o seu día destinado ós máis pequenos, con actividades nas que participarán máis de 250 nenos de 3 a 7 anos, grazas á colaboración do concello co CEIP Julia Becerra Malvar e o CRA de Ribadumia . O broche final chegará o sábado día 30 coa celebración da Gala do Deporte, que será conducida polo humorista Federico Pérez. Ademáis, Ribadumia completa a Semana do Deporte con xornadas de portas abertas no ximnasio municipal e no Club de Tenis de Mesa do concello, do 25 ó 29 de setembro.
Publicado en SALNÉS - CALDAS
RIBADUMIA> Este martes era a voceira popular de Ribadumia a que denunciaba o cobro "desproporcionado" das facturas da auga en Sisán e Barrantes, por unha neglixencia do concello... pois ben, hoxe é o propio alcalde quen pide "prudencia" ante as declaracións de Salomé Peña, e explica o problema que está a acontecer cos recibos da auga nestas parroquias.
Publicado en SALNÉS - CALDAS
RIBADUMIA> Os populares de Ribadumia denuncian que algúns veciños están a recibir nas súas casas uns recibos de auga abusivos e desproporcionados, ao seu entender. A voceira do PP na vila presentou este martes unha queixa por rexistro no concello para dar solución a este problema.
Publicado en SALNÉS - CALDAS
RIBADUMIA> Ninguén é profeta na súa terra, é a frase que se lle podería aplicar á nosa seguinte protagonista, se lle engadimos, ata que o recoñecemento chega dende case 10.000 quilómetros de distancia. É o espazo que separa Ribadumia de Montevideo, en Uruguai. Lugar de nacemento e lugar de traballo durante sete anos de Élida Abal. Esta mañá o concello de Ribadumia homenaxeou a esta veciña pola súa Vieira de Prata. A vieira de Prata é un recoñecemento concedido polo Patronato da Cultura Galega, e que recibiron persoeiros como Luis Seoane ou Isaac Díaz Pardo, polo seu traballo en prol da defensa da lingua galega. O concello de Ribadumia tivo que enterarse pola vicepresidenta do Patronato hai un mes, que unha das súas veciñas, Élida Abal, era a homenaxeada coa Vieira de Prata 2017. Élida, profesora e filóloga galega, natural de Cabanelas, desde o 2002 ó 2008 impartiu clases de galego no país uruguaio. Enviada pola Xunta de Galicia ó Centro de Estudos Galegos da Universidade da República,entre outra entidades, tamén colaborou no Patronato, onde fixo moitos amigos e pasou momentos entrañables. De ahí que o recibimento da Vieira no mes pasado, fose tamén algo moi emotivo para Élida. O recoñecemento esta mañá por parte do seu concello rematou coa entrega dun ramo de flores, que Élida recibiu acompañada polos seus pais, e coa sinatura da profesora no Libro de Honra do concello de Ribadumia.
Publicado en SALNÉS - CALDAS
RIBADUMIA> A Festa do Pan volve a Ribadumia. Este sábado a Carballeira acollerá a décimo sexta edición, que terá como protagonista indiscutible este alimento. Obradoiros para elaboralo, cata, música e baile, son algúns dos elementos que non faltarán nesta proposta festiva. Un ano máis, e xa van 16, a Carballeira de Ribadumia acollerá este sábado a súa Festa do Pan. Unha celebración dedicada a exaltar a tradición deste produto. A partires das 5 da tarde, a organización comezará a recollida de postres e empanadas para o concurso de produtos caseiros que se fará ás 8 e media. Ás sete da tarde celebrarase un obradoiro para que os máis pequenos coñezan o proceso de elaboración do pan. Despois, ás 9, representarase a moenda nos Muíños de Batán. A festa volverá despois á Carballeira, coa cea de confraternidade a prezos populares. A celebración estará amenizada polo Dúo Marema.
Publicado en SALNÉS - CALDAS
Se lles gusta o fútbol de nivel, esta fin de semana teñen unha cita en O Salnés. A XXVI Edición do Torneo de Fútbol de Ribadumia, que este ano organiza o Club Deportivo de Ribadumia, enfrontará aos dous conxuntos locais contra o Zacande e o Sanxenxo.
Publicado en SALNÉS - CALDAS
RIBADUMIA> O concello de Ribadumia denuncia estragos na senda do Umia. Esta mañá, o goberno local e camiñantes atopábanse coa varanda da entrada dende a ponte de Cabanelas completamente arrincada. Os feitos xa se puxeron en coñecemento da Garda Civil. Esta mañá, Ribadumia amencía cunha desagradable sorpresa. Todos os valos que marcan unha das entradas á senda das marxes do Umia, dende a ponte de Cabanelas, foran completamente arrincadas. Non é a primeira vez que os vándalos danan o mobiliario urbano do concello. Un dos últimos episodios produciuse a semana pasada, cando actuaron sobre o alumeado. Os feitos xa foron denunciados ante a Garda Civil, que esta mañá achegouse ata o lugar para comprobar o sucedido, que conta co rexeitamento de todos os veciños. A intención do goberno local é que xa mañá comecen os traballos para repoñer os valos nos seus lugares canto antes.
Publicado en SALNÉS - CALDAS
Páxina 1 de 7
HomeSalnés - CaldasMostrando artigos por etiqueta: Ribadumia Top of Page

Síguenos en facebook