• Facebook
  • Twitter
  • Rss
  • Plus
VILANOVA> Poemarios infantís, conferencias, lecturas dramáticas e ofrendas florais, son algunhas das accións que se levarán a cabo para conmemorar en Vilanova o 151 aniversario do nacemento de Valle-Inclán, durante a semana cultural que o concello lle dedica ó célebre escritor. Este ano, ademais, coa súa vila natal, como gran protagonista. Aínda que a semana grande será a do 20 ó 29 de outubro, xa comezaron as actividades en Vilanova para conmemorar os 151 anos do nacemento de Valle-Inclán. Como é habitual no mes de decembro, a súa vila natal prepara para outubro unha semana de homenaxe ó seu veciño máis célebre. O pasado día 6 xa se presentou un poemario infantil, e o continúan as actividades o próximo día 20 cunha Conferencia centrada nos resultados das intervencións arqueolóxicas de Cálago, xa que este ano, a protagonista da semana é a vila natal do escritor. Por iso, o sábado 22 volverá haber unha conferencia a cargo de Alicia Padín, sobre os documentos e elementos conservados sobre Cálago. Unha vinculación, a do escritor con Cálago, que vén xa desde o seu pai, un home moi interesado pola riqueza arqueolóxica de Vilanova. O día 27 son os actos máis fortes da homenaxe. Os actos rematan o sábado 28 cunha conferencia sobre o pazo de A Xunqueira, un espazo moi vencellado á familia de Valle Inclán. O edil de Promoción Económica destacou tamén na presentación o aumento de visitas na Casa Museo Valle Inclán onde se celebrou a presentación, leva xa unhas 6.000 visitas no que levamos de ano, a mesma cifra que en todo o ano pasado, unhas cifras que veñen abaladas pola relevancia que está acadando na comarca a Variante espiritual do Camiño de Santiago.
Publicado en SALNÉS - CALDAS
VILANOVA> O Plan de Limpeza de Fondos Mariños, que anualmente realiza Portos de Galicia, centrouse este ano en cinco concellos, entre os que estaban Vilanova e O Grove. En concreto entre as intervencións nos fondos de estes dous concellos retiráronse más de sete toneladas de lixo.
Publicado en SALNÉS - CALDAS
VILANOVA> A Subdelegada do Goberno en Pontevedra, Ana Ortiz, visitou Vilanova de Arousa, onde participou na Xunta de Seguridade Local do municipio. Ortiz sinalou ao termo da reunión, que Vilanova é un concello seguro.
Publicado en SALNÉS - CALDAS
VILANOVA> Esta mañá presentáronse oficialmente os novos cursos das escolas de Música e Arte no concello de Vilanova. Durante o a presentación o alcalde, Gonzalo Durán, aproveitou para anunciar que antes de que remate este curso a Escola de Música contará coa súa nova sede no Esteiro. As escolas municipais de Música e de Arte de Vilanova comezan novo curso con importantes novidades. Pola súa banda, a escola de música inaugura curso coa motivación de que antes de que remate este ano trasladaranse desde Vista Real ata o novo Auditorio do Esteiro, que tal e como indicou o alcalde esta mañá na presentación do novo curso, estará listo ó longo deste ano. No que respecta á Escola de Arte, clases que se imparten no Albergue das Sinas, comeza este curso con novidades de cara ás materias e disciplinas que aprenderán os estudantes. Este ano a escla de arte trae outra novidade, que é un obradoiro destinado a maiores para desenvolver a súa memoria e non perder habilidades, que terá lugar os mércores de dez a doce da mañá.
Publicado en SALNÉS - CALDAS
VILANOVA> Este xoves celebrouse unha Comisión Municipal de Patrimonio onde se discutiu sobre 21 expedientes de obras que se atopan dentro do conxunto histórico de Cambados. Este é un primeiro paso antes de que os mesmo acudan a Xunta de Goberno Local para proceder, segundo cada caso, a súa aprobación.
Publicado en SALNÉS - CALDAS
VILANOVA> Que se poidan percorrer as zonas máis bonitas de Vilanova de Arousa a través dun circuíto de sendas, é o obxectivo que persegue o concello. Hai pouco máis dunha semana o municipio engadiu ao seu mapa de camiños a senda do Ariño, de case 800 metros de lonxitude. Hoxe recibiu a visita da Subdelegada do Goberno e da xefa do Servizo Provincial de Costas. A do Ariño sumouse hai pouco máis dunha semana ao mapa de sendas de Vilanova de Arousa. O treito une a pasarela peonil do Terrón coa estrada PO-306, cun percorrido de 800 metros pensado para os peóns. Dende o concello destacaron a acollida que ten este camiño. A súa intención é nos próximos dous meses dotar o percorrido de luminarias, que melloren as condicións para transitar a senda a diferentes horas. Tamén instalaron varios bancos, adornados coa frase "Presume de Vilanova". O goberno local quere apostar por este tipo de percorridos. De feito, o rexedor aproveitou a visita da Subdelegada do Goberno e da Xefa Provincial de Costas para plantexarlle o seu seguinte proxecto: a senda do Terrón. Dende Costas amosaron a súa predisposición, sempre e cando o concello consiga os terreos precisos para executalas. Deste xeito, Vilanova contaría cun circuíto de case 5 quilómetros de sendas peonís, dos que xa están executados ao redor de 3.
Publicado en SALNÉS - CALDAS
VILANOVA> Aqueles emprendedores interesados en impulsar o seu proxecto no Coworking que se vén de crear en Vilanova, aínda están a tempo. Das 22 ideas que recibirán asesoramento e apoio económico, xa están asignadas 10. Esta mañá representantes do Igape explicaron os detalles no Pazo de Vista real. Hai dúas semanas o conselleiro de Economía, Francisco Conde, anunciaba o primeiro Coworking que a Xunta organizaba na provincia de Pontevedra, e que tería como centro neurálxico o Pazo de vista Real de Vilanova. Hoxe, xa é unha realidade. E dos 22 proxectos que conformarán esta aceleradora empresarial, xa hai 10 solicitudes de diversos emprendedores. Aínda quedan prazas vacantes, polo que esta mañá, acompañados por representantes do Igape, desde o concello quixeron animar a todos aqueles que teñan unha idea a sumarse a este iniciativa, que ademais é gratuita . O concelleiro de Promoción Económica destacou a importante axuda que supón para os proxectos formar parte dunha aceleradores deste tipo. Os representantes do Igape, explicou os requisitos que se precisan para formar parte deste coworking, centrado fundamentalmente nos sectores dos turismo e da alimentación, pero tamém, nas tecnoloxías da información e a comunicación. Está previsto que antes de que comece setembro estén asignadas as 22 prazas deste coworking, que terá unha duración de 5 meses.
Publicado en SALNÉS - CALDAS
VILANOVA> Pazo Baión arrincou hoxe a campaña da vendima. Preto de 50 persoas comezaron esta mañá coa recollida de acios, que este ano ponse en marcha con quince días de adianto respecto da vendima pasada. Segundo os cálculos, en Pazo Baión recolleranse ao redor de 140.000 quilos de uva de excelente calidade. A vendima deste 2017 tamén é madrugadora en Pazo Baión. A adega arrincou esta mañá os traballos de recollida de acios, despois de que as chuvias da fin de semana axudaran a compensar os parámetros. Así a uva das fincas de Pazo Baión entrará en perfecto estado sanitario. Tamén recollerase cantidade. De feito, calculan que se rondarán os 140 mil quilos. Segundo os cálculos dos técnicos, a vendima das 24 hectáreas de viñedo de Pazo Baión prolongarase ao redor de 15 días. Para esta campaña, a adega conta con case 50 vendimadores. Dez deles forman parte do programa de reinserción de ex-toxicómanos que Condes de Albarei ten en marcha dende o 2008, ano no que mercou o Pazo Baión. Pazo Baión xa vendima a pleno rendemento. Non así en Condes de Albarei. Estes días a cooperativa comezou coa recollida dos acios para elaborar un dos seus viños especiais, o Enxebre, que procede de cepas vellas. O groso da campaña arrincará o día 6, e calculan que rondarán os 3 millóns de quilos de uva recollida.
Publicado en SALNÉS - CALDAS
Pontevedra> Dende Portos de Galicia presentaron esta mañá a 4ª fase do plan de limpeza de dársenas. Un plan que se executará en 5 zonas da provincia entre os que se atopa o porto de Vilanova de Arousa e o de Meloxo, no Grove. Os traballos comezarán o 18 deste mes.
Publicado en PONTEVEDRA
CAMBADOS> A primeira das catas arqueolóxicas en Cálago, en Vilanova, certifica a presenza de restos de tellas e cerámicas romanas, o que parece indicar que Vilanova naceu neste espazo arqueolóxico hai máis de 2000 anos. Hoxe, durante a segunda xornada de escavacións estivemos co equipo a pe de campo. A primeira cata arqueolóxica realizada na zona de Cálago, en Vilanova de Arousa, xa deu resultado. O equipo formado polos 5 arqueólogos que están levando a cabo as prospeccións, non queren adiantarse ós acontecementos, pero aseguran que xa na primeira xornada da escavación, que comezou onte, atoparon relevantes achados para poder datar o espazo. Tal e como nos contou esta mañá o Arqueólogo Director das intervencións. A intervención dividirase en catro catas en catro zona diferentes do espazo arqueolóxico de Cálago. A primeira, a que xa se comezou a escavar é esta, a da terraza, na zona máis próxima ó actual cemiterio. Esta mañá tamén o alcalde de Vilanova visitou a escavación en varios momentos para comprobar o avance dos descubrimentos. Alí asegurounos que xa hai permiso para repetir a escavación o ano próximo, e que segundo o que se atope nas xornadas vindeiras, estudarase o ampliar a intervención a máis anos. Coa autorización de Patrimonio, as catas contan cun presuposto de 12.000 euros financiados a partes iguais polo Concello e A Xunta. O prazo de execución dos traballos será duns 13 días.
Publicado en SALNÉS - CALDAS
Vilanova contará cunha aceleradora sectorial para apoiar o emprendemento innovador no concello e na comarca. O anuncio deste novo espazo de coworking fíxoo esta mañá o conselleiro de Economía, Francisco Conde, durante unha visita á adega vilanovesa Gran Vinum. Promover o emprendemento e apoio ós empresarios de VIlanova, especialmente do sector turístico e vitivinícola do municipio. É o obxectivo do acelerador que se creará neste concello, a través dun convenio que veñen de asinar o goberno vilanovés e a conselleria de Economía. A acelerador estará instalado a partir de setembro no Pazo de Vista real e os interesados en optar a esta axuda para a promoción económica xa poden comezar a cursar a súa solicitude. Tal e como anunciou esta mañá o Conselleiro de Economía,Francisco Conde, durante a visita á adega vilanovesa Gran Vinum. Acompañado polo Delegado territorial da Xunta en Pontevedra, José Manuel Cores Tourís, e o alcalde vilanovés, Gonzalo Durán, o conselleiro coñeceu de primeira man esta adega, unha das que conta con máis proxección e que exporta o 90 por cento da súa produción. O xerente da Adega, Enrique Piñeiro, agradeceu a visita e o apoio que recibe por parte, tanto da Xunta como do concello, e fixo unha estimación máis que positiva da produción deste ano. A colleita deste ano, Gran Vinum ten previsto comezala o próximo 10 de setembro, unhas dúas semanas antes do habitual. Un adianto xeneralizado no sector vitivinícola debido ás condicións climatolóxicas vividas durante este 2017.
Publicado en SALNÉS - CALDAS
VILANOVA> Vilanova non temeu á Festa do Albariño. A vila arrasou coa súa proposta tirando de espectáculo de folclore de todo o mundo. Máis de 2.000 persoas desfrutaron da proposta de O Mundo a Danzar, que os levou ata Rusia, México, Chile e Taiwan coa actuación de máis de 200 participantes. Vilanova apostou polo folclore para a súa noite de sábado. E triunfou. Máis de 2.000 persoas reuníronse no Xardín Umbrío para gozar do espectáculo de O Mundo a Danzar. Esta cita recupera o espírito da Romaría Internacional que tan bos resultados deu ao concello. Pasadas as dez e media da noite, 200 bailaríns procedentes de Taiwán, Rusia, México e Chile levaron a tradición dos seus países ata Vilanova. Con esta actuación, Vilanova pon en marcha o seu calendario festeiro, que se prolongará ata finais deste mes. A vindeira cita marcada con vermello é este venres, coa actuación da Orquestra Panorama. Outro dos atractivos da fin de semana foi a celebración da Feira da Cervexa Artesanal, que reuniu en Vilanova a seis fabricantes desta bebida, e que tamén foi un éxito de público.
Publicado en SALNÉS - CALDAS
Páxina 1 de 15
HomeSalnés - CaldasMostrando artigos por etiqueta: Vilanova Top of Page

Síguenos en facebook