• Facebook
  • Twitter
  • Rss
  • Plus
VILANOVA> O concello de Vilanova de Arousa asinou este mércores un convenio de colaboración co Banco de Alimentos Rías Baixas, co que se compromete a colaborar coa entidade naquelo que precisen.
Publicado en SALNÉS - CALDAS
VILANOVA> Vilanova de Arousa repite este ano como sé dun dos campos de traballo organizados pola Xunta de Galicia. Vinte mozos e mozas de entre 18 e 30 anos gozarán do entorno e de diferentes actividades deportivas, ao mesmo tempo que se ocupan da limpeza da senda costeira do Terrón-Patiñas. Vilanova repite como sé dun dos campos de traballo organizados pola Xunta de Galicia. O concello recibirá vinte mozos e mozas de entre 18 e 30 anos e procedentes de diferentes países, para participar neste encontro que abordará cuestión ambientais e relacionadas co medio mariño. O campo terá como actividade principal a limpeza da senda da costa do Terrón-Patiñas, área de gran valor ecolóxico e turístico. Tamén realizarán tarefas de recuperación da arquitectura mariñeira da zona do Illote da Insuíña. Esta mañá, o Conselleiro de Política Social e o rexedor vilanovés asinaban o convenio para organizar esta actividade. Varela e Durán destacaron o importante papel que xogan como ferramenta na educación non formal da mocidade. Neste verán a Xunta organizará 28 campos de traballo nas catro provincias galegas, ofertando case 10 mil prazas.
Publicado en SALNÉS - CALDAS
VILANOVA> A artista española e coñecida a nivel internacional Lita Cabellut "desembarcou" en O Salnés. Esta mañá estivo no albergue de As Sinas onde se presentou o proxecto que prepararon centros escolares e asociacións de catro concellos da comarca durante as últimas semanas con motivo da Semana pola Educación artística que impulsa a Unesco e que este ano teñen a artista catalá como homenaxeada.
Publicado en SALNÉS - CALDAS
Xeración 0-0: Cero accidentes, cero vítimas. É o que nos deparan as novas xeracións no que a seguridade viaria se refire. A lo menos iso é o que persegue a Policía Local de Vilanova, un ano máis, coas súas visitas ós colexios do concello. Esta mañá estiveron cos alumnos do centro Xulio Camba. Ese é o obxectivo de Maqui, este policía local que leva dez anos difundindo consellos da seguridade viaria nos colexios de Vilanova. Grazas ás súas clases, unha xeración de vilanoveses ten moi claro o que hai que facer para evitar accidentes de tráfico. Eles son alumnos de sexto de primaria do Colexio Xulio Camba de Vilanova. Esta mañá foi a última das sesións desta iniciativa do concello e da policía local, que busca que os cativos actúen de valedores da seguridade ante os seus pais. Hoxe, ó ser a última xornada, os pequenos tiveron a recompensa pola atención prestada nas sesións. E para os que cren que a educación viaria debería facerse a partir da secundaria, Maqui asegúranos que non é así. Hoxe remataban estas clases tan vitais, e eles non se lles vai esquecer o máis importante.
Publicado en SALNÉS - CALDAS
VILAGARCÍA> Prisión provisional comunicada e sen fianza para un dos detidos na operación antidroga que onte se despregou na comarca de O Salnés. Hoxe prestou declaración nos xulgados de Vilagarcía. Tamén o fixeron outros catro dos seis detidos, que o xuíz deixou en liberdade con comparecencias quincenais. No marco da operación realizáronse media ducia de rexistros en Cambados, Vilagarcía, Vilanova e Pontevedra, que se saldaron co achado de quilo e medio de cocaína e case 200 mil euros en efectivo.
Publicado en SALNÉS - CALDAS
Durante estes días nas rúas de Vilanova o idioma máis escoitado é o francés. Mil douscentos alumnos desta lingua, de doce institutos galegos, conviven durante catro días no municipio grazas ó encontro Francofonía. Hoxe celebraron o día grande co Festival da Canción Francesa. Eles son só sete dos 1.2000 estudantes de francés, de institutos de toda Galicia, que durante catro días están vivindo en Vilanova “Francofonía”. Un encontro estudantil que busca, ademais de mergullarse na cultura francesa, perfeccionar o idioma, descubrir o municipio arousán e fomentar o vínculo entre o alumnado dos 12 centros que participan. Pero hoxe, o importante, era dar o cante, e estes rapaces o fixeron así de ben. Algúns dos rapaces levan anos acudindo a estas xornadas que cada temporada organiza o IES Basella de Vilanova, e así, créanse grandes lazos de amizade. O alcalde vilanovés, Gonzalo Durán, que confesou revivir a súa xuventude durante estes días cos rapaces visitantes, subliñou a relevancia de dar a coñecer a vila entre familias de toda Galicia . Mañá será o día de analizar e prensa francesa, e o xoves, último día da Francofonía, será a xornada gastronómica, con degustacións da cociña máis tradicional do país galo .
Publicado en SALNÉS - CALDAS
O conselleiro de Política Social, Rey Varela, aproveitou a súa visita polo Salnés para visitar o albergue xuvenil das Sinas, en Vilanova, e renovar así o convenio de cesión destas instalacións que existe entre a entidade autonómica e este concello. Acompañado pola Directora Xeral de Xuventude e o Delegado da Xunta en Pontevedra, o conselleiro de Política Social visitou esta mañá o albergue xuvenil das Sinas en Vilanova, e aproveitou para renovar con alcalde da localidade, Gonzalo Durán, o convenio que une ambas entidade. A partir de mediados de xuño e ata mediados de setembro, uns 600 rapaces e rapazas pasarán por estas instalacións para gozar dos campamentos de verán. Un espazo que ademais de ter o seu uso durante a temporada estival, conta con actividade durante todo o ano, algo que queda garantido coa renovación deste acordo. Ante as preguntas da prensa, o alcalde e o conselleiro, reafirmaron tamén a intención de sacar adiante a o proxecto da ampliación do club de xubilados para convertelo nun centro social. Durán afirmou que xa contan co local para esta ampliación, e asegura que agardan comezar as obras.
Publicado en SALNÉS - CALDAS
VILANOVA> O alcalde de Vilanova deu conta esta mañá da petición que lle trasladou á Directora Xeral de Patrimonio Cultural, María del Carmen Martínez. Nunha reunión mantida onte, Gonzalo Durán transmitiulle o seu obxectivo de que se inclúa a Ruta do Pai Sarmiento no catálogo de Camiños Históricos de Galicia. É unha petición que vén de atrás e que na reunión mantida onte entre o alcalde de Vilanova e a Directora Xeral de Patrimonio Cultural volveu saír sobre a mesa. É a inclusión da Ruta do Pai Sarmiento no Catálogo de Camiños Históricos de Galicia. A Ruta do Pai Sarmiento, o percorrido de 190 quilómetros que une Pontevedra con Santiago, a través da costa das rías de Pontevedra e Arousa, rememora a viaxe que fixo o fraile con este mesmo nome noano 1745. Unha variante do camiño que conta cada ano con máis visitantes. O rexidor vilanovés aproveitou a reunión coa Directora Xeral, para facer outra solicitude. Pedir o apoio da Xunta para desenvolver o proxecto que se prevé na escavación dos restos arqueolóxicos de Cálogo. Existe a constancia de que nesta zona de Vilanova hai un castro. Trataríase dun asentamento romano e dun mosteiro posterior que quedou derruído e do que agora case non quedan vestixios. A idea do goberno local é comezar as escavacións nesta zona este mesmo verán.
Publicado en SALNÉS - CALDAS
VILANOVA> Tras presentar a exposición en Pontevedra, o pedagogo italiano iniciou o seu periplo pola comarca de O Salnés. Francesco Tonucci visitou o colexio vilanovés Viñagrande de San Miguel de Deiro, un centro no que non ocultaron a súa admiración polo traballo deste experto. De feito xa aplican algunhas das súas ideas. O colexio Viñagrande de San Miguel de Deiro presumiu esta mañá de proxecto educativo. O centro estreou este ano novas propostas baseadas, en gran medida, nos postulados do pedagogo Francesco Tonucci. Hoxe, o italiano visitou a escola vilanovesa. Incorporar o exercicio físico nas primeiras horas lectivas, mesturar nenos de diferentes idades e crear contextos de aprendizaxe diferentes, son algunhas das propostas coas que traballan en Viñagrande. Para o pedagogo italiano, o profesorado do centro vilanovés vai polo bo camiño na aplicación destes novos xeitos de aprendizaxe. Cambios que deben dirixirse, sobre todo, aos alumnos máis débiles. A realización de programas de televisión ou de radio e a creación de revistas para facer público os traballos dos cativos, ou a aposta pola biblioteca como centro de expresión plásticas e doutras linguaxes, son algunhas das propostas de Tonucci que xa se aplican no día a día de Viñagrande.
Publicado en SALNÉS - CALDAS
VILANOVA> A asociación Solidaridade Galega co Pobo Saharaui traballa a contrarreloxo para conseguir os fondos que lles permitan sufragar os billetes de avión para manter o seu programa "Vacacións en Paz". Con este obxectivo, o domingo preparan unha andaina solidaria que percorrerá diferentes puntos de Vilanova. Os veciños de O Salnés teñen este domingo unha cita coa solidaridade. A asociación Solidariedade Galega co Pobo Saharaui está a organizar unha andaina para recadar os fondos que lles permitan manter en marcha o seu programa "Vacacións en Paz". A saída será ás 10 da mañá da praza do concello, cun trazado de 13 quilómetros apto para todos os públicos. O ano pasado, conseguiron convocar ao redor de 300 persoas; cifra que agardan mellorar nesta edición. O custo da inscrición é de 5 euros e poderá formalizarse por adiantado ou o mesmo día da andaina. Os cartos destinaranse ao pago dos billetes de avión que hai que aboar antes do 30 deste mes. A parte da andaina, Sogaps prepara un festival que se celebrará no Pavillón de Vilanova o propio día 30.
Publicado en SALNÉS - CALDAS
VILANOVA> Alumnos veteranos que tutelan a alumnos novatos, esa é a iniciativa que dende este ano está vixente no IES Faro das Lúas de Vilanova de Arousa, para loitar contra o acoso escolar e fomentar a convivencia e integración dos recen chegados ao centro.
Publicado en SALNÉS - CALDAS
VILANOVA> O Pazo Vista Real de Vilanova acollera os cursos Oficias de Piloto de Drones que hoxe se presentaron no concello do municipio. Estes títulos buscan formar profesionais nun sector que cada vez demanda máis especialización. O alcalde, Gonzalo Durán, comezou a presentación desta mañá asegurando que falar de drones en Vilanova, non é ningunha novidade. E é que este é xa o terceiro curso oficial de Pilotos de Drones que se celebra no concello. OS cursos, que se impartirán no Pazo de Vista Real de Vilanova, están organizados polo centro Tecnolóxico Aeromedia. O seu delegado en Pontevedra explicou que haberá dúas modalidades, presencial e online, cun mínimo de 10 prazas .E o custe vai desde os 600 euros cunha duración de 50 horas, para obter o título oficial. O diretor de formación de Aeromedia explicou que o curso é eminentemente práctico. Durante a presentación deixaron claro que o financiamento do curso pode facerse de forma fraccionada. Os interesados en introducirse nesta profesión de presente e futuro, poden facelo xa na páxina web formaciondrones.com ou no concello de Vilanova.
Publicado en SALNÉS - CALDAS
Páxina 1 de 13
HomeSalnés - CaldasMostrando artigos por etiqueta: Vilanova Top of Page

Síguenos en facebook