09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
Luns, 23 Outubro 2017 19:07

A casa das segundas oportunidades

Vilagarcía> Desde Cáritas Arousa alertan dun aumento das persas sen fogar no seu comedor social, nas últimas dúas semanas. Esta mañá estivemos co presidente da entidade para descubrir as causas deste incremento, e coñecer un pouco máis sobre a Casa de Acollida que teñen en Vilaxoán, e na que actualmente residen oito persoas. Esa é a esencia desta Casa de Acollida e Reinserción que Cáritas Arousa ten en San Cibrán, Vilaxoán, ofrecer unha segunda oportunidade. Nesta casa hai espazo para catorce persoas, neste momento viven 8, e están agardando a chegada de novos habitantes. O día a dia destas persoas que teñen a sorte de contar coa axuda de cáritas, está completamente organizado. Polas mañás, encárganse do proxecto Siembra, que consiste en traballar os invernadoiros que Cáritas ten en Sobradelo. E é que o máis importante é conseguir que volven a reinsertarse na sociedade e que adquiran hábitos sociolaborais. Un obxectivo cada vez máis necesario, e é que desde Cáritas alertan de que nas últimas dúas semanas está habendo un repunte no número de usuarios do comedor que teñen en Vilagarcía. Son, os chamados transeúntes. Ademais do comedor e a casa de acollida, Cáritas Arousa ofrece outros recursos como roupeiro, servizo de perruquería, hixiene e lavandeiría, un comedor sobre rodas e o proxecto Arrumí para persoas de etnia xitana.
Publicado en SALNÉS - CALDAS
VILAGARCÍA> O concello de Vilagarcía continúa coa súa aposta pola humanización das rúas do municipio. Se o plan está xa implantado en varias rúas do centro da cidade, unha vez que remate a peonalización da zona das Prazas de Galicia e a Independencia, a intención de Ravella é trasladar este modelo ás parroquias de Carril e Vilaxoán. É sen dúbida un dos grandes obxectivos do goberno que dirixe Alberto Varela en Vilagarcía, converter a cidade nun espazo para as persoas, e non para os vehículos. Un modelo humanizado de cidade, que terá como próximo paso a contorna das prazas de Galicia e a Independencia, pero que tamén, desde Ravella teñen pensado ampliar ás parroquias do concello, en concreto a Carril e Vilaxoán. Paola María asegura que están a analizar as dúas intervencións economicamente, para tomar a mellor decisión. Actuacións, tanto as de Carril como as de Vilaxoán, que realizarán con fondos Feder pero non descartan outro tipo de axudas. A humanización non implica sempre a peonalización total das rúas, senón que implica tamén o adecentamento das mesmas. Nestes momentos o asunto está en mans do arquitecto municipal que analiza as actuacións a realizar, e que previsiblemente comezarán en Carril pola rúa Aduana, paralela á xa peonalizada rúa do Carme.
Publicado en SALNÉS - CALDAS
VILAGARCÍA> A bandeira vermella loceu durante toda a mañá na praia de O Preguntoiro, en Vilaxoán. A aparición dunha enorme mancha na auga diante do areal obrigou aos servizos de emerxencia a tomar a decisión de prohibir o baño. Ao redor das 2 e media do mediodía, tras conseguir diluír o produto contaminante, volvía izarse a bandeira verde. Ao filo das doce da mañá, saltaba a alarma da praia de O Preguntoiro, en Vilaxoán. Os servizos de emerxencia eran alertados da presenza dunha enorme mancha no mar que se achegaba ao areal. Polo de momento, descoñécese a orixe do vertido, aínda que si se sabe que non se produciu no entorno do areal. Pasadas as dúas da tarde, o episodio xa se deu por controlado, a bandeira verde volvía ondear e a praia reabríase ao baño. Ata a praia tamén se desprazou o Servizo de Gardacostas para valorar o episodio e intentar averiguar a orixe da mancha.
Publicado en SALNÉS - CALDAS
VILAGARCÍA> O Club de Remo Vilaxoán conta dende o pasado venres cunha nova traíña. Durante un concorrido acto, os padexeiros botaron a nova embarcación, bautizada como Virxe do Carme. O Club de Remo Vilaxoán converteu a botadura da súa nova traíña nunha festa para todos os veciños. A embarcación leva por nome o da patroa do pobo, Virxe do Carme, e supuxo un investimento próximo aos 36.000 euros. Dende que Rogelio Tarrío tomou a presidencia do club hai tres anos, potenciar a base é un dos seux obxectivos. Unha meta que están a conseguir, como se demostrou no Campionato de España de bateis celebrado hai un mes. Todos os asistentes, veciños e autoridades, só tiveron loubanzas para o traballo dun club que Vilaxoán sente como propio. Tamén para os valores que representa o deporte do remo: sacrificio, constancia, compañeirismo, perseveracia e competitividade limpa. O acto rematou co bautismo de mar de "Virxe do Carme", que se introduciu nas augas da praia de O Preguntoiro acompañada polo Salve Mariñeiro e o Tres cousas ten Vilaxoán, interpretadas pola Coral de Vilaxoán.
Publicado en SALNÉS - CALDAS
VILAGARCIA> Carmela Silva aproveitou a súa visita a Vilagarcía para coñecer en primeira persoa o terreo no que esta semana está previsto que se comece a obrar a nova gardería municipal de Vilaxoán.
Publicado en SALNÉS - CALDAS
VILAGARCÍA> O 8 de marzo tamén se deixou notar no colexio de Vilaxoán. O centro e a ANPA organizaron para todos os alumnos unha xornada para demostrar que as mulleres poden desempeñar calquer traballo. Tamén os relacionados coas ciencias. Cirurxiás, enólogas, químicas ou biólogas. Que as mulleres poden desempeñar calquera tipo de traballo, quedou hoxe claro para os alumnos do colexio de Vilaxoán. Como cada ano, colexio e ANPA conmemoraron o Día Internacional da Muller. Ao longo da mañá, os pequenos escoitaron ás catro convidadas, todas elas mulleres con profesións ligadas ao mundo das ciencias. Covadonga Salgado, directora do Intecmar, Nuria de la Torre, enóloga na adega Paco y Lola, Sandra Barca, bióloga no encoro de Castroagudín ou Sara González, cirurxiá no Hospital da Coruña, explicaron as súas experiencias ao auditorio. Hoxe tivo especial importancia, pero a igualdade é unha idea transversal nas actividades que impulsan colexio e ANPA. Un camiño no que aínda queda moito que percorrer, pero no que os nenos e nenas marcarán o futuro.
Publicado en SALNÉS - CALDAS
VILAGARCÍA> Os pais do colexio de Vilaxoán denuncian as malas condicións nas que se atopan as instalacións do centro educativo. Solicitan unha reunión co Xefe Territorial  de Educación na provincia, para poder buscar unha solución ao problema. 

Información adicional

  • Subtítulo

    Deficiencias nas instalacións

Publicado en SALNÉS - CALDAS
VILAGARCIA> As instalacións do Centro Sociocultural e o Club de Remo de Vilaxoán sufriron por segunda vez en menos dun mes dous roubos. Nesta ocasión os danos causados non están tarifados aínda que dende a asociación de veciños de Vilaxoán sinalan que facilmente poderían ascender a algo máis de 8000 euros en total. 
Publicado en SALNÉS - CALDAS
VILAGARCIA> A escola infantil de Vilaxoán integrarase na rede autonómica do consorcio galego e será a Xunta a que corra cos gastos do seu mantemento. Trala reunión que o alcalde de Vilagarcía tivo o conselleiro de Políticas Sociais ambos apostaron pola colaboración entre institucións.
Publicado en SALNÉS - CALDAS
Publicado en portada
VILAGARCÍA> A ría de Arousa acolle esta fin de semana un novo campionato de bateis. Trátase do Campionato Galego desta disciplina, que atraerá ata o porto de Vilaxoan a 21 clubs e preto de 280 deportistas. A organización corre a cargo do Club de Remo Vilaxoan, que hoxe ademais presentou o seu principal patrocinador: Conservas Cuca.
Publicado en DEPORTES
VILAGARCÍA> Os bateis tomará esta fin de semana a Ría de Arousa. Vilagarcía acolle a novena edición da Bandeira de Bateis Porto de Vilagarcía, organizada un ano máis polo Club de Remo Vilaxoan. A cita xa se ten convertido en parada imprescindible no calendario deste deporte a nivel galego, e este ano participarán ao redor de 70 bateis de toda Pontevedra.
Publicado en DEPORTES
Páxina 1 de 2
HomeSalnés - CaldasMostrando artigos por etiqueta: Vilaxoan Top of Page

Síguenos en facebook