• Facebook
  • Twitter
  • Rss
  • Plus
Pontevedra> Segunda xornada do xuízo oral conta a banda do Mulo. Hoxe suspendeuse o xuízo para que os letrados teñan tempo de analizar un novo documento que non coñecían. Trátase, supostamente, dunha carta escrita polo propio Mulo onde indica con nomes e apelidos a función que cada un dos acusados tiveron nesa operación onde se incautaron 3500 quilos de cocaína. Con esta proba 9 dos 13 acusados recoñecerán os feitos.
Publicado en PONTEVEDRA
Pontevedra> Hoxe deu comezo, na sección segunda da Audiencia Provincial, a vista oral do xuízo contra os 14 acusados de introducir, en agosto de 2008 nas costas galegas, 3500 quilos de cocaína. Foron 13 os que se presentaron a esta cita onde todas as súas defensas solicitaron a nulidade das intervencións das escoitas telefónicas alegando irregularidades.
Publicado en PONTEVEDRA
CALDAS> A Audiencia Provincial de Pontevedra arquiva de maneira definitiva a causa xudicial contra o alcalde de Caldas de Reis. Este mércores achegámonos ata o concello para coñecer de primeira man como recibiu o rexedor esta noticia.
Publicado en SALNÉS - CALDAS
Ángel Martínez Pérez, máis coñecido como Lito, o Rei das verbenas en Galicia, acolleuse esta mañá ó seu dereito a non declarar. Preferiu asígardar silencio ante as acusacións de fraude fiscal da Fiscalía e a Avogacía do Estado, no xuízo celebrado esta mañá na Audiencia Provincial de Pontevedra. Enfróntase a 14 anos de cadea e máis de 53 millóns de euros de multas. Era o momento no que Ángel Martínez Pérez, responsable de Espectáculos Lito e propietario de múltiples orquestras como Panorama, se acollía o seu dereito a non declarar nun xuízo contra él e a súa empresa, por defraudar 9 millóns e medio de euros en dous anos. Era o comezo dunha sesión que se celebraba esta mañá na Audiencia provincial de Pontevedra, despois de que se suspendese ata en dúas ocasións. Os primeiros en declarar foron os peritos da Axencia Tributaria, que explicaron que tódolos datos que conduciron a este xuizo saíron da propia oficina da empresa en Caldas de Reis. Os inspectores de Facenda aseguraron que ó comezar a investigar, comprobaron que se trataba cun claro exemplo de economía sumerxida. Contaron cómo atoparon nas oficiñas de Lito material con anotacións da facturación de 26 millóns de euros correspondentes a 2011, dos cales só declarara dous, os que se facturaran en regra a concellos e televisións. Estes movementos realizábanse con máis de 70 orquestras e 6.500 actuacións en tan só un ano. O 90 por cento, en negro. Pola súa banda o abogado da defensa, centrouse en que a actividade do acusado era de mero representante e intermediario, que non producía nun vendía espectáculos, o que rebaixaría considerablemente os seus ingresos, e as súas obrigas tributarias. Pola sala foron pasando as distintas testemuñas citadas pola Defensa, entre elas, varios axentes de zona. Esta figura era a encargada de ofrecer ós concellos e comisión de festas de cada zona as actuacións para as súas verbenas, levando un dez por cento de comisión. A Fiscalía acusa a Lito e a súa empresa de defraudar 9 millóns e medio de euros entre 2011 e 2012 en Impostos de Sociedades, IVE, e IRPF. O magnate das orquestras galegas enfróntase a 14 anos de prisión e o pago de 53 millóns de euros.
Publicado en SALNÉS - CALDAS
PONTEVEDRA> O acusado dun asalto con violencia a unha vivenda de Baión, en Vilanova de Arousa, sentou esta mañá na bancada da Audiencia Provincial de Pontevedra. O home defendeu en todo momento a súa inocencia, e negou incluso ter estado en Galicia con anterioridade. O 4 de febreiro do 2015 catro persoas asaltaban de xeito violento a vivenda dun empresario en Baión, Vilanova de Arousa. Segundo o relato das vítimas, foi pasadas as 9 e media da noite cando o grupo entrou na casa con pasamontañas, vestidos de negro e con luvas nas mans. Tamén ían armados con coitelos e pistolas. As tres vítimas, un matrimonio e a súa filla, non puideron ver a cara dos asaltantes. Pero o ADN e a pegada que apareceron nas bridas empregadas para atar de pés e mans aos vilanoveses, permitiron sentar hoxe na bancada a un sospeitoso do asalto. O fiscal ve estas probas como contundentes; tamén o feito de que tanto ese día como en xornadas previas, os veciños identificaran nos arredores da casa un vehículo que estaba ao seu nome. O home está acusado de dous delitos de detención ilegal e un de roubo con violencia. Actualmente está en prisión preventiva por esta causa, e a Fiscalía pídelle unha pena de 16 anos e oito meses de prisión. O acusado mantivo a súa inocencia durante toda a vista, e chegou a asegurar que nunca antes estivera en Galicia. A defensa, pola súa banda, pediu a absolución xa que considera que non existen probas contra el. De feito, asegurou que, ao levar luvas os asaltantes, non sería posible que as súas pegadas apareceran nas bridas. Os propietarios cifraron nuns 55.000 euros o valor dos obxectos roubados.
Publicado en PONTEVEDRA
PONTEVEDRA> Un condenado por pornografía infantil pasará ao redor de catro anos en prisión. A pesares de que a condena inicial era de 15 anos de cadea, a pena viuse rebaixada despois de que aceptara a sentenza de conformidade. Foi a denuncia dos pais duns menores de Meis a que precipitou a investigación.
Publicado en PONTEVEDRA
Pontevedra> Unha vez máis, e xa van dúas, suspéndese o xuízo contra Lito, o xerente de máis do 50 por cento das orquestras galegas. A primeira vez foi porque o letrado do acusado estaba enfermo e non se presentou. Nesta ocasión o mesmo avogado dixo que non estaban en condicións de exercer a súa defensa. Finalmente o xuízo retomarase o 2 de marzo.  
Publicado en PONTEVEDRA
Pontevedra> A Audiencia provincial reabre o caso dos insultos machistas por parte dun ex concelleiro do PP de Moraña á presidenta da Deputación. Carmela Silva amosouse esta mañá satisfeita con esta medida, pero non por ela, senón por ser así capaz a darlle voz a centos de mulleres que sofren este tipo de acosos a través das redes sociais. 
Publicado en PONTEVEDRA
Pontevedra> Na Audiencia Provincial de Pontevedra comezou esta mañá o xuízo onde se acusa a dous homes, un deles veciño de Cambados, de introducir preto de 90 kilos de cocaína ocultos en granito. Un cargamento que fora interceptado en Bolivia. O fiscal pide unha condena de 10 e 13 anos de prisión e unha multa de 12 millóns de euros para cada un dos acusados. 
Publicado en PONTEVEDRA
PONTEVEDRA> Condenados os 8 mozos do Salnés acusados de tráfico de drogas despois de confesar os feitos e chegar a un acordo coa fiscalía. A sentanza firma, contra a que non cabe recurso, impuxo penas de entre 2 e 3 anos e multas que van dende os 1.500 euros aos 76.000.
Publicado en PONTEVEDRA
PONTEVEDRA> O ex patrón maior de Cambados e os dous responsables do estaleiro Polináutica negan ante a xuíza a fraude na confraría da que están acusados. A Xunta de Galicia sinálaos como responsables dun engano á Consellería do Mar aumentando o valor dun barco beneficiado cunha subvención en máis de 60.000€.
Publicado en PONTEVEDRA
PONTEVEDRA> O asasino de Lupe Jiménez, condenado a 20 anos de prisión. Esta é a pena que impón a Audiencia Provincial de Pontevedra a José Luis Cortiñas, marido da vítima, que o pasado 18 de febreiro era declarado por unanimidade do xurado popular culpable de asasinato.
Publicado en PONTEVEDRA
Páxina 1 de 5
HomeSalnés - CaldasMostrando artigos por etiqueta: audiencia provincial Top of Page

Síguenos en facebook