• Facebook
  • Twitter
  • Rss
  • Plus
SANXENXO> Despois de tres meses, e un verán que está a piques de rematar, Telmo Martín fai un balance positivo do verán na vila. O rexedor afirma que foron meses de pouco durmir e moito traballo para garantir un verán sen incidencias de ningún tipo.
Publicado en SALNÉS - CALDAS
SANXENXO> Deputados provinciais do Partido Popular elixiron Sanxenxo para a anunciar aos medios a moción que presentaran de cara ao vindeiro pleno relacionada co turismo.
Publicado en SALNÉS - CALDAS
SANXENXO> Sanxenxo gardou esta mañá un minuto de silencio polo terrible atentado que onte acontecía en Barcelona, a este acto sumouse o Ministro de Xustiza, Rafael Catalá quen condenou o atentado e afirmou "que todos aqueles que queiran alterar o noso modelo de convivencia non o van a conseguir".
Publicado en SALNÉS - CALDAS
A comezos de xullo comezaban as obras de mellora nos accesos á praia de Canelas en Sanxenxo. Esta mañá, a xefa provincial de Costas, Cristina Paz, e a subdelegada do Goberno en Pontevedra, Ana Ortiz, visitaron acompañadas polo alcalde, Telmo Martín, o resultado deste mes de traballo. Os traballos de mellora no acceso á praia de Canelas, en Sanxenxo, consistiron nunha nova baixada que consta dunha escaleira de pedra, e construción dunha rampla natural con tres bancadas. Así como a replantación de vexetación natural para cubrir a zona. Tal e como explicou esta mañá, durante a inauguración oficial, o Xeje de Obras do proxecto. Á presentación do novo aspecto do acceso asistiron esta mañá a subdelegada do goberno en Pontevedra, Ana Ortiz, a Xefa provincial de Costas, Cristina Paz, e o alcalde de Sanxenxo, Telo Martín, que destacou a importancia que ten para os veciños a culminación destas. A actuación, finalizada neste mes de agosto, contou cun investimento de 38.000 euros.
Publicado en SALNÉS - CALDAS
A Xunta pon en servizo o primeiro treito da senda peonil e ciclista que unirá A Lanzada con Portonovo, e que conta cun orzamento total de 6 millóns e medio de euros. Esta mañá a conselleira de Infraestruturas, Ethel Vázquez, supervisou acompañada do delegado territorial e do alcalde de Sanxenxo, o resultado das obras. Son preto de 3 quilómetros de senda especialmente habilitada para peóns e cilcistas, cun tramo de 1,3 quilómetros que discorrerá sobre unha tarima de madeira. Unhas obras que esta mañá visitou a conselleira de INfrastructuras, Ethel Vázquez ,acompañada polo delegado territorial da Xunta en Pontevedra, José Manuel Cores Tourís, e o alcalde de Sanxenxo, Telmo Martín. A primeira fase destes demandados traballos mellorará a seguridade viaria na estrada PO-308, desde a Lanzada ata Soutullo, en Noalla, que vén de ser rematada. Esta primeira fase, que foi executada nun prazo de 15 meses tivo contou cun investimento de 3,3 millóns de euros. A Xunta xa ten avanzados os trámites do segundo traxecto, que irá desde Soutullo ata o outro extremo da recta de Major, que estará listo para o verán do 2018. Uns traballos que tanto como desde o concello, como desde a Plataforma veciñal PO-308 destacaron como fundamentais para esta zona de Sanxenxo. Habería un terceiro traxecto máis, o que vai desde Major ata Portonovo, unha actuación na que están ultimando o proxecto construtivo. Este ano acometerán a contratación das obras posto que xa se conta co presuposto necesario para este terceiro tramo. En total, A Xunta investirá máis de 6 millóns de euros entre os 3 tramos desta senda peonil Portonovo-A Lanzada, que vén a mellorar a seguridade viaria e contribuír ó desenvolvemento turístico.
Publicado en SALNÉS - CALDAS
SANXENXO> A xunta local de seguridade reuniuse esta mañá en Sanxenxo. Subdelegada do goberno, alcalde da vila e representantes da Garda Civil, da Policía Autonómica e da Policía Local mantiveron un encontro para analizar a situación e as necesidades do municipio de cara o verán. Non en van, Sanxenxo multiplica por seis a súa poboación no verán, converténdose nun punto de atención prioritaria. A seguridade é unha prioridade para Sanxenxo. Tras vinte días na alcaldía, Telmo Martín convocou esta mañá a Xunta Local de Seguridade. Un encontro ao que asistiron a subdelegada do goberno, o alcalde da vila e representantes da Garda Civil, da Policía Autonómica e da Policía Local. No verán a vila multiplica por seis a súa poboación, un feito que a converte nun foco de atención para a Subdelegación do Goberno que, de ser necesario, non desbota incrementar os efectivos na zona. A Garda Civil traballa de xeito coordinado coa Policía Local, que a día de hoxe conta con 49 efectivos que garantirán a seguridade dos visitantes. Principalmente, en dous eidos: regular o tráfico e a movida nocturna. Esta reunión prodúcese despois de que Martín mantivera onte encontros cos propietarios de todos os locais do porto deportivo, para intercambiar opinións sobre os problemas de seguridade que se teñen producido nos últimos tempos. Ambas partes coinciden en que a movida forma parte da oferta do destino, polo que ven necesario garantir que sexa de calidade e en orde.
Publicado en SALNÉS - CALDAS
SANXENXO> O concello de Sanxenxo presentou aos 24 auxiliares de Policía Local que durante este verán terán como misión garantir a seguridade da vila. O custe de este aumento de efectivos de seguridade ascende a 131.000 euros.
Publicado en SALNÉS - CALDAS
SANXENXO> Como xa anunciara no pleno de onte, Telmo Martín estreou o seu retorno á alcaldía de Sanxenxo cun encontro coa Policía Local. Durante a reunión Martín trasladoulles que a súa intención é asumir el mesmo as competencias de seguridade cidadá. E é que asegurou que esta materia será unha das prioridades no seu novo mandado, que arrincou onte nun pleno que transcorreu con tranquilidade. Pasadas as oito da tarde, Telmo Martín alzaba por terceira vez na súa carreira política o bastón de mando de Sanxenxo. Fíxoo nun pleno tranquilo, rodeado de familia, amigos e simpatizantes, e cos votos a favor dos edís do Partito Popular, de tres dos catro de SAL, agora socios de goberno, e coa sorpresa da abstención do edil non adscrito, Roberto Carlos Agís. No seu discurso, Martín tendeu a mano á oposición. Pediulles que deixen de mirar tanto pola ideoloxía, para poder traballar e poñer en valor as posibilidades de Sanxenxo. Tras rematar o discurso, o xa alcalde abrazou en primeiro lugar aos edís de SAL. Precisamente foi cun agradecemento a Gonzalo Pita, que o pasado luns renunciaba como rexedor,como comezou a súa intervención. Xa onte Telmo Martín destacaba o peso que vai ter a seguridade cidadá no seu mandato. De feito, hoxe cumpriu o previsto e mantivo o primeiro encontro coa Policía Local. Ademais, el mesmo asumirá estas competencias, que ata o de agora eran responsabilidade da edil de SAL que queda na oposición. Vanessa Rodríguez asegurou estar disposta a renunciar a elas. Mentres, no exterior do concello de Sanxenxo un grupo de veciños reuniuse para protestar contra o nomeamento de Telmo Martín. Aínda que o ambiente foi moito menos crispado que o vivido o pasado luns tralo pleno de renuncia de Gonzalo Pita. Ademais de bicos e apertas dos partidarios, os opositores optaron por recibir a Martín e a Pita lanzando arroz e co berro de “¡Vivan os noivos!”. Tamén se reforzaron as medidas de seguridade, con máis control de Policía Local e Garda Civil na entrada da casa consistorial.
Publicado en SALNÉS - CALDAS
SANXENXO> Telmo Martín recuperará mañá o bastón de mando de Sanxenxo. O voceiro do Partido Popular volverá a ser alcalde tralo pacto asinado con tres dos edís de SAL, que deixará ao xa exrexedor Gonzalo Pita como único tenente de alcalde do novo bipartito. Onte Pita oficializaba a súa dimisión durante un pleno bronco tanto dentro como fóra do consistorio. Así informaba Gonzalo Pita do único punto do día que reunía onte ao pleno de Sanxenxo. Tralo acordo asinado co Partido Popular para devolver a alcaldía a Telmo Martín, o xa exrexedor aseguraba ter a conciencia limpa. Segundo Pita, este cambio permitirá conseguir máis proxectos e obras para Sanxenxo. O edil nacionalista David Otero acusouno de ególatra, presidencialista, mentiroso e desleal, e cualificou este cambio como unha "automoción de censura". Para Coral González-Haba, exsocia socialista do tripartito os tres edís de SAL comparten o ADN co Partido Popular. De desleal tamén o cualificou o concelleiro non adscrito Roberto Carlos Agís, exmembro do cuatripartito que naceu das eleccións do 2015. Tampouco ocultou a súa decepción a edil de SAL contraria ao acordo co PP, Vanessa Rodríguez. Ante todas as críticas dos exsocios do cuatripartito, Telmo Martín foi o único valedor de Gonzalo Pita. O voceiro popular pediu respecto ao acordo acadado con SAL, e acusou a David Otero de ser o responsable de romper o tripartito. Mentres a tensión era palpable nas intervencións dos voceiros, fóra da casa consistorial numerosos veciños reclamaban poder entrar ao salón de plenos, pechado para controlar o aforo. A multitude increpou a Telmo Martín e a Gonzalo Pita cando abandonaron o concello, escoltados por axentes da Policía Local. Segundo anunciaron hoxe dende o concello, Martín será elixido mañá alcalde nun pleno extraordinario convocado para as 8 da tarde. Para evitar os problemas de aforon de onte, dende o Partido Socialista xa solicitaron que a sesión se traslade ao auditorio Emilia Pardo Bazán.
Publicado en SALNÉS - CALDAS
SANXENXO> Roberto Carlos Agís, ex socio de goberno de Gonzalo Pita, recoñece que non lle sorprende que Telmo Martín se converta en alcalde de Sanxenxo, pero critica que Gonzalo Pita forme parte do novo "bipartito".
Publicado en SALNÉS - CALDAS
SANXENXO> Os representantes do BNG e do PSOE en Sanxenxo, ou os xa ex socios de Gonzalo Pita a fronte do concello, mostráronse sorprendidos da "boa sintonía" mostrada entre os integrantes da formación popular e Gonzalo Pita. David Otero e Coral González mantiveron esta mañá que a única deslealdade política que houbo foi a mostrada polo actual alcalde Gonzalo Pita, ao aceptar formar parte dun goberno xunto cos populares. David Otero e Coral González, ata hoxe socios de goberno de Gonzalo Pita, mostráronse sorprendidos coa decisión que tomou o alcalde saínte Gonzalo Pita, e admitiron que onte souberon polas redes sociais e pola da edil Vanesa Rodríguez, do que estaba acontecer. Para David Otero o que empezou sendo un rumor, rematou sendo unha realidade. Otero recoñeceu que a falta de lealdade reflíctese na forma de proceder de Gonzalo Pita Para os voceiros nacionalista e a socialista a situación de hoxe non ten que ver coa avenida Luis Rocafort, e admiten que non saben cal é o fondo da cuestión, pero ao seu entender non ten nada que ver, segundo as súas palabras, coa supresión de "vinte prazas de aparcamento".
Publicado en SALNÉS - CALDAS
SANXENXO> Telmo Martín volverá a ser alcalde de Sanxenxo despois de que esta mañá firmase un acordo de goberno co partido que encabeza Gonzalo Pita, actual alcalde da vila. Un novo goberno bipartito, no que previsiblemente non participará a actual edil de Seguridade Cidadá, Vanesa Rodríguez. Telmo Martín volverá a primeira liña da política municipal de Sanxenxo ao suceder a Gonzalo Pita a fronte da alcaldía. Despois de que o líder do SAL anunciase que deixaba a alcaldía, o popular Telmo Martín recoñecía a súa honestidade e a valentía de Pita para asinar un pacto co PP de Sanxenxo, que garantise unha estabilidade para a vila. Martín sinalou que Pita non será tenente de alcalde, senón que será un "vicealcalde". Ambos partidos asinaron esta mañá un acordo de goberno no que se comprometeron a traballar en prol de diferentes proxectos moi importantes para a vila. Logo do rebumbio informativo na Casa do Concello... na rúa, como sempre, opinións para todos os gustos. Dado o momento político no que nos atopamos o acordo asinado entre as dúas formacións inclúe no punto 16 un pacto anticorrupción que sinala que a coalición romperá si nalgún momento algún concelleiro das súas agrupacións se lle abre xuízo oral por corrupción.
Publicado en SALNÉS - CALDAS
Páxina 1 de 3
HomeSalnés - CaldasMostrando artigos por etiqueta: telmo martin Top of Page

Síguenos en facebook