• Facebook
  • Twitter
  • Rss
  • Plus

SALNÉS - CALDAS (8156)

As últimas novas acontecidas nas comarcas do Salnes e Caldas.

CAMBADOS> Cambados converterase entre hoxe e mañá no lugar de encontro de emprendedores que queren poñer en marcha o seu negocio. Estamos a falarlles das II Xornadas que o Concello de Cambados organiza para fomentar o emprendemento no municipio. As actividades comezaron esta mañá coa presentación da Rede SmartPeme promovida pola Deputación de Pontevedra.
VILAGARCÍA> O concello de Vilagarcía deberá elaborar un manual de procedementos para rematar a tramitación dos fondos FEDER aos que accedeu ao ser seleccionado o programa "Vilagarcía Avanza".
CAMBADOS> Unha actividade accesible coa asociación Down Santiago, unha cata a bordo dun catamarán e a V Cata Amateur, compoñen o programa co que a Ruta do Viño Rías Baixas conmemora o Día Europeo do Enoturismo.
CAMBADOS> Visita da Conselleira do Mar en funcións a Cambados. Rosa Quintana percorreu esta mañá as instalacións da conserveira Cermar, no polígono de Sete Pías. Unha empresa galega e familiar, que emprega na actualidade a 70 persoas.
MEAÑO> Cociña e ciencia combináronse este mediodía no Instituto de Meaño. O centro acolleu a actividade COCIÑAconCIENCIA, impulsada polo Consello Superior de Investigacións Científicas, que busca explicar aos rapaces os riscos que afectan á seguridade dos alimentos.
CAMBADOS> O arranque da campaña da volandeira deixa bo sabor de boca en Cambados. As capturas da primeira xornada superaron as do ano pasado, situándose preto dos 4.000 kilos. Os prezos tamén se comportaron, quedando nos 3,50 euros de media.
CAMBADOS> Catas, showcooking, coctelería e unha mostra de produtos galegos centrarán as IV Xornadas de Degustación e Maridaxe dos Augardentes e Licores Tradicionais de Galicia que constituirá unha das moitas actividades programadas polo Concello de Cambados para conmemorar o Día do Enoturismo, que será o 13 de novembro.
A ILLA> "Vimos pedir polos defuntiños que xa van alá". Esta foi a frase máis repetida nas rúas da Illa de Arousa, na que os máis cativos deixaron de ir a clase, para ir pedindo polas portas dos seus veciños a espera de que lles den algo.
SANXENXO> Despois de que o PP tumbase xunto con Roberto Agís a proposta do Conce3llo de Sanxenxo para rebaixar o IBI, este luns, o voceiro popular, Telmo Martín facía un chamamento público aos integrantes do SAL, para mellorar Sanxenxo.
MEAÑO> A comunidade educativa do IES de Meaño manifestouse, este venres, as portas so seu centro para denunciar a precaria situación de conectividade que está a sufrir este centro. Un centro que paradóxicamente foi elixido para presentar un proxecto no salón de tecnoloxía para a ensinanza (SIMO), que se celebrará en Madrid.
VILANOVA> Como cada 28 de outubro a Casa Museo de Valle Inclán, en Vilanova, acolle os actos en memoria do nacemento, deste xenio galego das letras. Neste 2016 ademais celébranse os 150 anos do seu nacemento. Unha data sinalada en Vilanova que se celebrou cunha lectura continuada ao longo do día, dunha da súas obras:…
CAMBADOS> Novo galardón para a Ruta do Viño Rías Baixas. Acevin ven de recoñecer a aposta pola accesibilidade da asociación, premiando o obradoiro de memoria sensorial para invidentes desenvolvido o ano pasado. Hoxe, a súa xerente contábanos que a intención da Ruta é seguir neste camiño.
HomeSalnés - Caldas Top of Page

Síguenos en facebook