• Facebook
  • Twitter
  • Rss
  • Plus

Agreden a dous mozos de orixe senegalesa en Ribeira

Mai 18 Escrito por 
RIBEIRA> Meses despois das violentas agresións acontecidas a principios de febreiro cando dous encapuchados golpearon a varios mozos armados con bates de beisbol, a capital do Barbanza volveu ser escenario dun episodio similar.
Os feitos aconteceron a madrugada do sábado cando dous mozos, de orixe senegalesa, foron vítimas dunha agresión. O primeiro deles volvía da mesquita en dirección á súa vivenda cando se topou con mozo que, tras propinarlle diversos insultos, bateulle cunha botella na cabeza. A vítima fuxiu do lugar e chegou a casa, onde se atopaba o seu compañeiro de piso. Cando os dous baixaron para acudir ó centro de saúde, o agresor e outro individuo estaba agardándoos e golpearon ó compañeiro cunha barra de ferro. Ámbolos dous precisaron atención médica e foron trasladados ó hospital do Barbanza onde recibiron varios puntos de sutura. Agora continúan a recuperarse das súas feridas e, aínda que prefiren ocultar o seu rostro, un dos agredidos relatounos o acontecido. A pesar de que continúan co susto no corpo non se senten ameazados polo que seguirán coa súa vida normal baseada no traballo e no deporte, xa que militan en equipos de fútbol da comarca. Malia que o suceso causou gran expectación na vila, son poucos os que consideran que pode haber motivos racistas detrás da agresión. Son moitos os cidadáns de raza negra que levan anos vivindo no municipio, perfectamente integrados e sen ter vivido ningunha situación como a acontecido o sábado. Máis ben atribúen este episodio violento a acción de dous vándalos que só buscaban pelexa e que toparon no seu camiño a estes dous rapaces. Polo momento, a policía xa procedeu a identificar a un dos agresores, un mozo de vinte e cinco anos natural da parroquia de Olveira, que conta con numerosos antecedentes.
Etiquetado como Ribeira    Barbanza    sucesos    agresions   
Publicado en SUCESOS

Artigos relacionados (por etiqueta)

  • Comezan as obras do novo vial no Hospital da Barbanza
    RIBEIRA> O executivo ribeirense informou do inicio das obras de rectificación do vial situado a carón da área de Urxencias do Hospital da Barbanza. A actuación, cun orzamento de máis de 45 mil euros, permitirá unha vez concluída poder iniciar as obras de ampliación do complexo hospitalario, ó incorporarse nela a zona cuberta pola que actualmente entraban as ambulancias. As obras Terán un prazo de execución dun mes e a seu custe será asumido polas propias arcas municipais.
  • Unha exposición de Héitor Picallo conmemora o trinta aniversario do museo Valle-Incla´n
    POBRA> O acto foi aproveitado tamén para presentar o libro A Torre dos Valle Bermúdez no Caramiñal.
  • Vox Ánima denuncia a agresión a un voluntario do colectivo animalista
    RIBEIRA> Un voluntario da asociación animalista Vox Ánima sufriu unha agresión cando viña de repartir material informativo nun colexio. Denuncia que os ocupantes dun vehículo lle tiraron unha botella con lixivia que impactou sobre el e o seu can.
  • Ribeira vivirá unha noite de música amenizada por grupos locais
    RIBEIRA> Co obxectivo de dinamizar a hostalería da zona e promocionar o talento dos músicos locais, así como ofrecer unha alternativa de ocio á mocidade, as concellerías de Cultura e de Xuventude de Ribeira veñen de organizar a Noite Nova que se celebrará este sábado.
  • Ramiro Carregal promove dúas das regatas máis destacadas do calendario galego
    SANTIAGO> Como cada ano, Santiago de Compostela foi o lugar escollido para presentar as dúas regatas promovidas polo empresario ribeirense, Ramiro Carregal. O 27 e 28 de maio desputarase o Gran Trofeo Faro de Corrubedo entre Portosín e Ribeira mentres que o día tres de xuño é a data escollida para a Regata Frinsa.
  • Arranca a veda do polbo nunha campaña con excelente cotización
    RIBEIRA> Este venres iniciase a veda do polbo tras unha campaña máis que satisfactoria en capturas pero, sobre todo, en cotizacións. O prezo medio do quilo situouse en sete euros e medio acadando no que vai de ano unha facturación de máis dun millón de euros.
HomeSUCESOSAgreden a dous mozos de orixe senegalesa en Ribeira Top of Page

Síguenos en facebook