09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

Accidente con feridos na recta de Lesón

Nov 17 Escrito por 
POBRA> No sinistro víronse implicados dous turismos cuxos ocupantes resultaron feridos de diversa consideración.
O suceso producíase ó redor das dúas e media desta tarde na zona da Atalaia, na estrada provincial AC-302. No accidente víronse implicados dous vehículos, un todoterreo e un turismo. No primeiro viaxaban tres persoas, mentres que no segundo tan só había un ocupante. Todos eles tiveron que ser trasladados ó hospital da Barbanza con feridas de diversa consideración. Aínda así a peor parada foi a condutora do turismo, un kia de cor negro, que presentaba golpes en varias partes do seu corpo, con especial relevancia na cabeza e na cadeira. Ata o lugar do suceso achegáronse membros de Protección Civil e da Policía Local da Pobra, e posteriormente unha unidade da Garda Civil de Tráfico, para encargarse do atestado e tratar de esclarecer as causas do accidente. A consecuencia do choque a circulación estivo regulada por un axente, aínda que non foi necesaria o peche de ningún do carrís. Dáse a circunstancia de que a zona, coñecida como a recta de Lesón, é un punto negro dentro das vías de comunicación na comarca do Barbanza, na que se rexistran numerosos accidentes, incluso algún deles mortais, pola elevada velocidade á que circulan os vehículos. O anterior goberno local mesmo estudou a posibilidade de implantar na zona radares, e outras medidas de seguridade, aínda que finalmente nunca chegaron a materializarse.
Etiquetado como Barbanza    Pobra do Caramiñal    sucesos    Accidente    Vehículos    feridos    recta de leson    ac302   
Publicado en SUCESOS
Modificado por última vez no Martes, 17 Novembro 2015 19:09

Artigos relacionados (por etiqueta)

  • O GALP Ría de Arousa promove a reciclaxe entre os máis pequenos
    RIBEIRA> O Barbanza volverá acoller este ano numerosas actividades de sensibilización medioambientel promovidas polo Grupo de Acción Local do Sector Pesqueiro Ría de Arousa. Os escolares serán os protagonistas destas xornadas que tratarán sobre a reciclaxe e a limpeza de praias.
  • Cinco colexios e unha asociación cultural colaboran no festival de Cáritas de Ribeira
  • Manuel ruíz recibe o broche dos bos e xenerosos
    RIBEIRA> A Asociación O Ferrado de Asados entregou o broche dos bos e xenerosos ó alcalde de Ribeira, Manuel Ruíz. A entrega tivo lugar no acto de clausura da exposición ‘Primeira Década das Letras’ na biblioteca municipal.
  • A asociación Ondiñas Mainas reproduce Rianxo nun belén de ganchillo
    RIANXO> Este sábado inaugurábase en Rianxo o belén organizado pola asociación Ondiñas Mainas. Non se trata dun nacemento ó uso senón que está elaborado integramente con figuras de ganchillo e representa os personaxes e lugares máis senlleiros da vila.
  • O executivo sonense busca solucións ós problemas de desabastecemento de auga
    PORTO DO SON> O alcalde considera que é unha das máximas prioridades de cara ó vindeiro ano. A pesar das chuvias caídas estes días, son moitos os concellos que seguen a padecer os problemas derivados da seca. Un exemplo témolo en Porto do Son. Neste Concello o executivo estuda a realización á máxima urxencia posible de dous proxectos de cara a mellorar o actual servizo de abastecemento, e evitar que a situación se converta en crítica para o ano que vén. As dúas solucións serían custosas e precisaríase a implicación doutras Administracións. Por unha banda traer a auga dende os depósitos que o concello veciño de Ribeira posúe en Moldes. A outra solución viría da captación de auga do río Tambre. Unha actuación esta última de carácter comarcal e que serviría ademais para mellorar o servizo noutros concellos da zona como son Noia, Lousame ou Outes. Este pasado verán o Concello viuse obrigado a ter que tomar medidas extraordinarias ante a escaseza de auga, como cortar a auga das duchas nas praias ou reducir o rego nas zonas axardinadas e os baldeos de rúas. Aínda así a situación non se limitou unica e exclusivamente ós meses de verán e mesmo houbo que abastecer de auga con camións cisterna a varias vivendas da parroquia de San Pedro de Muro. Dende o BNG criticaron a mala xestión que está a realizar o equipo de goberno desta situación e da necesidade de recuperar a auga do río Sieira, da que actualmente se aproveita o Concello de Ribeira. A voceira desta formación política, Ánxela Franco, considera que a medida podería dar solución precisamente ós veciños da parroquia de San Pedro de Muro.
  • O paso de 'Ana' deixa un regueiro de incidencias menores no Barbanza
    BOIRO> O temporal tamén deixou esta pasada noite un regueiro de incidencias no Barbanza, aínda que a maioría delas sen consideración. As rachas de vento, que nalgún caso chegaron a superar os cen quilómetros por hora, provocaron a caídas de árbores en numerosos puntos da comarca.
HomeSUCESOSAccidente con feridos na recta de Lesón Top of Page

Síguenos en facebook