09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
BOIRO> Na proba celebrada este domingo participaron uns setecentos corredores, sumando tódalas categorías. Onte domingo disputouse a décimo terceira edición da carreira popular Mar de Boiro, undécimo memorial Pepe Buceta. A organización da proba, que correu a cargo do Departamento de Deportes boirense, destacou a alta participación, con máis de 700 inscritos, sumando tanto a categoría de adultos como as de escolares e mini. A saída producíase ás once da mañá coa presenza das distintas autoridades locais, entre as que se atopaban o alcalde, Xoán Xosé Dieste, quen destacou a importancia da carreira, que co paso dos anos está a adquirir un maior protagonismo. O bo tempo existente durante toda a mañá axudou ó bo desenvolvemento da mesma, sendo numerosos os afeccionados que seguiron a proba ó longo de todo o seu percorrido, que estivo dividida ademais en varios trazados segundo as idades e categorías. O vencedor da proba na categoría absoluta masculina foi Juan Antonio Gude do Club Montepenarubia que completou o percorrido cun tempo de 32 minutos e 5 segundos. En segundo lugar quedou Amador Pena do Club Atletismo O Pino cun tempo de 32 minutos y 53 segundos. E catro segundos máis tarde entraba o terceiro clasificado, José Lojo do san Miguel de Marín. En canto á categoría feminina absoluta a vencedora foi a esteirana Rocío Alvite do Atletismo Sar-Petroni cun tempo de 38 minutos e 41 segudos. En segundo lugar quedou Elena matalobos da Sociedade deportiva Barbantia Roda cun tempo de 41:42 e o terceiro posto foi para Teresa Carneiro do Club Atletismo Santiago cun tempo de 42:15. Ademais do seu aspecto puramente deportivo, a carreira converteuse nunha gran festa do deporte.
BOIRO> O BNG de Boiro levará a pleno tres mocións encamiñadas a melloras os servizos do lugar de Esteiro. Reclaman a construción do paseo marítimo, a dotación de beirarrúas ata o lugar de Cariño e a eliminación das molestias ocasionadas polo pozo de bombeo.
BOIRO> A firma ten intención de investir uns 20 millóns de euros na construción de dúas novas naves, o que permitirá a creación duns douscentos postos de traballo. A aprobación por parte do Consello da Xunta de Galicia do proxecto sectorial de incidencia supramunicipal de ampliación das instalacións de Jealsa Rianxeira permitiralle á empresa poder desenvolver a ordenación do espazo contiguo ás actuais instalacións ubicadas no lugar do Bodión. As previsións da conserveira pasan fundamentalmente pola construción de dúas novas naves. Na ampliación a empresa ten previsto investir uns 20 millóns de euros que suporán a creación de 200 postos de traballo. Un feito destacado polo presidente do Goberno Autonómico, Alberto Núñez Feijoo. Segundo el posta en marcha deste proxecto volve a mostrar o compromiso da Xunta tanto co tecido industrial galego, apoiando ós empresarios que precisan expandir os seus negocios na Comunidade, como coas iniciativas que apostan pola mellora da empregabilidade en Galicia.
Mércores, 29 Novembro 2017 18:47

Amicos participa no programa Erasmus +

RIBEIRA> Na experiencia, que busca a integración das persoas con algún tipo de diversidade funcional nas aulas, participan tamén colectivos de discapacidade de distintos paises europeos. A Asociación Amicos participa con outros colectivos de atención a persoas con discapacidade de Reino Unido, Turquía, Romanía, Portugal e Grecia nun proxecto denominado “O Cambio Comeza con nós” que persegue mellorar a inclusión das persoas con diversidade funcional nas aulas. No acto de presentación do programa participaron o Xefe Territorial da consellería de Educación, Indalecio Cabana, o aldalde de Ribeira, Manuel Ruiz, ou a propia presidenta de Amicos, Esther Vidal. Todos eles valoraron a importancia do proxecto e o feito de acadar unha integración real nas aulas. O proxecto, que constará de varias fases e encontros internacionais, desenvolverase ó longo dos dous próximos anos, na busca de solucións en común implementadas xa con éxito noutros países do noso entorno.
BOIRO> A conselleira do Mar, Rosa Quintana, visitou o porto de Cabo de Cruz para comprobar o resultado das obras levadas a cabo nos últimos meses e que supuxeron a instalación de 125 novas prazas de amarre para o sector pesqueiro. A actuación contou cun investimento de máis de 700 mil euros.
BOIRO> A corporación municipal boirense debateu a aprobación inicial dos orzamentos municipais para o vindeiro ano 2018. O punto saíu adiante cos votos a favor unicamente do Partido Popular. Tódolos grupos da oposición votaron en contra da proposta do goberno municipal.
Xoves, 23 Novembro 2017 15:38

Xa á venda o calendario 2018 de Amicos

BARBANZA> As fotografías que aparecen nel volven a estar protagonizadas polos propios usuarios da entidade. Por quinto ano consecutivo, e debido tamén ó éxito de edicións anteriores, Amicos volverá a sacar á rúa o seu calendario solidario. Faino coa finalidade de recadar fondos para os programas que desenvolve a entidade ó longo do ano pero tamén para ensalzar a capacidade de integración laboral das persoas con discapacidade intelectual. Precisamente as fotografías que aparecen no calendario están protagonizadas polos propios usuarios da entidade e foron realizadas nunha ducia de negocios da comarca que quixeron colaborar coa iniciativa. Trátase de Construcciones Serdeco, Mar de Aguiño, Conxelados Piloño, Industria Química Río Blanco, Hispania Protección y Seguridad, Ferretería Casais, Talleres Susavila, Seguros Bilbao de Boiro, Digar Construcciones Metálicas, grupo JB CAO, Pinturas Isaval e Combustibles Puebla, ademais da propia Asociación de Empresarios de Boiro, en cuxa sede se realizou esta presentación. Os calendarios xa están a venda en dúas versións, tanto para parede como para mesa, a un prezo de tres e dous euros respectivamente. Para adquirilos, as persoas interesadas poden achegarse a algún dos centros de Amicos, tanto noo Centro de Atención Integral de Amicos en Comoxo coma no Centro de Educación Especial en Oleiros, así como tamén nas propias empresas que colaboran coa iniciativa.
BOIRO> Boiro Novo vén de presentar unha moción solicitando melloras na parroquia de Bealo. Ademais do acondicionamento da contorna da escola unitaria e a dotación de espazos de lecer, esixen a mellora da sinalización viaria en varios puntos.
BOIRO> O director xeral de Inclusión Social da Xunta de Galicia participou esta mañá no acto de entrega de diplomas dos cursos de conservación forestal e xardinaría de AMICOS. Doce usuarios da entidade participaron nestas accións formativas que buscan mellorar a capacitación profesional das persoas con discapacidade.
BOIRO> Boiro Novo volve demandar a convocatoria dos plenos coa periodicidade que establece o regulamento. Denuncian a acumulación de numerosas mocións sen debater a consecuencia de que non se celebren as sesións plenarias coa frecuencia que deberían.
Páxina 1 de 64
HomeSUCESOSMostrando artigos por etiqueta: Boiro Top of Page

Síguenos en facebook