• Facebook
  • Twitter
  • Rss
  • Plus
CALDAS> O PP provincial urxe ó concello de Caldas e á Deputación de Pontevedra que substitúan o céspede no campo de fútbol das Corticeiras, neste municipio. O terreo de xogo xa ten dez anos e presenta un estado de deterioro moi avanzado. O Partido Popular pediu esta mañá á Deputación de Pontevedra e ó concello de Caldas que se poñan dacordo, pero que algún dos dous asuma a substitución da herba sintética no campo de fútbol das Corticeiras. A voceira do grupo provincial, Nidia Arévalo, a deputada Luisa Piñeiro e o presidente local do partido, Jesús Goldar, reuníronse con varios membros da directovia do club de Caldas para escoitar as súas demandas. Pero tamén, para poñerse a disposición á hora de esixir un terreo de xogo de calidade. Jesús Goldar sinalou que o céspede deste campo de futbol non serve prácticamente para nada. Os populares recordaron que hai dez anos que a Deputación gobernada polo PP colocou herba artificial neste campo, precisamente a vida útil que se garante para un uso intensivo do terreo. como é o caso de Caldas. A Deputada Luisa Piñeiro sinalou que hai zonas do terreo de xogo afundidas. Desde o PP provincial sinalaron que reclamarán nunha nova ocasión compromisos do bipartito cos campos de futbol de toda a provincia incluido o de Caldas.
Publicado en SALNÉS - CALDAS
caldas> “Móvete por Mozambique”, é o lema da carreira solidaria na que esta mañá participaron os alumnos do Colexio San Fermín de Caldas. A Carballeira do municipio acolleu esta actividade a favor da ONG “Emiliani”. Eles, estudantes do Colexio San Fermín de Caldas, explicábano perfectamente xusto antes de comezar a carreira esta mañá. A Carballeira do concello acolleu esta evento solidario organizado pola Congregación dos Pais Somascos, propietaria deste centro educativo, co obxectivo de doar fondos á súa ONG “Emiliani” para o Fogar de Menores que teñen en Beira, Mozambique. Sobre concienciación coñece ben o Pai Carlos. Despois de ser profesor neste colexio de Caldas, leva xa oito anos dirixindo a casa fogar de Mozambique. E ós rapaces e rapazas de Caldas quedoulle ben claro o obxectivo. E para iso, e poder estar á altura na carreira, houbo que adestrar durante a semana, Os obxectivos deportivos, máis que cumpridos, pero para o máis importante, para o financiamento, tamén foron os cativos os encargados de conseguir ós patrocinadores, e atopáronos moi preto deles.
Publicado en SALNÉS - CALDAS
CALDAS> A Audiencia Provincial de Pontevedra arquiva de maneira definitiva a causa xudicial contra o alcalde de Caldas de Reis. Este mércores achegámonos ata o concello para coñecer de primeira man como recibiu o rexedor esta noticia.
Publicado en SALNÉS - CALDAS
CALDAS DE REIS> O concello de Caldas únese a unha iniciativa conxunta co concello de Cuntis, para favorecer a inserción laboral principalmente daqueles grupos de idade, que por diferentes circunstancias teñen máis difícil acceder a un posto de traballo. 
Publicado en SALNÉS - CALDAS
CALDAS> Pequena vitoria para o alcalde de Caldas. A Audiencia Provincial de Pontevedra ven de anular a apertura de xuízo oral contra Juan Manuel Rey por malversación de fondos; unha decisión que obriga ao xulgado de Caldas a dictar unha nova resolución. Para o rexedor socialista, esta é unha mostra máis da súa inocencia.
Publicado en SALNÉS - CALDAS
CALDAS> Caldas volverá a ser un ano máis a capital galega do rock... o festival regresa recuperando un segundo día de actuacións, e cun dos carteis máis completos da súa historia, entre os que destacan Siniestro Total, Marky Ramone e Agaraphobia. 
Publicado en SALNÉS - CALDAS
CALDAS> Este xoves celébranse o 70 aniversario de Arcos da Condesa como Entidade Local Menor. Un festexo que se conmemorou coa instalación de un cruceiro, que foi solicitado polo concello de Caldas de Reis a Deputación de Pontevedra.
Publicado en SALNÉS - CALDAS
Publicado en portada
CALDAS> Caldas mantense en alerta polo desbordamento do río Umia. A importante crecida das augas durante esta xornada fixo necesaria a apertura dun aliviadoiro do encoro. A media tarde a auga xa superara o seu nivel habitual, anegando varias zonas do centro da vila. Así as cousas, dende Protección Civil non descartaban que continuara aumentando.
Publicado en SALNÉS - CALDAS
Publicado en portada
CALDAS>   Unha muller resultou ferida grave nun accidente rexistrado esta mañá na N-640 que une Caldas con Vilagarcía. O sinistro produciuse concretamente á altura da parroquia de Godos, na ponte sobre a vía do tren. Ó parecer o vehículo que conducía saíuse da vía e bateu contra a banda de protección viaria. O impacto resultou tan brutal que o gardarraíl atravesou o vehículo e foi preciso que os bombeiros excarceraran á condutora, única ocupante do vehículo. A gravidade do seu estado obrigou a mobilizar ó helicóptero medicalizado do 112 con base en Santiago, que evacuou á ferida ó Complexo Hospitalario da capital (CHUS).
Publicado en SUCESOS
CALDAS> A presidenta da Deputación de Pontevedra comprométese co centro ocupacional de O Saiar. Despois de que o alcalde de Caldas trasladara a Carmela Silva a precariedade das instalacións e as dificultades das familias para afrontar o posible copago, hoxe a deputada Digna Rivas reuniuse coa ANPA. Neste encontro, acordaron que a situación do centro será un dos temas que a presidenta da Deputación traslade ao seu homólogo da Xunta nunha reunión aínda sen data.
Publicado en SALNÉS - CALDAS
Páxina 1 de 4
HomeSUCESOSMostrando artigos por etiqueta: Caldas Top of Page

Síguenos en facebook