• Facebook
  • Twitter
  • Rss
  • Plus
O alcalde do Grove facía estes anuncios esta mañá durante a inauguración da escultura coa réplica da Moeda Xacobea atopada na Parroquia de San Vicente. Un acto que congregou a numerosos veciños e que contou coa presenza da presidenta da Deputación, Carmela Silva. Nos anos 80, cando comezaron as escavacións do Adro Vello da parroquia de San Vicente de O Grove, apareceu unha moeda cun reverso no que se acuña a translación do Apóstolo Santiago. O achado foi de tal relevancia, xa que é a testemuña histórica máis antiga que existe do traslado dos restos do Apóstolo desde Palestina ata Iria Flavia, que se decidiu fabricar a escultura a escala, para presidir o atrio da Igrexa, coa colaboración da Deputación. A moeda orixinal está feita pola fábrica de moedas compostelá, e acuñada no século XII, durante o reinado de Fernando de León. A escultura da réplica, deseño dun alumno da Escola de Cantería da Deputación, conta con 1,2 metros de diámetro, e foi elaborada en granito silvestre galego. Ó acto de inauguración asistiron numerosos veciños da parroquia de San Vicente, que acompañaron ás autoridades e ó párroco, Ventura Martínez , promotor da escultura e encargado de bendicila mesma esta mañá.
Publicado en SALNÉS - CALDAS
O GROVE> Esta mañá asinouse o convenio de mantemento do grupo local de atención a emerxencias do Grove entre o concello, a Deputación de Pontevedra e a Xunta de Galicia. Este ano o convenio supón un orzamento de 75.000 euros. O vicepresidente da xunta, Alfonso Rueda, asinou esta mañá o convenio de colaboración entre Xunta, Deputación de Pontevedra e o concello para o mantemento do grupo local de atención a emerxencias do Grove. Este grupo, formado por 13 efectivos, reforza a atención ás emerxencias no concello nunha época onde ve incrementada a súa poboación pola chegada de turistas. O convenio vénse asinando desde 2014 e conta cun orzamento global de máis de 130.000 euros. O alcalde do Grove destacou a relevancia deste convenio, pola importancia tan vital que ten para o municipio este servizo, pero aproveitou tamén para solicitar a presenza dun GES premanente no concello. O Deputado provincial Carlos López Font, en representación da Deputación de Pontevedra, resaltou a importancia da unión entre as tres entidade para conseguir chegar a acordos. O vicepresidente da Xunta fixo fincapé na aposta da Xunta polas emerxencias, como os 24 parques comarcais de bombeiros que hai en toda Galici, así como na creación dos Grupos de Emerxencias Supramunicipais, aínda que asegurou que a cobertura sempre é mellorable. Rueda subliñou tamén a presenza destes servizos no Salnés, como o de Emerxencias do Grove e de Sanxenxo, ou o Parque do Salnés coas sedes de Ribadumia e Vilagarcía.
Publicado en SALNÉS - CALDAS
O Grove foi o punto de venda máis importante de Galicia xunto co porto da Coruña, chegando ós 759.000 euros, tras despachar 75 toneladas de crustáceo. Son os datos extraídos trala fin de campaña da centola. O pasado sábado comezaba a veda do rei dos mariscos, que se manterá activa ata o próximo 13 de novembro. Desde as cero horas do sábado a centola está oficialmente en veda nas provincias da Coruña e Pontevedra, e non poderá pescarse nin comercializarse ata o 13 de novembro. Esta campaña da centola deixa en Galicia cifras récord nas lonxas no tocante ós ingresos, superando os 3,54 millóns de euros, o mellor datos dos últimos 16 anos na comunidade. Uns prezos elevados, compensaron unha baixada nas descargas. As 246 toneladas de produto, supón un 21 por cento menos que hai un ano. E se falamos de cifras, no caso da centola, temos que falar do Grove. No peirao meco, o principal da provincia, a centola marcou un prezo máximo de 45,5 euros por kilo. Neste porto, ingresaron desde que comezou a campaña, o pasado novembro, 736.000 euros pola venda de 39 toneladas de crustáceo, repetindo unha vez máis como o punto de venda máis importantes de Galicia, xunta ó porto da Coruña, que chegou a 759.000 euros tras despachar 75 tonaledas.Tamén caben destacar as cifras do porto de Ribeira, os 490.000 euros que deron de sí as 35 toneladas capturadas. Ou Cambados, que pecha a lista das cinco principais lonxas, chegando ós 329,000 euros coas súas 17 toneladas. Estes son datos dunha campaña que remata. a partir das cero horas do luns 13 de novembro, volverá o marcador a cero e a centola volverá verse nas nosas lonxas.
Publicado en SALNÉS - CALDAS
Pontevedra> A Presidenta da Deputación asinou esta mañá un convenio coa parroquia de San Vicente do Grove. O fin desta sinatura é o de elaborar unha réplica da moeda xacobea atopada no xacemento de Adro Vello. A Escola de Cantería será a encargada de elaborar esta réplica de 1,20 metros de diámetro, para o xardín da Igrexa.
Publicado en PONTEVEDRA
O GROVE>Unha invasión espacial en plena praia da Lanzada. É o que se viviu esta mañá no Grove coa celebración da décimo terceira edición de Esculturas na Area, que organiza o Instituto Monta da Vila do concello meco. Unha nave espacial, un alieníxena, un cráter….ou o sistema solar. Uns 800 alumnos de 13 institutos de toda Galicia, acudiron á edición número 13 desta xornada de esculturas de area que organiza o departamento de artes plásticas do IES Monte da Vila do Grove. Cada ano, hai unha temática diferente, e nesta ocasión, como poden observar, foi o espazo sideral. Nisto das esculturas de area, a imaxinación é esencial, para todo o proceso, que comeza xa na aula co deseño da cada figura, cos alumnos divididos en grupos. Aínda que a creatividade é a materia que máis puntúa nesta xornada lectiva, o profesor de tecnoloxía tamén ten moito que dicir. Antes xa de que o mar da Lanzada desfaga estas figuras siderais, no instituto do Grove están pensando xa na temática do próximo ano .
Publicado en SALNÉS - CALDAS
O GROVE> Arroz caldoso de mariscos, ou ensalada de xarda mariñada, son algúns dos pratos que esta mañá prepararon os alumnos da escola de hostalaría Carlos Oroza no Mercado do Grove. Unha actividade enmarcada no programa “Degusta Europa” da Deputación de Pontevedra. Arroz caldoso de mariscos, ensalada de xarda mariñada, firtos do camiño con salsa mariñeira, herbas do camiño, batido verde do mercado….E todo, con ingredientes recén saídos da propia praza de abastos, e elaborados polos alumnos da escola de Hostalaría Carlos Oroza de Pontevedra. Este menú de luxo era o que puideron probar esta mañá os que se decidiron a pasar polo Mercado do Grove. Con motivo do Día de Europa, a Deputación de Pontevedra celebrou por segundo ano consecutivo “Degusta Europa”, unha iniciativa que busca promover os mercados locais e ó mesmo tempo impulsar os productos das Rías Baixas . No Degusta Europa deste ano, os pratos estiveron inspirados nos Camiños Xacobeos. Pero quén mellor para presentalos, que os propios cociñeiros, as futuras promesas da cociña galega. Unha experiencia sensorial para os que pudieron gozar das tapas, pero unha gran experiencia profesional para estes alumnos. O esforzo sempre ten a súa recompensa, e tras rematar a xornadas este alumnos da Carlos Oroza puideron degustar as súas creación e saborear a satisfacción do traballo ben feito.
Publicado en SALNÉS - CALDAS
O GROVE> A directora Xeral de Comercio e Consumo da Xunta de Galicia, Sol Vázquez, visitou esta mañá a Praza de Abastos de O Grove, que está en fase de acondicionamento para ofrecer espazos a baixo custe a aqueles que queiran emprender o seu negocio, e deste xeito contribuír a dinamizar o mercado da vila.
Publicado en SALNÉS - CALDAS
O GROVE> A primeira xornada da campaña da centola volveu converter a lonxa de O Grove no centro de atención. Tras pasar toda a mañá faenando, os mariñeiros voltaron a terra con menos capturas que o ano pasado. Un revés que compensa o prezo que acadou na poxa: as pezas máis caras vendéronse a 26 euros. 
Publicado en SALNÉS - CALDAS
O Grove> Na pasada noite daba o seu  pistoletazo de saída a quincuaxésima terceira edición da Festa do Marisco do Grove. Unha cita que se desenvolverá ata o día 16 de outubro e onde poderán atopar os mellores produtos das nosas rías a prezos populares. 
Publicado en SALNÉS - CALDAS
O GROVE> Madrugada tráxica nas augas da Illa da Toxa. Un home faleceu e dous tiveron que ser rescatados despois de que foran sorprendidos pola suba da marea. As primeiras hipóteses apuntan a que poderían estar mariscando ilegalmente. No rescate participaron efectivos da Garda Civil, de Protección Civil e incluso o helicóptero Pesca 1 do servizo de Gardacostas de Galicia. 
Publicado en SUCESOS
O GROVE> A data de reapertura da campaña do centolo enfada á Confraría de O Grove. As embarcacións poderán voltar a faenar o 27 de novembro, vinte días máis tarde que o ano pasado; un retraso que, segundo explican dende o pósito meco, fará que se perda o pico máis forte da campaña. Por iso, mañá presentarán un recurso ante a Consellería do Mar, reclamando que se lles escoite.
Publicado en SALNÉS - CALDAS
Venres, 18 Marzo 2016 19:09

A Semana Santa arrinca a medio gas

Publicado en portada
Páxina 1 de 9
HomeSUCESOSMostrando artigos por etiqueta: O Grove Top of Page

Síguenos en facebook