• Facebook
  • Twitter
  • Rss
  • Plus
VILAGARCIA> Tomás Fole presentou a súa renuncia como portavoz municipal e concelleiro do Partido Popular en Vilagarcía. O aínda edil ata finais de mes, pon fin a case 14 anos formando parte da corporación de Vilagarcía.
Publicado en SALNÉS - CALDAS
VILAGARCÍA> A Xunta de persoal do Hospital do Salnés mantén a súa loita contra a reforma da Lei de Saúde, e os representantes políticos continúan mantendo encontros con eles. Hoxe foi o voceiro de En Marea, Luis Villares, o que se desprazou ata o centro comarcal. Dende aí, revalidou o compromiso da súa formación para que a Xunta abandone a reforma. A Xunta de Persoal do Hospital do Salnés continúa a recibir apoios na súa loita contra a reforma da Lei de Saúde que prepara a Xunta de Galicia. Esta mañá, o voceiro de En Marea, Luis Villares, trasladou o seu apoio aos representantes dos traballadores. Aínda que polo de momento non hai informacións que indiquen un cambio de postura da Consellería de Sanidade, Villares destacou a importancia da mobilización social para frear o cambio. Dende a Xunta de Persoal agradeceron o interese da formación. Tamén explicaron que a Plataforma en Defensa da Sanidade Pública reanudará as súas accións para informar á cidadanía das consecuencias que, aseguran, traerá este cambio. O colectivo comezará as charlas informativas no concello de A Illa de Arousa o vindeiro mércores 18 de outubro. Será ás 8 da tarde no salón de plenos do concello.
Publicado en SALNÉS - CALDAS
VILAGARCÍA> Trinta e cinco desempregados de Vilagarcía arrincaron esta mañá a súa formación. Xunta e concello inauguraron dous dos novos obradoiros de emprego que lle foron concedidos á localidade. Os dous programas contan cun orzamento de 420 mil euros. Concello de Vilagarcía e Xunta de Galicia formarán a 35 desempregados do municipio para mellorar as súas posibilidades de atopar un posto de traballo. Esta mañá arrincaron os novos obradoiros de emprego. O primeiro dos obradoiros favorecerá a 20 desempregados, que se formarán en Fontanería e Carpintería. Durará 9 meses, e contará cun investimento de case 280.000 euros. Durante a súa formación, os alumnos traballarán en diferentes puntos de Vilagarcía, para revalorizar espazos públicos. Operacións auxiliares de actividades e funcionamento de instalacións deportivas, e socorrismo en espazos acuáticos, serán as materias nas que se van a formar 15 alumnos menores de 30 anos no marco do obradoiro Labora Xove 2017. Neste caso, conta cun investimento de 140.000 euros.
Publicado en SALNÉS - CALDAS
VILAGARCÍA> Esta mañá presentouse ante a prensa, e tamén ante a Xunta de Persoal, o novo Xerente Executivo do Hospital do Salnés. A presentación oficial faise xusto un día antes de que se celebre a manifestación comarcal contra a nova Lei de Saúde pública, que converte este centro hospitalario nun distrito pertencente á área de Pontevedra. Desde o Sergas aseguraron esta mañá, que a Lei beneficia tanto a pacientes como a profesionais. O doutor Antonio Vicente Martínez Calvo, con experiencia en xestión no Sergas tanto na Coruña como en Cee, chega á xerencia do Hospital comarcal do Salnés nun momento convulso. Esta mañá foi a súa presentación oficial, tanto ante a prensa, como ante a xunta de persoal, coa que se reuniu á unha do mediodía, xusto un día antes da manifestación convocada en Vilagarcía contra a nova Lei de Saúde Pública. Martínez Calvo asegura que chega coa intención de potenciar o Salnés e cunha actitude de colaboración total tanto con pacientes como cos profesionais do centro. O flamente xerente estivo acompañado na súa presentación polo Xerente da Área Sanitaria do Salnés, Xosé Ramón Gómez destacou ante a actual crise pola reforma da Lei de Saúde, que convertirá o Salnés nun distrito da área de Pontevedra, que moitas das críticas ó anteproxecto non están contrastadas nin argumentadas. E afirma que a nova lei integra os recursos dos dous centros hospitalarios. E subliñou tamén que este novo modelo beneficiará tanto ós pacientes como ós profesionais dos centros. E no caso do persoal do Hospital, segundo o xerente, facilita o acompañamento do paciente indepentemente do centro no que teña que facer cada proba, garantindo a seguridade do mesmo. Os representantes do Sergas quixeron destacar tamén que a Xunta leva investidos 8 millóns de euros no Hospital do Salnés, algo que está lonxe do que algúns están a chamar o “desmantelamento” deste centro
Publicado en SALNÉS - CALDAS
VILAGARCIA> O socialista Julio Torrado non foi o único que asistiu á concentración da Plataforma en Defensa da Saúde Pública do Salnés esta mañá ante o Hospital. O Deputado Provincial Carlos López Font, ou alcaldes dos concellos afectados pola reforma da Lei, estiveron tamén presentes, e aproveitaron para animar á asistencia á manifestación de mañá ás oito e media da tarde. Os alcaldes de Vilagarcía, Cambados e a Illa, representantes do grupo municipal do BNG, ou o deputado provincial Carlos López Font…foron algúns dos que apoiaron a concentración esta mañá da Plataforma pola Sanidade Pública do Salnés. Foi ás portas do hospital, pouco antes da presentación do novo xerente, e é a última antes da Manifestación que está convocada para mañá ás oito e media da tarde, con saíde desde a Casa do Mar de Vilagarcía. Para o alcalde da capital arousá esta unión é unha mostra de que a xente está en contra de que o Salnés se convirta nun ambulatorio grande. O Deputado provincial do PSOE, Carlos López Font, quixo advertir ás 75.000 persoas que dependen da área sanitaria do Salnés, do que segundo apuntaron, provocará a modificación da Lei de Saúde. Recorte, desmantelamento e privatización da sanidade, así definíu o deputado o que pretende o goberno de Núñez Feijoo. E asegurou que a plataforma comparecerá no pleno de mañá na Deputación. Estivo presente tamén o voceiro de Sanidade do PSdGa, partido que onte levou ó Parlamento, xunto con En Marea, unha moción contra a lei, que finalmente foi rexeitada. Tanto os representantes políticos, como desde a plataforma, animaron a todo o mundo a asistir mañá a partir das oito e media da tarde, na Avenida da Mariña de Vilagarcía, fronte á Casa do Mar, á manifestación en defensa da Sanidade Pública.
Publicado en SALNÉS - CALDAS
VILAGARCÍA> Vilagarcía poderá liberarse tres anos antes do previsto Plan de Axuste que fora aprobado polo anterior grupo de goberno. A medida permitirá que o concello evite unha suba anual do 2 por cento dos impostos ó cidadáns. O prazo do plan de axuste aprobado polo anterior grupo de goberno en Vilagarcía, liderado polo popular Tomás Fole, expira no ano 2020. Aínda así, desde Ravella aseguran que o concello poderá liberarse da débeda tres anos antes do previsto, neste mesmo ano. Pero en que consistía este plan de axuste? Pero o que lles interesa ós cidadáns é saber se esta liberación do plan terá unha consecuencia positiva para o peto dos vilagarciáns, e efectivamente é así. A débeda que mantiña o concello vilagarciá cos seus provedores en 2012 ascendía a 4,4 millóns de euros, a maioría pequenas e medianas empresas. E agora o goberno liderado polo socialista Alberto Varela, asegura que a correcta xestión das finanzas municipais permitiu que se xenerase un superavit que se destinará a amortizar o que queda pendente do crédito do 2012, que ascendía a 1,5 millóns de euros. Esta operación precisa do visto bo do pleno que se celebrará a próxima semana.
Publicado en SALNÉS - CALDAS
VILAGARCÍA> A plataforma de Emigrantes Retornados do Salnés concentrouse esta mañá ás portas da sede de Facenda en Vilagarcía, para anunciar que gañaron unha batalla fronte ó gobernó español, a través dunha sentenza do Tribunal Superior de Xustiza de Galicia, pero que aínda queda moita guerra para conseguir un trato xusto e igualitario para estes xubilados. Non é a primeira vitoria legal do colectivo, xa que en decembro do ano pasado explicaron que o Tribunial Superior de Xustiza de Galicia xa fallara que o Estado Español non pode cobrar polas pensións a quen traballase en Alemaña durante o periodo de vixencia do acordó bilateral España-Alemaña, sempre e cando xa paguen impostos no país xermano. Xa entón a Plataforma de Emigrantes Retornados do Salnés, anunciaba que interporía máis demandas similares no Alto Tribunal nos casos de que os afectados xa tributasen no seu país de orixen, aínda que éste non fose Alemaña. Nesta ocasión, a sentenza é favorable para Adelina. Unha vitoria que supón unha batalla legal gañada para Adelin, pero a plataforma esixe que esta situación sexa igual para tódolos emigrantes retornados sen ter que denuncar de xeito individual. Posto que ó ser sentenza do Tribunal galego non senta xurisprudencia, e por iso. continuarán coas súas peticións. O voceiro da Plataforma explicou esta mañá que son xa ducias as sentenzas que lles dan a razón, e non entenden a qué esperan para modificar a Lei 35/2006. Desde a Plataforma do Salnés aproveitaron tamén para anunciar que o próximo 13 de outubro haberá unha manifestación nacional por este motivo, que terá lugar na localidade ourensá de O Carballiño.
Publicado en SALNÉS - CALDAS
VILAGARCÍA> Asesoramento xurídico, social e laboral a mulleres vítimas de violencia de xénero. É o obxectivo do programa Galicia en Igualdade, da Fundación Amigos de Galicia, que vén de recibir unha aportación de 24.000 euros por parte da Obra Social de La Caixa. 214 mulleres de toda Galicia, están a recibir, xa desde o ano 2010, apoio xurídico, social e laboral, a través do proxecto Galicia en Igualdade, da Fundación Amigos de Galicia, con sede en Vilagarcía. O director da Área de Negocio de Pontevedra reiterou o compromiso da Obra sOCial de La Caixa con este tipo de causas. Nesta ocasión a Obra Social de la Caixa aportou 24.000 euros a esta programa de Galicia en Igualdade.
Publicado en SALNÉS - CALDAS
VILAGARCÍA> Se queren aforrar en non saben como facelo, este xoves celebrarase unha charla coloquio baixo o título "cinco claves para o éxito" no Auditorio de Vilagarcía.
Publicado en SALNÉS - CALDAS
VILAGARCÍA> O concello de Vilagarcía continúa coa súa aposta pola humanización das rúas do municipio. Se o plan está xa implantado en varias rúas do centro da cidade, unha vez que remate a peonalización da zona das Prazas de Galicia e a Independencia, a intención de Ravella é trasladar este modelo ás parroquias de Carril e Vilaxoán. É sen dúbida un dos grandes obxectivos do goberno que dirixe Alberto Varela en Vilagarcía, converter a cidade nun espazo para as persoas, e non para os vehículos. Un modelo humanizado de cidade, que terá como próximo paso a contorna das prazas de Galicia e a Independencia, pero que tamén, desde Ravella teñen pensado ampliar ás parroquias do concello, en concreto a Carril e Vilaxoán. Paola María asegura que están a analizar as dúas intervencións economicamente, para tomar a mellor decisión. Actuacións, tanto as de Carril como as de Vilaxoán, que realizarán con fondos Feder pero non descartan outro tipo de axudas. A humanización non implica sempre a peonalización total das rúas, senón que implica tamén o adecentamento das mesmas. Nestes momentos o asunto está en mans do arquitecto municipal que analiza as actuacións a realizar, e que previsiblemente comezarán en Carril pola rúa Aduana, paralela á xa peonalizada rúa do Carme.
Publicado en SALNÉS - CALDAS
Venres, 15 Setembro 2017 19:45

"Compartir lévache mais lonxe "

VILAGARCÍA> “Compartir lévache máis lonxe”, unha frase que podería aplicarse a moitos ámbitos da vida, pero neste caso é o lema da Semana Europea da Mobilidade deste ano. O concello de Vilagarcía súmase á iniciativa cun programa cheo de actividades, do 16 ó 22 de setembro. Ademais, desde Ravella, anunciaron esta mañá importantes medidas para continuar coa súa aposta por unha cidade para as persoas. Circuitos en bici e a pe, obradoiros de arranxo de bicicletas, charlas de educación viaria, e un paseo nocturno, son as actividades que organiza o concello de Vilagarcía pola Semana Europea da Mobilidade, que se celebra do 16 ó 22 de setembro, e que esta mañá se presentaron no consistorio. Actividades que organiza o concello coa colaboración da Policía Local e tamén de Arousa en Bici. Unha conciencia coa mobilidade e a accesibilidade pola que o goberno local aposta desde que comezou o seu mandato. A concelleira de urbanismo anunciou tamén outras medidas que Ravella levará a cabo proximamente para seguir mellorando neste sentido. Como o pasar de 5 a dez estacións de Vai Bike antes de que remate o ano, a mellora das marquesiñas de autobús, continuar co plan de peonalización, cuxo próximo tramo é a praza de Galicia, levar a Zona 30, xa instalada no centro, a Vilaxoán e Carril, ampliar o carril bici do casco urbano, ou acondicionar o xa existente no paseo marítimo.
Publicado en SALNÉS - CALDAS
VILAGARCÍA> O Partido Popular sae ó paso das críticas da oposición no Salnés á reforma da Lei de Saúde Pública. Representantes do partido na comarca, asistiron esta mañá en Vilagarcía a unha reunión con representantes do PP Provincial. Trala mesma, ante os medios de comunicación, aseguraron que esta reforma favorece ás persoas e negan que o Hospital do Salnés vaia perder autonomía. Os representantes do PP de Cambados, Ribadumia, Vilagarcía, e o presidente da Mancomunidade do Salnés asistiron esta mañá en Vilagarcía a unha reunión co Partido Popular provincial, para explicar trala mesma con detalle a reforma da Lei de Saúde Pública. Os populares saen ó paso das críticas dos alcaldes da oposición no Salnés, que aseguran que coa nova lei, que elimina o actual mapa das áreas sanitarias, os Hospital da comarca perderá autonomía. Desde o pp provincial, aseguraron esta mañá todo o contrario, e afirmaron que esta reforma favorecerá ós cidadáns. O deputado Aurelio Núñez explicou que con esto se pretende blindar a existencia dos hospitais comarcais. Cada distrito terá que ter un centro deste tipo, e facilitará o incremento dos recursos e facilidade para desprazas especialistas entre centros da mesma área. O deputado destacou tamén que desde o ano 2012 os hospitais comarcais atenderon 260.000 consultas en Galicia, e a Xunta investiu 20 millóns de euros nestes centros. A deputada Marta Rodríguez subliñou que no Salnés en concreto, investíronse 9 millóns de euros. Pola súa banda, o presidente da Mancomunidade do Salnés, Gonzalo Durán, cualificou de vergoña que se queira dar a entender que o PP queira acabar co Hospital do Salnés, cando foi este partido o que conseguiu sacar adiante o centro e amplialo. Desde o PP provincial afirmaron tamén que terán reunións con alcaldes e representantes municipais da zona para aclarar calquera dúbida respecto dos cambios que suporá este reforma para o hospital da comarca.
Publicado en SALNÉS - CALDAS
Páxina 1 de 54
HomeSUCESOSMostrando artigos por etiqueta: Vilagarcía Top of Page

Síguenos en facebook