09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus
VILAGARCÍA > Xa está en marcha a primeira edición do Degusta Galicia, no Fexdega de Vilagarcía. Ata o vindeiro domingo, se se achegan ata alí, poderán probar e levar para a casa unha gran variedade de produtos de máxima calidade elaborados en Galicia. Paté de ostras de Cambados. Croquetas de queixo de San Simón feitas en Lugo. Marmelada de pemento elaborada en Oleiros ou prebes feitas en Vilagarcía. Esa é a carta de presentación do Degusta Galicia, un saboroso salón gastronómico composto por 63 expositores. Todos eles teñen un nexo común: a súa orixe galega e a elevada calidade dos seus produtos. Entre os produtos expostos, atopamos innovacións culinarias con produtos da terra Cunha materia prima galega, de máxima calidade. Entre os vendedores, de momento, bo sabor de boca… E entre os que esta mañá se adentraban polos corredores do FEXDEGA, satisfacción xeralizada por atopar tan preto da casa unha variedade tan ampla de produtos, a un prezo adsequible. A primeira edición deste salón estará aberto ata o vindeiro domingo, entre as 11 da mañá e as NOVE da noite.
Publicado en SALNÉS - CALDAS
VILAGARCÍA > Novembro pecha cunha suba xeralizada do paro. Na provincia de Pontevedra o número de demandantes de emprego incrementouse neste mes nalgo máis de 170 persoas. Ante estes datos, na rúa, a xente agarda que a campaña de Nadal permita recuperar lixeiramente o emprego, nunha campaña marcada pola temporalidade dos contratos. O mes de novembro pecha con datos negativos para o desemprego. Na provincia de Pontevedra o número de persoas que buscan traballo e non o atopan sitúase nos 74.475: son 174 persoas máis que un mes antes, ou o que é o mesmo: un 0,47% máis que no mes de outubro. Visto doutro xeito, os datos coñecidos hoxe son positivos, pero en relación co mes de novembro do ano 2016. Nesta comparativa interanual, o paro descendeu na provincia de Pontevedra algo mais dun 8%. Sexa como for, a ría de Arousa segue a estar entre as zonas máis prexudicadas. Dende o mes de setembro sumáronse ás listas do paro no Barbanza 567 persoas e no Salnés 1.792 parados en só tres meses. Na rúa, este lixeiro ascenso do desemprego con respecto ó mes de outubro non sorprende. A maioría dos enquisados tamén agoiran un incremento da contratación de cara ó Nadal, unha época de moito consumo, caracterizada tamén pola temporalidade dos contratos.
Publicado en SALNÉS - CALDAS
VILAGARCÍA > O director xeral de Inclusión Social da Xunta visitou esta mañá as renovadas instalacións do Comedor Social de Cáritas, en Vilagarcía. Entre as melloras, salienta a renovación do chan e o arranxo dos baños. En total, investíronse preto de 23.000 euros. Dende hai uns días, o Comedor Social de Cáritas en Vilagarcía goza dunhas renovadas instalacións, que permiten facer máis levadeira a estadía das persoas sen recursos que as empregan acotío. Entre as actuacións, a máis demanda polos usuarios, traballadores e voluntarios do centro era a substitución das vellas e esvaradías baldosas por un novo pavimento, máis seguro. Tamén se renovaron por completo os baños do centro, instalouse nova iluminación de tipo led e se repintaron todas as dependencias. En total, un investimento de algo máis de 23.000 euros, con fondos procedentes en boa medida da Xunta. Neste exercicio, de feito, o goberno galego destinou para Cáritas Interparroquial de Vilagarcía un total de 83.000 euros destinados ó bo funcionamento do comedor, á súa conservación e ó bo funcioanento da Casa de Acollida de San Cibrán, en Vilaxoán. O director xeral aproveitou a xornada para visitar tamén o Centro Sociocomunitario de Vilaxoán, segundo os seus responsables “un espazo completamente dotado” para uso e goce dos maiores da zona, e tamén das xeracións máis novas.
Publicado en SALNÉS - CALDAS
VILAGARCÍA > O Intecmar conmemora o seu 25 aniversario. Para celebralo, o Instituto Tecnolóxico para o Control do Medio Mariño abre as súas portas a todo aquel que o desexe, coa intención de dar a coñecer a súa labor, centrada no control da calidade do medio mariño. Hoxe celebrouse a primeira dunha serie de visitas guiadas. Era o ano 1992 cando a Xunta poñía en marcha en Vilaxoán o INTECMAR, un organismo centrado na protección e mellora da calidade do medio mariño e no fomento da produción de moluscos baixo os limiares de máxima calidade. Daquela chamábase Centro para o Control da Calidade do Medio Mariño e a súa capacidade de resposta era limitada. 25 anos despois, e convertido xa nunha referencia mundial no sector, o INTECMAR decidiu abri-las súas portas para dar a coñecer os seus múltiples campos de actuación. O Instituto organizou catro xornadas de portas abertas, de calquera tipo de perfil. Hoxe celebrouse a primeira desas citas, cunha conferencia impartida polos propios expertos do centro na que se deron a coñecer os diversos quefaceres do Instituto en materia de seguridade alimentaria, sanidade animal e contaminación. A xornada completouse cun percorrido polas instalacións, permitindo afondar nas súas funcións e na historia do centro. No mes de xaneiro desenvolveranse as outras tres xornadas guiadas, para as que xa non quedan prazas. Ante a boa acollida da iniciativa, dende o Intecmar valoran xa a posibilidade de lanzar novas datas para o mes de febreiro.
Publicado en SALNÉS - CALDAS
VILAGARCÍA > Vilagarcía puxo hoxe punto e final ós cursos de Inmersión Dixital. 25 actuacións formativas e 413 alumnos despois, o concello de Vilagarcía clausuraba esta mañá os Cursos de Inclusión e Capacitación dixital. As actividades buscan mellora-las competencias dixitais dos veciños da vila, sexa cal sexa a súa idade ou situación laboral. Os cursos arrancaron no mes de maio e hoxe chegaron ó seu fin por este ano, coa entrega de diplomas ós participantes da derradeira actividade. Durante os últimos días, os alumnos aprenderon a sacar partida á internet á hora de buscar emprego, botando man de novas ferramentas. Outros, fóra xa do mercado laboral, atoparon nestas iniciativas unha vía de acceso ó mundo das novas tecnoloxías. O Concello agarda que para o ano que vén se repita o éxito de participación desta edición.
Publicado en SALNÉS - CALDAS
VILAGARCÍA> O Instituto Tecnolóxico para o control do Medio Mariño de Galicia celebrou esta mañá os seus 25 anos de historia. No acto institucional que acolleron as instalacións do peirao de Vilaxoán, as autoridades ensalzaron o papel deste centro, que traballa na súa candidatura para acoller o Laboratorio Comunitario de Referencia para o Control de Bivalvos. Así o defendeu, entre outros, o presidente da Xunta. Numerosas autoridades desfilaron polo Intecmar para celebrar o seu 25 cumpreanos. Neste tempo, o centro de Vilaxoán tense convertido nunha referencia a nivel europeo, como centro punteiro no control do medio mariño. Os asistentes recordaron os comezos do Intecmar, e o seu traballo a prol de garantir a calidade do produto que se obtén do mar galego. Foi un acto cargado de orgullo, que deixou tamén momentos para a emotividade. Trala súa exitosa traxectoria, o Intecmar ten agora un novo reto por diante: materializar a súa candidatura para acoller o Laboratorio Comunitario de Referencia para o Control de Bivalvos. Segundo o presidente da Xunta, o centro de Vilaxoán é idóneo para converterse nesta sé. Con este obxectivo sobre a mesa, Alberto Núñez Feijóo fixo fincapé na necesidade de que o Intecmar se manteña como un dos mellores centros destas características do mundo.
Publicado en SALNÉS - CALDAS
VILAGARCÍA> Vilagarcía acolleu hoxe a celebración da primeira edición de Castes, unha microfeira dirixida tanto ao público xeral como ao profesional. A iniciativa foi posta en marcha polo sumiller José Dieste, do espazo gastronómico Derby. Nela os asistentes puideron coñecer de preto a oferta de adegas familiares das Denominacións de Orixe de O Ribeiro, Ribeira Sacra e, como non, Rías Baixas. "Castes" estreouse esta mañá en Vilagarcía. O túnel do viño despregado no espazo gastronómico Derby atraeu a decenas de profesionais do sector do viño, que viron nesta microfeira unha oportunidade para coñecer o que se está a traballar no mundo vitivinícola galego. Monovarietais, coupages, viños de garda, brancos ou tintos. As adegas participantes desprazaron ata Vilagarcía as súas elaboración para participar neste evento que, aseguran, permítelles un trato máis próximo co cliente. Variadas elaboracións pero sempre de viños de calidade, todos amparados en tres das cinco Denominacións de Orixe galegas. Adegas do Ribeiro, Ribeira sacra e, como non, Rías Baixas, estiveron presentes na cita vilagarciá. Unha cita que, ademais, nace con vocación de continuidade. Non así de ampliación. A programación continuou pola tarde cunha cata a cegas dirixidas polos sumilleres José Luis Aragunde e José Dieste no Auditorio. Xa pola noite, o Derby volveu abrir as súas portas cun novo túnel do viño, desta volta para todos os públicos.
Publicado en SALNÉS - CALDAS
VILAGARCÍA> O concello de Vilagarcía xa ten o proxecto de reforma para a Praza da Independencia. Con esta actuación, o goberno local dá un paso máis no seu modelo urbano, marcado polas zonas peonís e a mellora da accesibilidade. A actuación financiarase no marco do proxecto Vilagarcía Avanza, que contará con fondos europeos. Está orzamento en 420.000 euros. Vilagarcía camiña cara un modelo de cidade máis accesible e humanizado. Coas obras de peonalización da Praza de Galicia a piques de ser adxudicadas, o concello presentou esta mañá a intervención na Praza da Independencia. Unha parte da actuación dirixirase a peonalizar dúas das tres rúas que rodean a praza. Nesta zona empregaranse dous tipos de formigón, material duradeiro e que precisa e pouco mantemento. A praza en si non experimentará grandes cambios. O máis importante será a eliminación do vaso da fonte, facéndoa máis accesible. A intención é reutilizar a peza noutra zona deste espazo. A substitución de todas as redes de abastecemento, saneamento e telecomunciación, e a creación de superficies de captación de auga para reducir posibles asolagamentos, son outros puntos da intervención, que conta cun orzamento de 420.000 euros financiados cos fondos europeos do Plan Vilagarcía Avanza.
Publicado en SALNÉS - CALDAS
VILAGARCÍA> Medra a fractura entre o concello de Vilagarcía e a Autoridade Portuaria. En rolda de prensa, o alcalde informaba dunha carta da presidenta do Porto na que solicitaba información sobre o estado dos trámites que permitirían construír un hotel no peirao de O Ramal. Unha posibilidade que Alberto Varela volveu rexeitar de pleno. Despois, Sagrario Franco acusábado de deslealdade institucional, e aseguraba que a Autoridade cumprira con todas as condicións que se puxeran para permitir a construción deste hotel. O urbanismo volve enfrontar a concello de Vilagarcía e Autoridade Portuaria. Alberto Varela oponse de pleno á construción dun hotel no peirao de O Ramal. Varela responde así publicamente a unha carta da presidenta do Porto interesándose pola paralización do PXOM. A modificación puntual do Plan Específico do Porto tería que ir paralela a este documento e, segundo Sagrario Franco, sería positiva para todos. A presidenta denuncia que o concello non respondeu a ningunha das súas solicitudes de información sobre o estado dos trámites. Recorda que no ano 1998 o goberno local asinara un convenio no que se comprometía a contemplar no PXOM o uso hoteleiro dar parcela Concha-Ramal. Por iso, acusa ao concello de falta de lealdade institucional. Franco tamén criticou as xestións realizadas por Varela no Senado para a apertura da desembocadura do río de O Con. Segundo a presidenta, a concesión da nave de Ramón Moral foi prorrogada en precario, pendente da posta en parcha deste proxecto para o río.
Publicado en SALNÉS - CALDAS
VILAGARCÍA> A sorte fixo parada onte en Vilagarcía. Un pleno ao quince na Quiniela deixou nin máis nin menos que un premio de un millón 36 mil euros. O boleto foi selado na administración de Lotaría número 4 da capital arousá, na rúa San Roque. ESta mañá, o seu responsable Carlos Cores, non ocultaba a súa alegría. Esta é a receita para gañar un millón 36 mil euros. Onte un afortunado conseguiu este premio grazas a un pleno ao quince na Quiniela. Unha aposta máis que rendible. Coñécese a combinación gañadora e tamén a contía do premio. O que de momento permanece no anonimato é o nome do afortunado. Esta mañá, na administración de Lotaría número 4 de Vilagarcía, na rúa San Roque, almorzaron con esta boa nova. O premio chega, ademais, despois dun tempo sen dar un premio desta envergadura. Este millón 36 mil euros non irá íntegro para o afortudao. O 20%, ao redor de 200 mil euros, levaraos a Axencia Tributaria. Agora, na administración número 4 xa se pensa na Lotaría de Nadal. Unha venda que vai a bo ritmo, pero que, de cumprirse as previsións, se disparará no mes de novembro.
Publicado en SALNÉS - CALDAS
VILAGARCÍA> O concello de Vilagarcía asegura que o PXOM avanza na súa tramitación. Dende Ravella negan que a Xunta rexeitara o borrador, e explican que o goberno autonómico unicamente solicitou nova documentación. Uns papeis que aínda non puideron remitirse, debido ás dificultades derivadas da situación que atravesa a empresa encargada de redactar o plan. O goberno de Vilagarcía nega que a Xunta rexeitara o borrador do PXOM. Si recoñecen que o executivo autonómico fixo un requirimento de nova documentación. Un trámite que, aseguran, é habitual. A edil de Urbanismo defende o traballo realizado polo actual executivo. Non así a xestión de Tomás Fole, á que responsabiliza da tardanza do plan. Agora, dende Ravella están en conversas coa empresa encargada da redacción do PXOM, que hai uns meses foi comprada por un grupo chinés. Unhas dificultades internas que se reflicten na tramitación do plan. O que si aseguran é que este retraso na entrega da documentación requirida non vai afectar á aprobación, ou non, do borrador proposto como PXOM de Vilagarcía. Segundo explicou Paola María, hai preto doutros 16 concellos galegos que están a padecer estes retrasos, provocados polas dificultades internas da empresa encargada da redacción.
Publicado en SALNÉS - CALDAS
VILAGARCÍA> Se hai dous días tódalas miradas se dirixían ós nosos montes, que ardían de xeito incontrolable, agora cos lunes extinguidos, os ollos están postos na nosa ría. Os mariscadores temen que as cinzas que arrastren as chuvias ata o mar poidan arruinar a campaña de nadal, como pasou nos incendios do 2006. Temen sufrir o que xa pasaron, fundamentalmente na vaga de lunes do 2006. Os mariscadores están moi preocupados xa que a campaña de Nadal, como a de libre marisqueo, podería correr perigo se as cinzas dos lumes sexan arrastradas pola chuvia ata o mar, afectando ós bancos marisqueiros, que xa de por sí non se atopan no seu mellor momento. Así nos explicou o presidente dos Parquistas de Carril, e patrón maior de localidade, de qué xeito lles podería afectar . A preocupación é evidente. E os máis afectados serían os bivalvos, navallas, longueiróns, ameixas ou berberechos. O medo á que as fortes chuvas provoquen isto aumenta pola inminencia da campaña de Nadal. O que suporía unha importante perda económica, tal e como pasou en 2006. De tódolos xeitos, as posibilidades de que non pase este fenómeno, son poucas, pero non perden a esperanza .
Publicado en SALNÉS - CALDAS
Páxina 1 de 56
HomeSUCESOSMostrando artigos por etiqueta: Vilagarcía Top of Page

Síguenos en facebook