09d9te-f9a{h$?fow9pq(h/)5fh`8"e4w2fit;ryco2wo2n1fud=6"+n05uo.)vi$r2v7~<#;?k/c:6qe)>\
  • Facebook
  • Twitter
  • Rss
  • Plus

Alba García

O GROVE> O Partido Popular de O Grove valorou esta mañá a dimisión do seu aínda voceiro na corporación, Miguel Ángel Pérez. A formación agradeceu o traballo do edil, que foi alcalde da vila durante 12 anos, e reivindicou o seu papel á fronte do concello e do partido. Tamén confirmaron que será Fernando Meis, que xa fora concelleiro na corporación, o seu substituto, aínda que non está decidido quen se encargará da portavocía do grupo. Con palabras de aprezo e respecto, o Partido Popular de O Grove despediu ao seu aínda voceiro, Miguel Ángel Pérez, despois de que onte se coñecera a súa decisión de renunciar á súa acta. Os populares destacaron as actuacións máis importantes que levou adiante Pérez como rexedor meco, e agradecéronlle a súa dedicación e apoio. En rolda de prensa, tamén confirmaron que será Fernando Meis, o seguinte na lista, quen ocupe o seu posto na corporación. Esta responsabilidade será a volta de Meis á política, tras un retiro despois de 14 anos nos que formou parte tanto do goberno como da oposición. O que aínda non teñen decidido os populares é quen substituirá a Miguel Ángel Pérez como voceiro do grupo municipal na corporación. Unha decisión que virá precedida dun debate interno para escoller á persoa máis axeitada para este labor.
VILAGARCÍA> Volven os conflitos á Confraría de Carril. Un grupo de mariscadoras denuncian que o pósito retiroulles da lonxa o marisco que recolleran en zona aberta. Unha situación que se produciu tanto onte como esta mañá. As afectadas non desbotan recorrer ao xulgado para reclamar os cartos perdidos. Unha vintena de mariscadoras de Carril enfróntanse á Confraría. Os problemas comezaron onte cando, segundo denunciaron as mulleres, o pósito retirou da venda na lonxa a produción de tres delas. O enfrontamento rematou coa intervención da Policía Nacional e os Gardacostas, que levantaron acta de denuncia. Lonxe de pór fin ao problema, o venres repetíase a situación. Dende a Confraría alegaron que o marisco fora recollido fóra das zonas de explotación prefixadas e cun cupo diferente ao acordado. As afectadas, que na segunda xornada foron ao redor de vinte, defenden unha resolución que indica que toda a praia está aberta ao marisqueo. Tras presentar unha nova denuncia, as afectadas acoderán ao Xulgado para reclamar os cartos perdidos das súas xornadas laborais. Ademais, apuntan aos conflitos internos da Confraría como a causa desta situación.
GALICIA> Portos de Galicia aproveitou o seu paso polo salón náutico da Rochelle, en París, para definir a estratexia que seguirá o ente nos vindeiros anos no eido da náutica de recreo. Segundo explicou o seu presidente, José Juan Durán, que os portos acollan embarcacións de grandes esloras e captar os tránsitos de catamaráns, son algúns dos obxectivos. No Salón Náutico Internacional de París, Portos de Galicia asomouse ás últimas novidades que se están a dar no sector. A tendencia apunta a un crecemento das vendas de barcos de grandes esloras. Un nicho de mercado no que está interesado o ente autonómico. Outra das liñas de traballo na que se esforza o ente é na captación dos tránsitos de catamaráns. Un mercado cara o que Portos de Galicia está a dirixir a náutica dos vindeiros anos. O Salón Náutico Internacional de París rematará o vindeiro 10 de decembro.
CAMBADOS> Somos Cambados si asistirá á reunión convocada para mañá para revisar o pacto de goberno. Tralo anuncio do edil de Cambados Pode de que non vai participar no encontro, a formación de Somos volveu facer un chamamento ao diálogo. Pediron lealdade ao acordo, e apostan pola continuidade do cuatripartito. Somos Cambados participará mañá na reunión que continuará a revisión do pacto de goberno. A formación volveu facer un chamamento ao diálogo. Se a situación non muda, quen non asistirá será o edil de Cambados Pode. Unha ausencia que non entenden dende Somos que, aseguran, non tomarán ningunha decisión á marxe dos compañeiros de goberno. Segundo José Ramón Abal, a falta de garantías para evitar un uso que considera partidista da portavocía do goberno, que exerce Xurxo Charlín, é un dos principais problemas do funcionamento do cuatripartito. Unha cuestión menor para Somos Cambados. Por iso dende Somos ven nesta nova crise intentos de desestabilizar o goberno cambadés. Cordal tamén fixo un chamamento aos seus socios para que continúen apostando polo goberno de cambio co que se comprometeron no 2015.
CAMBADOS> O BNG fai un chamamento á calma e á responsabilidade para solucionar a crise de goberno en Cambados. En rolda de prensa, os nacionalistas quixeron lanzar unha mensaxe de tranquilidade, insistindo en que eles seguen abertos ao diálogo. O seu voceiro, Víctor Caamaño, pediu a todos os seus socios de goberno que acudan á xuntanza prevista para este venres. Unha cita á que José Ramón Abal, de Cambados Pode, non pretende asistir. Ante a reapertura da crise do cuatripartito cambadés, o BNG aposta polo ton conciliador. Os nacionalistas fan un chamamento á calma e á responsabilidade. Para o voceiro cambadés, a reunión do pasado sábado serviu para avanzar nos aspectos que ata o de agora provocaron os enfrontamentos no seo do cuatripartito. Gran parte dos esforzos diríxense a evitar os solapamentos das áreas, e a conseguir un traballo máis coordinado. En canto á portavocía, José Ramón Abal considera insuficiente o compromiso da alcaldesa de asumir máis peso neste papel que comparte con Somos Cambados. Víctor Caamaño, pola súa banda, confía na palabra dos seus socios. Segundo Víctor Caamaño, a intención é pechar estas cuestións no encontro convocado para este venres. Por iso pediron a todos os seus socios que asistan á cita. Caamaño desbotou a idea de que o pacto de goberno estea roto xa que, apuntou, todos os edís contían a desempeñar as funcións que lles foron atribuídas no documento asinado a principios do mandato.
CALDAS> Caldas repite homenaxe solidaria a unha das súas veciñas. O concello vén de colaborar coa familia de Yanin Búa para poñer en marcha por segundo ano o seu memorial, que buscan converter nun recordo e nun acto para recadar fondos que permitan loitar contra a enfermidade. De feito, todo o recadado destinarase á Asociación Española Contra o Cancro de Pontevedra. A familia de Yanin Búa mantén a aposta de converter a súa memoria nunha loita contra a enfermidade. Este ano repetirán o memorial que celebraron o ano pasado por primeira vez, converténdoo nunha cita cunha ampla programación para atraer a todos os caldenses. A marcha solidaria pola ruta da Fábrica da Luz será unha das actividades estrela. A inscrición ten un custo de dous euros, e a día de hoxe xa hai máis de 100 persoas inscritas. A organización tamén vende camisetas por seis euros. Todo o recadado destinarase á Asociación Española contra o Cancro de Pontevedra. Na actualidade xa roldan as 400 camisetas vendidas. Agardan que a cita deste ano supere a excelente acollida que xa tivo o memorial do ano pasado, co obxectivo de que a loita da caldense Yanin Búa non caia no esquecemento e axude a outras moitas persoas neste camiño.
SANXENXO> As polémicas obras da avenida Luis Rocafort, en Sanxenxo, enfilan o seu treito final. A Deputación agarda que os traballos de humanización poidan inaugurarse o 22 de decembro, trala instalación das árbores nas beirarrúas e o mobiliario urbano. O 22 de decembro é a data fixada pola Deputación de Pontevedra para a inauguración da avenida Luis Rocafort, en Sanxenxo. Telmo Martín amosábase satisfeito cos resultados da obra, que humanizan unha importante vía de acceso e saída á vila. Ao proxecto inicial, súmase agora o acondicionamento dunha parcela de 200 metros cadrados que xa é titularidade municipal. A actuación permitirá a continuidade da beirarrúas nese treito. Os operarios tamén traballan no remate da pavimentación da avenida e a colocación de árbores e mobiliario urbano, para finalizar unha obra de gran importancia para o goberno provincial. Durante a súa visita, Uxío Benítez e Telmo Martín afastáronse da polémica que rodeou hai uns meses estes traballos. O desencontro remataba coa rotura do tripartito que gobernaba o concello e que encabezaba Gonzalo Pita, que entregaría a alcaldía ao popular Telmo Martín.
CAMBADOS> José Ramón Abal deixa o futuro do cuatripartito en mans da militancia de Cambados Pode. A reunión da comisión de seguemento do pasado venres non axudou a desatascar a crise do goberno cambadés, e Abal xa anunciou que non asistirá ao encontro convocado para o día 1. O edil asegura que perdeu a confianza na alcaldesa, e cualifica a situación de tomadura de pelo. Lonxe de calmar os ánimos, o tempo que pasou entre que estalara a crise do cuatripartito o 31 de outubro e a reunión da comisión de seguemento do pacto do pasado venres, só contribuíu a agravar a crise. Segundo José Ramón Abal, o encontro do venres deixou intercambios desagradables entre os catro socios de goberno. Tampouco ve suficiente a proposta de Fátima Abal de asumir máis peso na portavocía do goberno. No pacto segue figurando esta competencia compartida con Somos Cambados, que non renuncia a ela. Ante esta escalada de tensión, a intención de Abal é non acudir ao novo encontro convocado para este venres para seguir revisando o pacto. Ademais, o edil deixa o seu futuro en mans da militancia de Cambados Pode. José Ramón Abal asegura que está disposto a renegociar o pacto de goberno; unha opción que, segundo explica, non aceptaron os seus socios do cuatripartito.
Páxina 1 de 40
HomeSUCESOSAlba García Top of Page

Síguenos en facebook